Job
16 Job ọ tẹ kpahe ẹme nọ:
2 “Me yo eme itienana buobu no vẹre.
Uye whai kpobi wha be kẹ omẹ orọnikọ omosasọ họ!+
Eme ọ nwane dha owhai eva tere nọ wha be rọ ta ẹme enẹ?
4 Mẹ rẹ sae ta ẹme epanọ wha be ta na.
5 Rekọ ukpoye, mẹ hae te rọ ẹmeunu mẹ bọ owhai ga,
Jẹ rehọ eme omosasọ nọ i bi no igbenu mẹ ze ru oma voro owhai.+
6 Mẹ tẹ ta ẹme, u re ru edada mẹ serihọ họ,+
Yọ mẹ tẹ siọ ẹme ba ẹta, kọ edada mẹ i re gine kpotọ?
8 Whọ tẹ jẹ duọ omẹ, onana o tẹ rrọ isẹri,
Oma mẹ nọ o dọ fihọ na u bi se isẹri kpe omẹ.
9 Ofu riẹ ọ bẹre omẹ ekekẹ no, yọ ọ be jẹ omẹ egrẹ.+
Ọ be reakọ riẹ rri omẹ.
Ọwegrẹ mẹ ọ be rọ ibiaro riẹ duwu omẹ.+
10 A rovie unu rai fihọ kẹkẹe rọsuọ omẹ,+
Yọ a be rọ omẹ jijehwẹ, be tehe omẹ abovao;
A kokohọ buobu ze rọsuọ omẹ.+
11 Ọghẹnẹ ọ rehọ omẹ họ obọ emezae eboba na,
O tu omẹ họ obọ ahwo omuomu.+
12 Me wo idhọvẹ vẹre he, rekọ ọ tẹ bẹre omẹ fihotọ;+
Ọ jọ obemu duọ omẹ uriohọ, ọ tẹ guọghọ omẹ no;
Ọ tẹ be họre omẹ.
14 O bi kporo ighogho fihọ omẹ oma ọvo wọhọ ugbẹhẹ;
Ọ họrọ mu omẹ wọhọ ọgbaẹmo.
16 Mẹ viẹ aro ware no,+
17 Onana o via dede nọ mẹ rọ abọ ru oware ozighi ovuovo ho
Yọ mẹ lẹ emamọ olẹ.
18 O otọakpọ, who ruru azẹ mẹ hẹ!+
Jọ oviẹ mẹ u wo oria eriosehọ họ!
19 Makọ enẹna, obọ odhiwu osẹri mẹ ọ rrọ;
Ọnọ ọ rẹ sai se isẹri kẹ omẹ ọ rrọ oria nọ u kpehru.
21 Jọ ohwo jọ ọ nyaze ti bruoziẹ ohwo-akpọ avọ Ọghẹnẹ,
Wọhọ epanọ ohwo o re bruoziẹ ohwo avọ ọrivẹ riẹ na.+