OBEDAYA
1 Eruẹaruẹ Obedaya:*
Enẹ Jihova Olori nọ Ọ Mai Kpehru na ọ ta kpahe Edọm:+
“Ma yo usi jọ no obọ Jihova ze no,
A vi ọnyukọ ruọ udevie erẹwho na no:
‘Kparoma, re ma ruẹrẹ oma kpahe kẹ ẹmo re ma wọ bru ei.’”+
2 “Rri! Me ru owhẹ fihọ ọnọ o fioka ha no evaọ udevie erẹwho na;
A bi leri owhẹ riẹriẹriẹ.+
3 Omorro nọ o rrọ udu ra o viẹ owhẹ họ no,+
Whẹ nọ ọ be rria eria nọ i siomano evaọ ugbehru-utho,
Nọ ọ be rria oria ukpehru, nọ ọ be jọ udu riẹ ta nọ,
‘Ono ọ rẹ sae rọ omẹ ziọ otọ?’
4 Whọ tẹ make bọ uwou ra fihọ obọ ehru* wọhọ ugo,
Hayo whọ tẹ bọ uwou ra fihọ obonọ isi e rrọ,
Mẹ te rehọ owhẹ no obei ziọ otọ,” ere Jihova ọ ta.
Kọ ogbẹrọnọ eware nọ a gwọlọ ọvo a re tho?
Hayo otẹrọnọ enọ e rẹ kwa ibi-ire e tẹ nyabru owhẹ ze,
Kọ a gbẹ te kwa ejọ kiọkọ nọ a re ro si isogẹ?+
6 O, rri epanọ a kiẹ eware Esọ kpobi via no!
Rri epanọ a gwọlọ ekwakwa-aghae riẹ nọ ọ ko dhere via no!
7 A le owhẹ te obọ uwhru no.
Ahwo kpobi nọ wha gbe ru ọtamuo* a viẹ owhẹ họ no.
Ahwo nọ wha gbe bi yerikugbe dhedhẹ a wọso owhẹ no.
Ahwo nọ a bi lele owhẹ re emu a te kpahe ẹta kẹ owhẹ,
Rekọ who ti muẹrohọ iẹe he.
8 Evaọ ẹdẹ yena,” ere Jihova ọ ta,
“Kọ mẹ gbẹ te raha iwareghẹ no Edọm+
Jẹ raha enọ i wo orimuo no ubrotọ igbehru Esọ?
9 Iguegue e te ruọ egbaẹmo ra oma,+ O Timan,+
Keme a ti kpe ohwo kpobi nọ ọ rrọ ubrotọ igbehru Esọ evaọ oke ikpakpe na.+
11 Evaọ ẹdẹ nọ who ro go oma họ akotọ,
Evaọ ẹdẹ nọ erara i ro mu ogbaẹmo riẹ kpohọ igbo,+
Nọ ahwo erẹwho efa a ruọ eva unuẹthẹ riẹ jẹ ma ẹta+ fiki Jerusalẹm,
Who ru wọhọ omọvo rai.
12 U fo ho re whọ wereva evaọ ẹdẹ nọ idabolo i ro te oniọvo-ọmọzae ra,+
U fo ho re whọ ghọghọ evaọ ẹdẹ nọ ọraha o ro te ahwo Juda,+
Yọ u fo ho re whọ rọ omoya ta ẹme ere evaọ ẹdẹ idhọvẹ rai.
13 U fo ho re whọ nyaziọ obeva unuẹthẹ ahwo mẹ evaọ ẹdẹ okpẹtu rai,+
U fo ho re whọ wereva fiki uye nọ u te rie evaọ ẹdẹ okpẹtu riẹ,
Yọ u fo ho re whọ rọ obọ te ekwakwa-efe riẹ evaọ ẹdẹ okpẹtu riẹ.+
14 U fo ho re who dikihẹ edhere-adasa re who kpe ahwo riẹ nọ a dhẹ vabọ,+
Yọ u fo ho re who siobọno ahwo riẹ nọ a zọ kẹ ewegrẹ riẹ evaọ ẹdẹ idhọvẹ.+
15 Keme ẹdẹ Jihova nọ ọ te rọ wọ bru erẹwho na kpobi ọ kẹle no.+
Epanọ who ru na, ere a ti ru owhẹ re.+
Oghẹrẹ nọ who ru amọfa na ere o te via kẹ owhẹ re.
16 Keme oghẹrẹ nọ whọ jọ ugbehru ọrẹri mẹ da idi bẹ na,
Ere erẹwho na kpobi e te ruabọhọ da idi kẹse kẹse.+
A te da bẹ,
Yọ a te jọ wọhọ ẹsenọ a re jọ uzuazọ ẹdẹvo ho.
17 Rekọ enọ e dhẹ vabọ e te jọ Ugbehru Zayọn,+
Yọ o te jọ ọrẹri;+
Yọ uwou Jekọp o te rehọ eware riẹ zihe ze.+
18 Uwou Jekọp u ti zihe ruọ erae,
Uwou Josẹf kọ ebruerae,
Uwou Esọ o vẹ te wọhọ ẹbe ọyaya;
A ti tu erae họ ae, e vẹ to no,
Yọ ohwo ọvo ọ te zọ evaọ uwou Esọ họ,+
Keme Jihova omariẹ ọ ta riẹ no.
A te rehọ ẹkwotọ Ifremu gbe ẹkwotọ Sameria,+
Bẹnjamin ọ vẹ te rehọ Giliad.
20 Ahwo nọ a mu no ogba nana* vrẹ kpohọ igbo na,+
koyehọ ahwo Izrẹl a re ti wo ẹkwotọ Kenan rite Zarefat.+
Yọ ahwo nọ a mu no Jerusalẹm vrẹ kpohọ igbo, nọ e jọ Sefarad, a re ti wo ikpewho Negẹb.+
21 Enọ i ti siwi ai e te gadiẹ ziọ obọ Ugbehru Zayọn
Re a bruoziẹ ubrotọ igbehru Esọ,+
Uvie na u ve ti zihe ruọ orọ Jihova.”+
Otofa riẹ họ “Odibo Jihova.”
Hayo o sae jọ nọ, “rra kpobọ ehru.”
Hayo o sae jọ nọ, “Ẹvẹ a te raha eware te?”
Hayo “wha gbẹ re ọvọ.”
Hayo “Otọ ukpokpotọ.”
Hayo “ugbuhru nana.”