Ilezi

Ole.

98 So ole ọkpokpọ kẹ Jihova,+

Keme o ru eware igbunu no.+

Obọze riẹ, ugbobọ ọrẹri riẹ o wha esiwo ze no.*+

2 Jihova o dhesẹ esiwo riẹ via no;+

O dhesẹ ẹrẹreokie riẹ via kẹ erẹwho na no.+

3 Ọ kareghẹhọ uyoyou riẹ nọ o rẹ hiẹ hẹ avọ ọtẹruo riẹ kẹ uwou Izrẹl no.+

Akpọ na soso ọ ruẹ esiwo* Ọghẹnẹ mai no.+

4 Wha bo ubo obokparọ kẹ Jihova, whai otọakpọ na soso.

Wha wereva je bo ubo oghọghọ jẹ so ile ujiro.*+

5 Wha so ile jiri* Jihova avọ akpata nọ wha bi kporo,

Wha rọ akpata avọ ole ọwewere jiri ei.

6 Wha rọ egba avọ edo onware jiri ei,+

Wha bo ubo obokparọ evaọ aro Jihova, Ovie na.

7 Jọ abade na avọ eware kpobi nọ e rrọ eva riẹ i ru edo egbrara,

Te otọakpọ* na avọ enọ e be rriae.

8 Jọ ithẹ na e tehe abọ rai;

Jọ igbehru na i kuomagbe bo ubo oghọghọ+

9 Evaọ aro Jihova, keme ọ be nyaze ti* bruoziẹ akpọ na.

Ọ te rọ ẹrẹreokie bruoziẹ ahwo nọ a rrọ otọakpọ* na+

Jẹ rọ uvioziẹ bruoziẹ ahwo na.+