Job
18 Bildad+ ohwo Shuah na ọ tẹ kpahe ẹme nọ:
2 “Ẹvẹ u re kri te re whọ tẹ siọ oghẹrẹ eme nana ba ẹta?
Dina wo otoriẹ omojọ re ma sae ta ẹme.
4 Whọ tẹ maki mu ofu va oma* ra ekekẹ
Kọ ahwo a te dhẹ no otọakpọ na no fiki ra,
Hayo kọ utho na u ti no oria riẹ no?
5 Ẹhẹ, a ti furie ukpẹ ohwo omuomu na,
Yọ erae riẹ e te kẹ elo ho.+
6 Elo nọ ọ rrọ eva uwou-udhu riẹ o ti zihe ruọ ebi,
Yọ a ti furie ukpẹ nọ u bi lo kẹe.
7 Ugbowọ nọ ọ be zare na o te kpẹre,
Yọ ohrẹ obọriẹ u ti gele iei kie.+
8 Keme awọ riẹ o ti su ei ruọ ẹriri,
Yọ o ti ghoro ruọ ighogho ifi ẹriri.
9 Ẹta o ti mu ei ethihrowọ,
Yọ agbefẹ o ti mu ei.+
10 A kpahe ufi nọ a ko dhere fihọ otọ kẹe,
Ẹta ọ rrọ edhere riẹ.
11 Eware nọ i bi ru ozọ mu ei i bi no kabọ kabọ ze+
E rọ kpahe awọ riẹ tuatuatua.
13 Ohọroma riẹ o raha no;
Ẹyao nọ ọ mai yoma kpobi* ọ raha abọ gbe awọ riẹ no.
16 Awọ riẹ nọ e ta họ otọ i ti whu no evaọ obotọ,
Yọ egha riẹ nọ e rrọ ehru riẹ i ti lo no.
17 A gbẹ te jọ otọakpọ na kareghẹhọ iẹe he,
Yọ a gbẹ te jọ evaọ iyẹrẹ na riẹ odẹ riẹ hẹ.*
18 A ti lei no elo ruọ ebi
Je lei no otọakpọ na.
19 O ti yẹ ọmọ họ yọ o ti wo uyẹ ovuovo evaọ udevie ahwo riẹ hẹ,
Ohwo riẹ ọvuọvo o ti whu kiọkọ họ evaọ oria nọ ọ be rria.*
20 Nọ ẹdẹ riẹ o te te no, akpọ o ti gbe ahwo obọ Ukiediwo-Ọre na unu
Yọ ozọ u ti mu ahwo nọ a rrọ obọ Ovatha-Ọre.
21 Ona họ oware nọ o rẹ via kẹ iwou-udhu ohwo nọ o bi ru oware uyoma
Gbe oria ohwo nọ ọ riẹ Ọghẹnẹ hẹ.”