Erọvia-emuhọ

Osisase Ọghaghae:

‘Nyaze whọ jọ olele mẹ.’ (Mak 10:21) Uzizie yena nọ Jesu Kristi ọ kẹ na u te omai nẹnẹ re. Kọ whọ be jẹ uzizie riẹ na rehọ? Whọ tẹ jẹ uzizie na rehọ, u ti kpomahọ uzuazọ ra wowoma. Fikieme?

Jihova o vi Ọmọvo riẹ ziọ otọakpọ re ọ rọ uzuazọ riẹ ta omai no igbo. (Jọn 3:16) U te no ewhu nọ o whu kẹ omai no, Ọmọ na o wuhrẹ omai epanọ ma re yeri uzuazọ. Evaọ oware kpobi nọ o ru, o kru ẹgbakiete riẹ, o te je ru Ọsẹ riẹ eva were. U te no ere no, Jesu o wuhrẹ omai epanọ ma rẹ rọ raro kele Ọsẹ riẹ. Ọmọ na ọ rehọ ẹmeunu gbe uruemu raro kele Ọsẹ na gbagba.​—Jọn 14:⁠9.

Ebaibol e ta nọ Jesu o “fi oriruo họ-otọ kẹ [omai re ma] rọ kpahe ithihi riẹ.” (1 Pita 2:21) Re ma sai si kẹle Jihova ziezi, yeri emamọ uzuazọ enẹna, jẹ daji edhere nọ o re su kpohọ uzuazọ ebẹdẹ bẹdẹ, ma re lele ithihi Kristi kpekpekpe.

Re ma lele ithihi Jesu ziezi, o gwọlọ inọ ma rẹ riẹ kpahe uzuazọ nọ o yeri evaọ otọakpọ. Fikiere u fo re ma roma totọ wuhrẹ kpahe ikuigbe Jesu nọ e rrọ Ebaibol na. Ma te roro kpahe eme nọ Jesu ọ ta gbe eware nọ o ru, gbe epanọ ma sae rọ raro kele iei, u ti fi obọ họ kẹ omai riẹ epanọ ma sai ro lele iei ziezi.

Jọ obe nana u fi obọ họ kẹ owhẹ re uyoyou ra kẹ Jesu gbe Jihova o rro haro. Yọ ajọ uyoyou yena o wọ owhẹ lele ithihi Jesu kpekpekpe re whọ sai ru Jihova eva were enẹna, je ru ere bẹdẹ bẹdẹ.

Isẹri Jihova