OLE NỌ O VI ILE
1 Ole nọ o vi ile,* orọ Solomọn:+
Odẹ ra ọ wọhọ udẹ nọ u bi gbo ore awere nọ a ku ze.+
Oyejabọ nọ ivovo-eyae na a ro you owhẹ na.
4 Rehọ omẹ kugbe oma;* joma dhẹ vrẹ.
Ovie na ọ rehọ omẹ ziọ ubrukpẹ* riẹ!
Joma ghọghọ jẹ wereva fiki ra.
Joma jiri* eme uyoyou nọ whọ be ta vi enwaene.
Agbẹta nọ a* ro you owhẹ na!
5 Mẹ rrọ biebi, rekọ me wo erru, O emetẹ Jerusalẹm,
6 Who du rri omẹ avọ igbunu hu fikinọ mẹ rrọ biebi,
Fikinọ uvo o to omẹ oma no.
Emezae oni mẹ a dha eva kẹ omẹ;
A fi omẹ họ ọnọ ọ rẹ rẹrote egbọ evaene na,
Rekọ mẹ rẹrote ọgbọ evaene obọmẹ hẹ.
7 Vuẹ omẹ, O ọnọ me* you gaga na,
Oria nọ who re su ithuru erao ra kpohọ nyae re ẹbe,+
Oria nọ whọ rẹ rehọ ae kpohọ evaọ oke uvo re a rruẹ fihọ.
Fikieme mẹ rẹ rọ jọ wọhọ aye nọ ọ rọ ohọ* ruru ovao
Evaọ udevie ithuru erao erivẹ ra?”
8 “Otẹrọnọ whọ riẹ hẹ, O aye nọ o wo erru vi eyae kpobi,
Lele ithihi awọ ithuru erao na
Re who su emọ ewe ra nyae re ẹbe kẹle iwou-udhu ithuru-igodẹ na.”
9 “Oyoyou mẹ, evaọ aro mẹ, whọ wọhọ anyenya aye ọboba* evaọ usu ekẹkẹ Fẹro.+
10 Ibiegba ra e rrọ wowoma avọ eware osẹ,*
Uriohọ ra o rrọ wowoma avọ ibi ifiare nọ a whe nọ who fihọ.
11 Ma ti ru eware osẹ* igoru kẹ owhẹ
Enọ a rọ isiliva tamu.”
12 “Nọ ovie na ọ keria agbara emẹjẹ ogheghelie riẹ na,
Yọ isialẹ+ mẹ i bi gbo ore awere ọvo.
13 Rọkẹ omẹ, ọghaghae mẹ ọ wọhọ ẹkpa mọr+ nọ o bi gbo ore awere,
Ọ rẹ jọ udevie ivie ivẹ mẹ asohẹrioke.
15 “O! Who wo erru kẹhẹ, oyoyou mẹ.
O! Who wo erru kẹhẹ. Ibiaro ra e wọhọ erọ irueruẹ.”+
16 “O! Who wo erru kẹhẹ,* ọghaghae mẹ, yọ whọ rẹ were oma.+
Ehwa mai e rrọ udevie ẹbe ọbọbọ na.
17 Ewẹ-ire ilogbo uwou* mai yọ erọ sida,
Ewẹ-ire esese riẹ yọ erọ junipa.
2 “Wọhọ ododo nọ ọ rrọ udevie idhigbo
Ere oyoyou mẹ na ọ rrọ evaọ udevie emetẹ na.”
3 “Wọhọ ure apo nọ o rrọ udevie ire owhawho,
Ere ọghaghae mẹ na ọ rrọ evaọ udevie emezae na.
U bi si omẹ urru gaga re mẹ keria otọ edhedhẹ riẹ,
Yọ ubi-ure riẹ o be mere omẹ unu.
4 Ọ rehọ omẹ kpohọ uwou ehaa emuọriọ,*
Yọ uyoyou họ ohọ nọ o ro ruru omẹ.
Wha du lẹliẹ omẹ wo uyoyou hayo kpare isiuru mẹ hẹ bẹsenọ o rẹ dhẹ ruọ omẹ oma.+
8 Me bi yo urru ọghaghae mẹ na!
Rri! Ọ be nyaze,
Ọ be gadiẹ igbehru ze, ọ be la ikpehru ze.
9 Ọghaghae mẹ na ọ wọhọ ugbosu, ọ wọhọ uyo oboba.+
Ọye ọ rrọ etẹe na, ọye o dikihẹ emu ugbẹhẹ mai na,
Be rọ inwido rri,
Be rọ ighogho inwido no rri.
10 Ọghaghae mẹ na ọ ta ẹme, ọ ta kẹ omẹ nọ:
‘Kpama, oyoyou mẹ,
Ọmọtẹ avọ erru mẹ na, nyaze re ma gbẹ nyavrẹ.
11 Rri! Ezi ekpahe* na ọ vrẹ no.
Iso na e ka no je kuhọ no.
12 Idodo e romavia no evaọ otọ na,+
Oke nọ a re ro bru egha ekakọ ruẹrẹhọ u te no,+
Yọ ma be jọ ẹkwotọ mai yo edo irueruẹ.+
13 Ibi ọsosuọ ure ifigi e ware no;+
Evaene na e whẹ ivo họ no je bi gbo ore awere.
Kpama, oyoyou mẹ, re whọ nyaze.
Ọmọtẹ avọ erru mẹ na, nyaze re ma gbẹ nyavrẹ.
14 O erueruẹ mẹ, nọ ọ rrọ eria nọ i siomano evaọ ugbehru-utho,+
Nọ ọ rrọ eria nọ i dhere evaọ obehru ugbehru-utho,
Jomẹ ruẹ owhẹ re me je yo urru ra,+
Keme urru ra o rẹ were oma yọ erru ra o siuru kẹhẹ.’”+
15 “Mu iruakọ kẹ omai,
Iruakọ esese nọ e rẹ raha egbọ evaene na,
Keme egbọ evaene mai e be whẹ ivo họ.”
16 “Mẹ me wo ọghaghae mẹ na, yọ ọye o wo omẹ.+
Ọ be rẹrote igodẹ+ evaọ udevie idodo obọ ẹwọ na.+
17 Taure ofou o te ti muhọ efou evaọ okpẹdoke na,* taure iwoho e tẹ te hiẹ no,
Zihe ze vẹrẹ, O ọghaghae mẹ,
Wọhọ ugbosu+ hayo uyo oboba+ nọ o rrọ ehru igbehru nọ e rrọ udevie mai na.*
Mẹ gwọlọ e riẹ, rekọ mẹ ruẹ e riẹ hẹ.+
Mẹ gwọlọ e riẹ, rekọ mẹ ruẹ e riẹ hẹ.
3 Iroroke nọ e jẹ nya okpẹwho na wariẹ a tẹ ruẹ omẹ.+
‘Wha ruẹ ọnọ me* you na?’
4 Nọ mẹ nwane nyavrẹ rai no
Mẹ tẹ ruẹ ọnọ me* you na.
Me kru rie, mẹ rọwo siobọnoi hi
Bẹsenọ mẹ rọ rehọ iẹe ziọ uwou oni mẹ,+
Kpohọ ubrukpẹ ọnọ ọ wha eva mẹ.
Wha du lẹliẹ omẹ wo uyoyou hayo kpare isiuru mẹ hẹ bẹsenọ o rẹ dhẹ ruọ omẹ oma.”+
6 “Kinọ eme o bi no obọ udhude ze nọ o wọhọ ikulu iwiri na,
Nọ u bi gbo ore mọr avọ frankinsẹns,
Je bi gbo emamọ ore epọda sa-sa erọ ọgba-ọhreki?”+
7 “Whaọ rri! Agbara othethei ọrọ Solomọn.
Ezae egaga udhosa e wariẹ e riẹ họ,
Nọ i no usu ezae egaga Izrẹl ze,+
8 Ọgbọdọ ọ rrọ aikpobi obọ,
A wuhrẹ aikpobi epanọ a re fi ẹmo,
Ae omomọvo ọ thọrọ ọgbọdọ riẹ fihọ eku
Re a rou irou fiki idudu aso na.”
10 Ọ rọ isiliva ru ipila riẹ,
Jẹ rọ igoru ru eware nọ i kru oma riẹ.
Iwhulu ogorurẹ o ro ru oria ẹkeria riẹ;
A nabe whẹ erru họ obeva riẹ ziezi
Emetẹ Jerusalẹm họ enọ e whẹ erru họ iẹe.”
11 “Wha nya via, O whai emetẹ Zayọn,
Wha rri Solomọn ovie na
Nọ o ku etu* ehaa orọo họ, onọ oni riẹ+ o ru kẹe
Evaọ ẹdẹ ehaa orọo riẹ,
Ẹdẹ nọ oghọghọ o jọ udu riẹ.”
4 “O! Who wo erru kẹhẹ, oyoyou mẹ.
O! Who wo erru kẹhẹ.
Ibiaro ra e wọhọ erọ irueruẹ evaọ emu iveli* ra.
Eto ra e wọhọ owa ewe
Nọ i bi su no igbehru Giliad+ ziọ otọ.
2 Ibiakọ ra e wọhọ uthuru igodẹ nọ a bru eto rai no obọ
Nọ i no oria nọ a jọ họ ae ze,
Aikpobi a yẹ ijime,
Yọ makọ ọmọ ọvo rai dede o vru mi ai hi.
3 Igbenu ra e wọhọ olulu ọwawae,
Ẹmeunu ra ọ were kẹhẹ.
Wọhọ ẹwẹ pọmegranet
Ere ibiegba ra e rrọ* evaọ emu iveli ra.
4 Uriohọ ra+ o wọhọ uwou ukpehru Devidi,+
Onọ a rọ itho bọ othotha
Onọ a rọ ejese nọ i bu te odu rọ hwa,
Ejese igheghelie ezae egaga na kpobi.+
6 “Taure ofou o te ti muhọ efou evaọ okpẹdoke na,* taure iwoho e tẹ te hiẹ no,
Mẹ te nya kpobọ ugbehru nọ mọr e rrọ
Kpobọ ukpehru nọ frankinsẹns e rrọ.”+
8 Lele omẹ no obọ Lebanọn ze, ọmọtibobo mẹ,
Lele omẹ no obọ Lebanọn+ ze.
Nwrotọ no obọ ehru Amena* ze,
No obọ ehru Sina ze, ehru Hẹmọn,+
No obọ uwou ikpohrokpo ze, no obọ igbehru ikeke ze.
9 Whọ dhẹ ruọ omẹ oma no,+ oniọvo-ọmọtẹ mẹ, ọmọtibobo mẹ,
Whọ dhẹ ruọ omẹ oma no fiki uriwo ovuovo nọ who rri omẹ,
Fiki ubi ufiare ovo evaọ usu ibi ifiare nọ e rrọ owhẹ uriohọ.
10 Eme uyoyou ra nọ whọ be ta i siuru* kẹhẹ,+ oniọvo-ọmọtẹ mẹ, ọmọtibobo mẹ!
Eme uyoyou nọ whọ be ta i woma vi enwaene+ thethabọ,
Yọ ore awere isialẹ ra o woma vi oware kpobi nọ u re gbo ore awere!+
11 Ọnyọ nọ o no othuzou-ọnyọ+ ze o bi su no igbenu ra ze, ọmọtibobo mẹ.
Ọnyọ avọ imiliki e rrọ otọ ẹrọo ra,+
Yọ ore awere nọ u bi no iwu ra ze o wọhọ ore awere Lebanọn.
12 Oniọvo-ọmọtẹ mẹ, ọmọtibobo mẹ, ọ wọhọ ọgbọ nọ a kare ẹthẹ riẹ,
Ọgbọ nọ a kare ẹthẹ riẹ, eyeri-ame nọ a kare ziezi.
13 Egha* ra yọ aparadase* orọ pọmegranet
Avọ emamọ ibi-ire nọ e mai woma, te hẹna gbe ekakọ nọ i re gbo ore awere,
14 Ekakọ nọ i re gbo ore awere+ avọ safrọn, uti+ gbe sinamọn,+
Gbe oghoghẹrẹ ire frankinsẹns, mọr, gbe alọe+ kpobi,
Te eware nọ e rẹ mai gbo ore awere kpobi.+
15 Whẹ yọ eyeri-ame nọ ọ rrọ ọgbọ, oza nọ emamọ ame ọ rrọ,
Gbe iko-ame nọ i bi su no Lebanọn ze.+
16 Kpama, O ofou ẹkpẹlobọ ovatha-ọre;
Ruọ eva, O ofou obọze ovatha-ọre.
Ku ẹwẹ fihọ* ọgbọ mẹ.
Jọ ore awere riẹ u gbo ruọ eria kpobi.”
“Jọ ọghaghae mẹ na ọ ruọ eva ọgbọ riẹ
Re ọ jariẹ re ibi-ire nọ e mai woma.”
5 “Mẹ ruọ eva ọgbọ mẹ no,+
O oniọvo-ọmọtẹ mẹ, ọmọtibobo mẹ.
Mẹ tọlọ mọr gbe eware mẹ nọ i re gbo ore awere no.+
Mẹ re othuzou-ọnyọ mẹ jẹ lalọ ọnyọ mẹ no;
Mẹ da enwaene mẹ gbe imiliki mẹ no.”+
“Wha re emu, egbẹnyusu eghaghae!
Wha da eme uyoyou* vọ eva re i mu owhai!”+
2 “Mẹ rrọ owezẹ, rekọ udu mẹ o be wezẹ hẹ.+
Me bi yo edo ọghaghae mẹ nọ o bi kporo ẹthẹ!
‘Rovie kẹ omẹ, O oniọvo-ọmọtẹ mẹ, oyoyou mẹ,
Erueruẹ mẹ, ọnọ oka ovuovo o rrọ oma ha na!
Keme igrigri e lẹliẹ uzou mẹ vo no,
Ewhrọwhrọ aso na i ru eto mẹ vo no.’+
3 Mẹ ba ewu mẹ no.
Kọ mẹ rẹ jẹ wariẹ ku ei họ?
Mẹ wozẹ awọ mẹ no.
Kọ mẹ rẹ jẹ wariẹ gbe ai no?
4 Ọghaghae mẹ o si obọ riẹ no eghogho ẹthẹ na no,
Oma o tẹ koyẹ omẹ fiki riẹ.
5 Mẹ kpama re me rovie kẹ ọghaghae mẹ na;
Mọr o te bi su no abọ mẹ ze,
Ame mọr o te bi su no iziabọ mẹ ze,
Bi su fihọ oware nọ a rẹ rọ kare ẹthẹ na.
6 Me te rovie kẹ ọghaghae mẹ na,
Rekọ ọghaghae mẹ na o kuomarẹriẹ no, ọ nyavrẹ no.
Ọkora ọ ruọ omẹ oma nọ ọ nyavrẹ.*
Mẹ gwọlọ e riẹ, rekọ mẹ ruẹ e riẹ hẹ.+
Me se rie, rekọ o yo kẹ omẹ hẹ.
7 Iroroke nọ e be nya okpẹwho na wariẹ a tẹ ruẹ omẹ.
A tehe omẹ, a nwa omẹ oma.
Iroroke nọ e rrọ akotọ ugbẹhẹ na a mi omẹ ohọ nọ me ro wowo.*
8 Mẹ be ta kẹ owhai nọ wha duwu iyei, O whai emetẹ Jerusalẹm:
Wha tẹ ruẹ ọghaghae mẹ,
Wha ta kẹe nọ uyoyou o kọ ruọ omẹ uzou no.”
9 “Ẹvẹ ọghaghae ra o ro woma vi ọghaghae ọfa kpobi,
Whẹ aye nọ o wo erru vi eyae kpobi?
Ẹvẹ ọghaghae ra o ro woma vi ọghaghae ọfa kpobi,
Nọ whọ be rọ ta kẹ omai nọ ma duwu iyei itieye?”
10 “Ọghaghae mẹ na o bi lo, o te je wo emamọ ovioma;
O wo ohẹriẹ evaọ udevie ahwo idu ikpe.
11 Uzou riẹ igoru, igoru nọ e mai woma.
Eto riẹ e wọhọ eya iriẹ* nọ i bi fou,
E rrọ biebi wọhọ ọkọlọbe.
12 Ibiaro riẹ e wọhọ ibiaro irueruẹ nọ e rrọ akotọ iko-ame,
Nọ e be rọ imiliki họ,
Nọ e rrọ akotọ uto ame nọ o vọ te unu.*
13 Ibiegba riẹ e wọhọ ọgbọ idodo nọ i bi gbo ore awere,+
Oria ukpehru nọ ebe nọ i re gbo ore awere e rrọ.
Igbenu riẹ idodo, nọ ame mọr+ o bi su no ze.
14 Abọ riẹ ekwakwa igoru igheghelie* nọ a rọ krisolaet whẹ erru họ.
Okpeva riẹ akọ-eni nọ o bi lo nọ a rọ safaya ruru.
15 Awọ riẹ ipila ibitho ikekeri* nọ a ro dikihẹ awọ nọ a rọ igoru nọ e mai woma ru.
Whọ tẹ ruẹ e riẹ, ọ wọhọ Lebanọn, wọhọ ire sida+ nọ a rẹ ruẹ ọkpọ rai hi.
Ọnana họ ọghaghae mẹ, ọnana họ oyoyou mẹ, O emetẹ Jerusalẹm.”
6 “Bovẹ ọghaghae ra na o kpohọ,
O aye nọ o wo erru vi eyae kpobi?
Edhere vẹ ọghaghae ra na ọ wẹriẹ?
Joma lele owhẹ gwọlọ iẹe.”
2 “Ọghaghae mẹ na o kpobọ ọgbọ riẹ,
O kpohọ ọgbọ ekakọ nọ i bi gbo ore awere,
Ọ nyae rẹrote igodẹ evaọ obọ egbọ na
Re ọ jẹ kọrọ idodo.+
3 Ọghaghae mẹ na ọye o wo omẹ,
Yọ mẹ me wo ọghaghae mẹ na.+
Ọ be rẹrote igodẹ evaọ udevie idodo obọ ẹwọ na.”+
4 “Who wo erru wọhọ Tẹza,*+ oyoyou mẹ,+
Whọ rrọ wowoma wọhọ Jerusalẹm,+
Who re mu urirẹ wọhọ egbaẹmo nọ i dikihẹ wariẹ ebana rai họ.+
Eto ra e wọhọ owa ewe
Nọ i bi nwrotọ no eria nọ i kuwhrẹrẹ evaọ Giliad ze.+
6 Ibiakọ ra e wọhọ uthuru igodẹ
Nọ i no oria nọ a jọ họ ae ze,
Aikpobi a yẹ ijime,
Yọ makọ ọmọ ọvo rai dede o vru mi ai hi.
9 Rekọ ọvo họ erueruẹ mẹ,+ ọnọ oka ovuovo o rrọ oma ha na.
Ọvo kọ ọvo oni riẹ na.
Ọye họ ọnọ ọ mae were* ọnọ o yẹ riẹ.
Nọ emetẹ na a ruẹ e riẹ, a se rie ọnọ o wo evawere;
Nọ eyae-ivie gbe ese na a ruẹ e riẹ, a jiri rie.
10 ‘Ono o bi lo* wọhọ oke nọ o ke no na,
Nọ o wo erru wọhọ ọvẹre nọ o ghelie no na,
Nọ ọ rrọ fuafo wọhọ elo ọre na,
Nọ o bi mu urirẹ wọhọ egbaẹmo nọ i dikihẹ wariẹ ebana rai họ na?’”+
11 “Me kpobọ ọgbọ ire nọ e rẹ mọ ibi+
Re me rri ekakọ nọ e dhẹ ze obọ evaọ ukiekpotọ* na,
Re me rri sọ evaene na e ta ze* no,
Sọ ire pọmegranet na e whẹ ivo họ no.
13 “Zihe ze, zihe ze, O ọmọtẹ Shulam!
Zihe ze, zihe ze,
Re ma ruẹsi rri owhẹ!”
“Fikieme wha bi ro rri ọmọtẹ Shulam na?”+
“Ọ wọhọ itu ivẹ nọ i bi gbile!”*
7 “Awọ ra o woma kẹhẹ evaọ eviẹ ra,
O ọmọtẹ ezi!
Ikpekpawọ ra e nabe rrọ gheghelie wọhọ eware osẹ,
Iruo abọ ọwena.
2 Uwowo ra yọ omodhe okokodo ogheghelie.
Jọ enwaene nọ a gua ọ kare iẹe he.
Eva ra yọ iwhiti nọ a whẹ kokohọ,
Nọ idodo e wariẹ họ.
3 Ivie ivẹ ra e wọhọ emọ orua ivẹ,
Ijime nọ ugbosu o yẹ.+
4 Uriohọ ra+ ọ wọhọ uwou ukpehru nọ a rọ akọ-eni ru.+
Unwe ra ọ wọhọ uwou ukpehru Lebanọn,
Nọ o rẹriẹ ovao ku Damaskọs.
Eto ithethei ra nọ i bi fou i ru owhẹ dhẹ ruọ ovie na oma.*
6 Who wo erru kẹhẹ, who siuru kẹhẹ,
O ọmọtẹ oyoyou, who woma vi eware efa kpobi nọ e rẹ kẹ evawere!
8 Mẹ ta nọ, ‘Mẹ rẹ gadiẹ oriẹ na
Re me kru igbe ibi riẹ.’
Jọ ivie ra e jọ wọhọ ewhala ibi-ire evaene,
Ẹwẹ-okuo ra o ve gbo ore awere wọhọ apo,
9 Yọ unu* ra o wọhọ enwaene nọ ọ mai woma.”
“Jọ o rehọ ẹmẹrera kpobọ eva ọghaghae mẹ na,
Je su ẹmẹrera fihọ igbenu enọ e rrọ owezẹ.
10 Ọghaghae mẹ na ọye o wo omẹ,+
Yọ mẹ o wo isiuru kẹ.
12 Joma kake kpama re ma kpobọ egbọ evaene na
Re ma rri sọ evaene na e ta ze* no,
Sọ idodo na e bẹre rovie no,+
Sọ ire pọmegranet na e whẹ ivo họ no.+
Obei mẹ te jọ ta eme* uyoyou kẹ owhẹ.+
Te enọ a kọrọ obọ te erọ anwẹdẹ,
Me fi rai họ obei kẹ owhẹ, O ọghaghae mẹ.
8 “Dodokọ whọ wọhọ oniọvo-ọmọzae mẹ,
Nọ o vie evie oni mẹ!
Kẹsena nọ mẹ hae ruẹ owhẹ evaọ obọ otafe, mẹ hae te viọlọ owhẹ,+
Yọ ohwo ọvo ọ hae te jẹ omẹ fiẹ hẹ.
Mẹ hae te kẹ owhẹ enwaene nọ a fi eware nọ i re gbo ore awere họ re whọ da,
Ame ubi-ure pọmegranet nọ a mi ze obọ.
3 Ẹkpẹlobọ riẹ ọ hae te jọ otọ uzou mẹ,
Yọ obọze riẹ o hae te gbalọ omẹ.+
4 Mẹ be ta kẹ owhai nọ wha duwu iyei, O whai emetẹ Jerusalẹm:
Wha du lẹliẹ omẹ wo uyoyou hayo kpare isiuru mẹ hẹ bẹsenọ o rẹ dhẹ ruọ omẹ oma.”+
5 “Ono o bi no obọ udhude ze na,
Nọ ọ rọ oma rẹrẹ ọghaghae riẹ na?”
“Otọ ure apo mẹ jọ rọwo owhẹ ze.
Etẹe oni ra ọ jẹ jọ thuẹ othuẹ eyẹ ra.
Etẹe eva-eyẹ e jẹ jọ da ọnọ o yẹ owhẹ.
6 Ru re mẹ jọ oware oka-ukpehọ nọ o rrọ udu ra,
Oware oka-ukpehọ nọ o rrọ ugbobọ ra,
Keme uyoyou u wo ẹgba wọhọ uwhu,+
Omarọkẹ riẹriẹriẹ o wọhọ Uki* nọ u re siobọno ho.
Erae riẹ e rẹ to wọhọ ebruerae, ebruerae Jah.*+
Ohwo o te siobọno eware eghaghae kpobi nọ e rrọ uwou riẹ fiki uyoyou,
A rẹ jẹ eware* na fiẹ riẹriẹriẹ.”
8 “Ma wo oniọvo-ọmọtẹ ọsese jọ,+
Yọ ọ re kpọhọ ivie he.
Eme ma ti ru kẹ oniọvo-ọmọtẹ mai
Evaọ ẹdẹ nọ a te ta ẹme riẹ?”
9 “Otẹrọnọ ugbẹhẹ ọ rrọ,
Ma te bọ ugbẹhẹ isiliva họ ehru riẹ,
Rekọ otẹrọnọ ẹthẹ ọ rrọ,
Ma te rọ eplanke ure sida kare iẹe dhe.”
10 “Mẹ yọ ugbẹhẹ,
Yọ ivie mẹ e wọhọ iwou ikpehru.
Fikiere evaọ aro riẹ me zihe ruọ
Ọnọ o wo udhedhẹ no.
11 Solomọn o wo ọgbọ evaene+ evaọ Bale-hemọn.
Ọ rehọ ọgbọ evaene na kẹ ahwo re a rẹrotei.
Omomọvo ọ rẹ rehọ ewẹ isiliva odu ze rọkẹ ibi riẹ.
12 Me wo ọgbọ evaene nọ ọ rrọ orọ obọmẹ.
Ewẹ isiliva odu* na yọ era, O Solomọn,
Yọ egba ivẹ e rrọ rọkẹ enọ e be rẹrote ibi riẹ.”
13 “O whẹ ọnọ ọ be rria egbọ na,+
Erivẹ ra a be gaviezọ re a yo urru ra.
Jọ me yoi.”+
14 “Ovẹrẹ, ọghaghae mẹ,
Dhẹ vẹrẹ wọhọ ugbosu+
Hayo ọmọ uyo
Evaọ ehru igbehru nọ eware nọ i re gbo ore awere e rrọ na.”
Hayo “Ole nọ ọ mai woma.”
Hayo “uyoyou nọ o bi dhesẹ kẹ omẹ u woma.”
Evaọ Hibru, “Si omẹ lele oma.”
Hayo “ibrikpẹ.”
Hayo “gbiku.”
Koyehọ, izoge emetẹ na.
Evaọ Hibru, “nifẹsh mẹ o.” Rri oria Otofa Eme.
Hayo “ohọ uweri.”
Hayo “anyenya aye ọboba mẹ.”
Hayo o sae jọ nọ, “evaọ udevie igbeto nọ a me.”
Hayo “eware osẹ nọ a re fihọ aruezo erọ.”
Hayo “Who woma kẹhẹ.”
Hayo “uwou ulogbo.”
Hayo “krokus.”
Evaọ Hibru, “uwou enwaene.”
Arao o be ta kpahe na orọnikọ uyẹ ahwo ho.
Hayo “Ezi iso.”
Evaọ Hibru, “Taure okpẹdoke na o tẹ te wẹ.”
Hayo o sae jọ nọ, “igbehru nọ e bẹre.” Hayo “igbehru Bẹta.”
Evaọ Hibru, “nifẹsh mẹ o.” Rri oria Otofa Eme.
Evaọ Hibru, “nifẹsh mẹ o.” Rri oria Otofa Eme.
Evaọ Hibru, “nifẹsh mẹ o.” Rri oria Otofa Eme.
Evaọ Hibru, “nifẹsh mẹ o.” Rri oria Otofa Eme.
Arao o be ta kpahe na orọnikọ uyẹ ahwo ho.
Hayo “agbara othethei.” Oghẹrẹ agbara jọ nọ a bọ uwou ruru nọ a rẹ rọ wọ ohwo nọ ọ rrọ ọkwa.
Hayo “idodo nọ a zuo gheghelie orọ; idodo nọ a ru fihọ uhwe wọhọ ufiare nọ a re ro tu uzou orọ.”
Ohọ ovrovro nọ a re ro ruru ovao.
Hayo “abovao ra ọ rrọ.”
Evaọ Hibru, “Taure okpẹdoke na o tẹ te wẹ.”
Hayo “uhie igbehru abọdekọ Lebanọn.”
Hayo “Uyoyou nọ who bi dhesẹ kẹ omẹ u siuru.”
Hayo o sae jọ nọ, “Ovioma.”
Hayo “ọgbọ.”
Hayo “Rọ ẹmẹrera vovo.”
Hayo “da uyoyou.”
Hayo o sae jọ nọ, “ta ẹme.”
Hayo “ohọ ovovo nọ me ro ruru ovao.”
Hayo o sae jọ nọ, “owhala ibi ideti.” Onana yọ oghẹrẹ ibi oriẹ jọ nọ e rẹ mere. Obọ Palẹstain a rẹ mae jọ ruẹ oghẹrẹ oriẹ nana.
Hayo o sae jọ nọ, “Nọ e rrọ ugbuhru eyeri-ame.”
Hayo “isilida igoru.”
Hayo “ipila marbo.”
Hayo “Ẹrọo.” Evaọ Hibru, “Ehru obeva unu.”
Hayo “Okpẹwho Owoma.”
Hayo “abovao ra ọ rrọ.”
Ohọ ovrovro nọ a re ro ruru ovao.
Rri oria Otofa Eme.
Evaọ Hibru, “ọnọ ọ rrọ fuafo na ọrọ.”
Evaọ Hibru, “rri ziọ otọ.”
Hayo “uto.”
Hayo “whẹ ivo họ.”
Evaọ Hibru, “Nifẹsh.” Rri oria Otofa Eme.
Hayo “Ekẹkẹ ahwo mẹ nọ u no eva ze.”
Hayo “ile-igbe Mehaneyẹm.”
Evaọ Hibru, “uzou ra o.”
Hayo “i ru ovie na bi we lele owhẹ.”
Onana yọ oghẹrẹ ibi oriẹ jọ nọ e rẹ mere. Obọ Palẹstain a rẹ mae jọ ruẹ oghẹrẹ oriẹ nana.
Hayo “ẹrọo.” Evaọ Hibru, “ehru obeva unu.”
Hayo “whẹ ivo họ.”
Hayo “me ti jo dhesẹ.”
Hayo “Sheol.” Rri oria Otofa Eme.
“Jah” yọ ubro odẹ na Jihova.
Hayo o sae jọ nọ, “ohwo.”
Evaọ Hibru, “Odu.”