ZẸFANAYA
1 Ẹme Jihova nọ o bru Zẹfanaya* ze, ọmọzae Kushae ọmọzae Gẹdelaya ọmọzae Amaraya ọmọzae Hẹzikaya evaọ oke Josaya+ ọmọzae Amọn+ ovie Juda:
2 “Mẹ te robọ kotọ hwere oware kpobi no otọ na,” ere Jihova ọ ta.+
3 “Me ti hwere ahwo gbe erao kufiẹ.
Me ti hwere evra obọ ehru* na gbe iyei abade na kufiẹ,+
Gbe itho ezoruẹ*+ na kugbe ahwo omuomu na;
Yọ me ti voro ahwo-akpọ no otọ na,” ere Jihova ọ ta.
4 “Mẹ te rriẹ obọ mẹ rọsuọ Juda
Jẹ rọsuọ ahwo kpobi nọ a be rria Jerusalẹm,
Yọ me ti voro oware* kpobi nọ u wobọ kugbe Bale no oria nana,+
Odẹ izerẹ ọghẹnẹ orẹwho ọfa na gbe izerẹ na,+
5 Gbe enọ e be jọ obọ ehru iwou guzou kpotọ kẹ ogbaẹmo obọ idhiwu na,+
Gbe enọ i bi guzou kpotọ be ya eyaa kẹ Jihova inọ ọye a rẹ gọ+
Yọ evaọ oke ovona a be ya eyaa kẹ Malkam inọ ọye a rẹ gọ;+
6 Gbe enọ i kuomarẹriẹ siọ Jihova ba elele,+
Gbe enọ e be gwọlọ Jihova ha hayo nọ e be nekpẹ mi ei hi.”+
7 Wha fọ tou evaọ aro Jihova Olori nọ Ọ Mai Kpehru na, keme ẹdẹ Jihova ọ kẹle no.+
Jihova ọ ruẹrẹ idheidhe kpahe no; o ru enọ o zizie fo* no.
8 “Evaọ ẹdẹ idheidhe Jihova na, mẹ te rọ ikpahwo-esuo na guẹdhọ,
Emezae ovie na,+ gbe ahwo kpobi nọ a bi ku iwu ahwo orẹwho ọfa họ.
9 Mẹ te rọ ohwo kpobi nọ ọ be gadiẹ kpohọ umukpehru opraprara* na guẹdhọ evaọ ẹdẹ yena,
Enọ e be rọ ozighi gbe eviẹhọ vọ uwou olori rai.”
10 Enẹ Jihova ọ ta: “Evaọ ẹdẹ yena,
Edo oviẹ o ti do no obọ Unuẹthẹ Iyei+ na ze,
Oviẹ ogaga u ti no Ete avọ Ivẹ okpẹwho na ze,+
Yọ edo ologbo o ti no ikpehru na ze.
11 Wha viẹ gaga whai enọ e be rria Maktẹsh,*
Keme a kpe* ethueki* na kpobi no;
A raha enọ e rẹ wawọ isiliva na kpobi no.
12 Evaọ oke yena mẹ te romatotọ rehọ ikpẹ gwọlọ Jerusalẹm kpobi,
Yọ mẹ te rehọ ahwo nọ a be daezọ oware ovo ho* guẹdhọ, enọ e be jọ udu rai ta nọ,
‘Jihova o ti ru ewoma ha, yọ o ti ru eyoma ha.’+
13 A te kwa efe rai rehọ yọ a te raha iwou rai no.+
A te bọ iwou, rekọ a te rria ae he;
A te kọ egbọ evaene, rekọ a te jarai wo enwaene nọ a rẹ da ha.+
14 Ẹdẹ ologbo Jihova ọ kẹle no!+
Ọ kẹle no yọ ọ be tha kpata kpata!*+
Edo ẹdẹ Jihova ọ be yare.+
Etẹe ọgbaẹmo ọ te jọ kuenu oviẹ.+
Ẹdẹ idhọvẹ gbe ẹrova,+
Ẹdẹ ofou ọwhibo gbe ọrahakufiẹ
Ẹdẹ ebi gbe ebi ọlala,+
Ẹdẹ ẹgho gbe ẹgho ọlala,+
16 Ẹdẹ edo onware gbe ubo ẹmo,+
Wọso ikpewho nọ a di ogba wariẹ họ* na gbe iwou ikpehru ibienẹ na.+
17 Mẹ te kẹ ahwo-akpọ idhọvẹ,
A vẹ te nya wọhọ ahwo nọ a tuaro,+
Keme Jihova họ ọnọ a raha uzi riẹ na.+
18 Isiliva rai hayo igoru rai e te sai siwi ai hi evaọ ẹdẹ ofu ọgaga Jihova na;+
Keme erae ajọwha riẹ e te mahe otọakpọ na kpobi no,+
Keme ọ te rọ ọraha, ẹhẹ, ọraha ologbo te ahwo kpobi nọ a be rria otọakpọ na.”+
2 Taure uzi na u te ti mu iruo họ,
Taure ẹdẹ na ọ tẹ te vrẹ wọhọ ehọrọ,
Taure ofu ọgaga Jihova o te ti bru owhai ze,+
Taure ẹdẹ ofu Jihova o te ti bru owhai ze,
3 Wha gwọlọ Jihova,+ whai kpobi nọ e be romakpotọ* evaọ otọakpọ na,
Enọ i bi koko izi ikiẹrẹe riẹ.*
Wha gwọlọ ẹrẹreokie, wha gwọlọ omaurokpotọ.*
Ẹsejọhọ* a te ko owhai dhere evaọ ẹdẹ ofu Jihova.+
4 Keme Gaza o ti zihe ruọ okpẹwho nọ a dhẹ seba no;
Yọ Ashkelọn ọ te jọ ofofe.+
A ti le Ashdọd vrẹ evaọ uvo kekeke,
Yọ a ti vi Ekrọn no otọ.+
5 “Uye u te ahwo nọ a be rria akotọ abade na, orẹwho ahwo Kẹrẹt!+
Jihova o brukpe owhẹ no.
O Kenan, ẹkwotọ ahwo Filistia, mẹ te raha owhẹ,
Re ohwo ọvo o gbe kiọkọ eva ra ha.
6 Akotọ abade na o ti zihe ruọ otọ nọ erao e rẹ jọ re ẹbe,
Avọ eza* rọkẹ ithuru-igodẹ gbe iwou-erao itho rọkẹ igodẹ.
7 U ti zihe ruọ ẹkwotọ ahwo uwou Juda nọ a kiọkọ;+
Etẹe a te jọ kuọ omarai.
Evaọ iwou Ashkelọn a ti kiẹzẹ evaọ owọwọ.
Keme Jihova Ọghẹnẹ rai ọ te rẹriẹ ovao riẹ rri rai,*
Yọ o ti koko ahwo rai nọ a mu kpohọ igbo họ zihe ze.”+
9 Fikiere nọ mẹ rrọ uzuazọ na,” ere Jihova olori egbaẹmo, Ọghẹnẹ Izrẹl ọ ta,
“Moab ọ te jọ wọhọ Sọdọm,+
Yọ ahwo Ammọn a te jọ wọhọ Gomora,+
Oria ebe osokpọ, ọgọdọ uwhei, gbe otọ nọ o raha no bẹdẹ bẹdẹ.+
Ahwo nọ a kiọkọ evaọ ahwo mẹ a te kwa eware rai rehọ,
Yọ ikiọkotọ orẹwho mẹ i ti le ai no otọ rai.
10 Onana o te jọ osohwa omorro rai,+
Keme a wọviẹ jẹ wọ oma kpehru kẹ ahwo Jihova olori egbaẹmo na.
11 Jihova o ti fi ọwhewhe* họ ae oma;
Keme ọ te raha eghẹnẹ otọakpọ na kpobi no,*
Yọ ikoliko erẹwho na kpobi a ti guzou kpotọ kẹe,*+
Ọvuọvo rai evaọ oria riẹ.
12 Whai ahwo Ẹtiopia mẹ te rọ ọgbọdọ mẹ kpe owhai re.+
13 Ọ te rriẹ obọ riẹ rri ẹkpẹlobọ ovatha-ọre ọ vẹ te raha Asiria,
Yọ o ti ru Nanivi fihọ ofofe,+ ọ te ya fia wọhọ udhude.
14 Owa erao i ti ruẹ fihọ iẹe, oghoghẹrẹ erao ijihẹ* kpobi.
Te okpitolo* gbe evuẹ e te jọ izou ipila riẹ evaọ aso.
Urru jọ o te so ile evaọ unwido.
Ọraha o ti te unuẹthẹ na;
Keme ọ te fere ire sida nọ a rọ tehe uwou na via.
15 Okpẹwho omorro nọ o wo omofọwẹ vẹre na ọna,
Nọ ọ jẹ jọ udu riẹ ta nọ, ‘Mẹ họ ohwo na, omọfa ọ rrọ họ.’
Rri epanọ o zihe ruọ oware idudu no,
Oria nọ erao ijihẹ i re ruẹ fihọ!
Ohwo kpobi nọ ọ be nya akotọ riẹ vrẹ ọ te fiunu jẹ frẹ obọ.”+
3 Uye u te okpẹwho ọkparesuọ na, ọnọ o gbeku na, ọrọ okienyẹ na!+
2 Ọ gaviezọ kẹ urru ovuọvo ho;+ ọ jẹ ọwhọkuo ọvuọvo rehọ họ.+
O fievahọ Jihova ha;+ o si kẹle Ọghẹnẹ riẹ hẹ.+
3 Ikpahwo-esuo riẹ nọ e rrọ eva riẹ yọ ikpohrokpo nọ i bi do enu.+
Ibruoziẹ riẹ yọ ijera evaọ aso;
A be nyase ugbonwa ọvo dede ba ha nọ a rẹ va evaọ ohiohiẹ.
4 Eruẹaro riẹ yọ ezae nọ i wo orivo gbe ahwo eviẹhọ.+
5 Jihova o kiẹrẹe evaọ udevie riẹ;+ o bi ru oware uyoma ovo ho.
Kohiohiẹ kohiohiẹ o bi whowho iziẹibro riẹ via,+
U re fi ei abọ kie he wọhọ epanọ oke o rẹ seba ẹke he na.
Rekọ ọnọ o kiẹrẹe he na ọ riẹ omovuọ họ.+
6 “Mẹ raha erẹwho; iwou ikpehru ibienẹ rai i te zihe ruọ ifofe.
Mẹ raha iyẹrẹ rai, ohwo ọvuọvo ọ gbẹ jẹ nya ae vrẹ hẹ.
Ikpewho rai e raha kuotọ, ababọ ohwo, ohwo ọvo ọ be rria ae he.+
7 Enẹ mẹ ta kẹe, ‘Whọ te dhozọ mẹ jẹ jẹ ọwhọkuo* rehọ hrọ,’+
Re a gbẹ raha oria riẹ nọ ọ be rria ha+
Rekọ ẹsiẹe a kru oma ga kẹ umuomu uruo.
Mẹ te rehọ iẹe guẹdhọ* hrọ fiki eware nana kpobi.+
8 ‘Fikiere wha rẹro mẹ,’*+ ere Jihova ọ ta,
‘Bọo ẹdẹ nọ mẹ te kpama re mẹ kwa eware,*
Keme oziẹobro mẹ họ re me koko erẹwho họ, re me koko ekwotọ-ivie họ,
Re me ku ofu mẹ ku ai, ofu ọgaga mẹ kpobi;+
Keme erae ajọwha mẹ e te mahe otọakpọ na kpobi no.+
9 Keme evaọ oke yena, me ti nwene ẹvẹrẹ ahwo na kpohọ ẹvẹrẹ ọgbagba,*
Re aikpobi a ruẹsi se odẹ Jihova,
10 No obọ ẹkwotọ ithẹ Ẹtiopia ze,
Enọ e be lẹ omẹ, ọmọtẹ ahwo mẹ nọ a vahabọ na a te rehọ okẹ se omẹ.+
11 Evaọ ẹdẹ yena, a ti kpomovuọ họ owhẹ oma ha
Fiki eware kpobi nọ who ru rọ kpareso omẹ,+
Keme evaọ oke yena me ti si enọ i re seha avọ omorro no udevie ra;
Yọ who ti gbe bru omorro vievie he evaọ ugbehru ọrẹri mẹ.+
12 Mẹ te kẹ ahwo nọ a be romakpotọ gbe iruori na uvẹ re a kiọkọ udevie rai,+
Yọ odẹ Jihova họ oria adhẹzọ nọ a te dhẹ ro.
13 Ahwo Izrẹl nọ a kiọkọ+ a ti ru umuomu hu;+
A te ta ọrue he, yọ a te jọ unu rai ruẹ ẹrọo eviẹhọ họ;
14 Bo ubo oghọghọ, O ọmọtẹ Zayọn!
Bo ubo obokparọ, O Izrẹl!+
Rọ udu ra kpobi ghọghọ jẹ wereva, O ọmọtẹ Jerusalẹm!+
15 Jihova o si obrukpe na no owhai uzou no.+
O le ọwegrẹ rai zihe no.+
Ovie Izrẹl, Jihova, ọ rrọ udevie rai.+
Wha te gbẹ dhozọ okpẹtu ofa ha.+
16 Evaọ ẹdẹ yena a te ta kẹ Jerusalẹm nọ:
“Jọ ozọ u mu owhẹ hẹ, O Zayọn.+
Jọ oma o lọhọ owhẹ hẹ.*
17 Jihova Ọghẹnẹ rai ọ rrọ udevie rai.+
Wọhọ ọgba, o ti siwi owhai.
Ọ te ghọghọ fiki rai avọ oghọghọ ulogbo.+
Ọ te fọ tou* evaọ uyoyou riẹ.
Ọ te ghọghọ fiki rai avọ edo oghọghọ.
18 Enọ i bi weri fikinọ a be sae nyaze ehaa ra ha, me ti koko ai họ;+
A sae nyaze he fikinọ a jẹ ruẹ-uye ẹpoviẹ riẹ.+
19 Rri! Evaọ oke yena mẹ te kẹ enọ i bi kienyẹ owhẹ uye;+
Me ti siwi ọnọ ọ be nya segbe segbe,+
Yọ me ti koko enọ e vahabọ na họ.+
Me ti ru nọ a ti ro wo ujiro gbe odẹ nọ u re do
Evaọ ẹkwotọ kpobi nọ a jọ kpomovuọ họ ae oma.
20 Evaọ oke yena mẹ te rehọ owhai ze,
Oke nọ me ti koko owhai họ na.
Keme me ti ru nọ wha ti ro wo odẹ nọ u re do* gbe ujiro+ evaọ udevie ahwo otọakpọ na kpobi,
Okenọ me ti koko ahwo rai nọ a mu kpohọ igbo zihe ze evaọ iraro rai,” ere Jihova ọ ta.+
Otofa riẹ họ “Jihova Ọ Ko Dhere No (O Rri Rie Ghaghae).”
Hayo “idhiwu.”
O wọhọ nọ eware hayo iruẹru nọ i wobọ kugbe edhọgọ.
Hayo “omoka.”
Hayo “fihọ ọrẹri.”
O wọhọ nọ o be ta kpahe oria-ukpehru agbara-uvie ovie.
O wọhọ nọ ofẹ Jerusalẹm nọ o kẹle Unuẹthẹ Iyei na.
Evaọ Hibru, “ruru unu.”
Hayo “egba-ihreki.”
Evaọ Hibru, “enọ i dhẹmu obotọ udi,” wọhọ eware nọ i dhẹmu obotọ ọgọdọ enwaene.
Hayo “ọ be họrọ ze ovovẹrẹ.”
Hayo “e rẹ bẹ ẹvẹruọ.”
Evaọ Hibru, “Ivu.”
Hayo “nọ e rrọ wolẹ.”
Evaọ Hibru, “lele oziẹobro okiẹrẹe riẹ.”
Hayo “ẹwolẹ.”
Hayo “O sae jọ nọ.”
Koyehọ, eza nọ a rẹ jọ vo ame.
Hayo “ọ te rẹrote ai.”
Hayo “iguegue.”
Hayo “o ti ru eghẹnẹ otọakpọ na kpobi dọ no.”
Hayo “a te gọe.”
Evaọ Hibru, “oghẹrẹ arao orẹwho.”
Hayo “ọvisekpe.”
Hayo “ọkpọvio.”
Hayo “kẹe uye.”
Hayo “rọ odiri hẹrẹ omẹ.”
Hayo o sae jọ nọ, “kpama wọhọ osẹri.”
Hayo “ọfuafo.”
Hayo “gọe evaọ okugbe.”
Hayo “ẹbe.”
Evaọ Hibru, “Who fi abọ họ otọ họ.”
Hayo “Oma u ti dhẹi; Eva e te vọe.”
Evaọ Hibru, “wo odẹ.”