Job
19 Job ọ tẹ kpahe ẹme nọ:
4 O tẹ ginẹ rrọ nọ me ru thọ,
Uzou mẹ iruthọ na e rrọ.
5 Wha tẹ gbaemu nọ wha rẹ wọ oma rai kpehru vi omẹ,
Be ta nọ eware nọ e be via kẹ omẹ na i fo kẹ omẹ,
6 Jọ wha riẹ nọ Ọghẹnẹ họ ọnọ o su omẹ thọ,
Ọ rehọ ẹriri riẹ mu omẹ no.
7 Rri! Me bi bo ọvo nọ, ‘Oja yo!’* rekọ ohwo ọvo ọ be kẹ uyo ho;+
Me bi bo ọvo kẹ obufihọ, rekọ a bi bru uvioziẹ hẹ.+
8 Ọ bọ ugbẹhẹ itho ro gbere edhere mẹ, fikiere mẹ rẹ sae nyavrẹ hẹ;
Ọ rehọ ebi ruru edhere mẹ.+
9 Ọ ba orro mẹ no omẹ oma
Je si etu-uvie no omẹ uzou.
10 Ọ be jọ kabọ kabọ guọghọ omẹ fihọ otọ bẹsenọ me re whu;
O vi ẹruore mẹ no otọ wọhọ ure.
11 O bi mu ofu ọgaga kẹ omẹ,
O te je rri omẹ fihọ ọwegrẹ riẹ.+
12 Egbaẹmo riẹ a kokohọ, a te ko omẹ họ,
A fa evuẹ wariẹ uwou-udhu mẹ họ.
13 O le inievo obọmẹ thabọ no omẹ,
Yọ ahwo nọ a riẹ omẹ a siomano omẹ.+
15 Erara nọ e rrọ uwou mẹ+ gbe erigbo emetẹ mẹ a bi rri omẹ fihọ ọrara;
Mẹ yọ ohwo orẹwho ọfa evaọ aro rai.
16 Me se odibo mẹ rekọ o yo kẹ omẹ hẹ;
Mẹ rọ unu mẹ na lẹe re o wo ọdawẹ kẹ omẹ.
18 Makọ emọ eboba dede a be jẹ omẹ fiẹ;
Mẹ tẹ kpama, a ve mu omẹ họ ẹrọzaharo.
21 Jọ wha re ohrọ mẹ egbẹnya mẹ, wha re ohrọ mẹ,
Keme obọ Ọghẹnẹ u te omẹ no.+
23 Dodokọ a re kere eme mẹ fihotọ,
Dodokọ a re kere ai fihọ obe!
24 O, dodokọ a rẹ kare ae fihọ utho bẹdẹ bẹdẹ,
Rehọ ugbẹ ayọno gbe elẹdi kare ae!
26 Nọ a tẹ raha ohọroma mẹ no,
Nọ uwo-oma mẹ o gbẹ rrọ na, mẹ te ruẹ Ọghẹnẹ,
27 Ọnọ mẹ omamẹ mẹ te ruẹ,
Ọnọ mẹ te rọ ibiaro obọmẹ ruẹ, orọnikọ erọ omọfa ha.+
Rekọ evaọ obeva, ofu o bi dhe omẹ!*
28 Keme wha be ta nọ, ‘Oghẹrẹ vẹ ma be rọ kẹe uye?’+
Bi dhesẹ nọ mẹ họ ọnọ ọ wha ẹbẹbẹ na ze.