Uke Obe
UVIUWOU na họ ukoko ohwo-akpọ nọ o mae kpako, rekọ u bi wo ebẹbẹ nẹnẹ. Ọfariẹ-ogbe nọ ọ dotọ fia, imu egaga nọ izoge na a be rehọ, ozighi nọ ọ be romavia evaọ iviuwou, erọo nọ e be fa, iviuwou ọyewọ-ọvo nọ i bi dhe ebuebu, gbe ebẹbẹ ilogbo efa u ru nọ ahwo buobu a bi ro roro sọ iviuwou e te sae ginẹ tọ avọ evawere.
Kọ ahwo uviuwou a rẹ sae ginẹ rria dhedhẹ avọ evawere? Ee, nọ omomọvo evaọ uviuwou ọ tẹ riẹ oware nọ o rẹ sae ginẹ lẹliẹ uviuwou wo evawere. Oware nana o bẹ ẹriẹ hẹ. Ahwo a dawo e riẹ no anwọ ikpe buobu ze na. Eme ọye? Obe nana, Edidi Evawere Uviuwou o kẹ uyo na. O tẹ jẹ kẹ iriruo sa-sa ọrọ epanọ “edidi” na ọ sai ro fiobọhọ kẹ ahwo ku ebẹbẹ iviuwou sa-sa họ. Kọ u wo ohwo jọ nẹnẹ nọ ọ gwọlọ evuẹ itieye he?