Ovuẹ Rọkẹ Esẹgbini

Eme họ okẹ nọ o mai woma nọ whọ rẹ sae kẹ emọ ra? Emọ a gwọlọ eware buobu mi owhai, wọhọ uyoyou, ọkpọvio, gbe ẹruorote. Rekọ oware nọ o mai woma nọ wha rẹ sae kẹ ae họ, eriariẹ Jihova gbe Ebaibol na nọ wha re ro wuhrẹ ai re a wo eriariẹ yena. (Jọn 17:3) Eriariẹ itieye na i re fi obọ họ kẹ emọ ra you Jihova ziezi jẹ rọ eva kpobi gọe, o tẹ make rọnọ a gbẹ maha.—Matiu 21:16.

Esẹgbini buobu a muẹrohọ no nọ ewuhrẹ nọ a ru kpẹre o rẹ were emaha gaga. Fikiere, eva e were omai nọ ma ro siobọno obe nana nọ uzoẹme riẹ o ta nọ Uwuhrẹ Ebaibol Mẹ. A ruẹrẹ uwuhrẹ kpobi họ re u wuhrẹ emaha na evaọ edhere ọlọlọhọ. A ruẹrẹ iwoho gbe eme nọ a kere lele ai họ re i fi obọ họ kẹ emọ kpobi, maero kọ emọ umuo ikpe esa kpotọ. A jariẹ ta kpahe oghẹrẹ nọ esẹgbini a sai ro wuhrẹ emọ rai. Obe nana o rrọ oware nọ emọ a rẹ rọ zaharo ho. Ukpoye, a kere i rie re wha sei kugbe emọ na, re u ru ei lọhọ kẹ owhai ta ẹme kugbe ziezi.

U mu omai ẹro nọ obe nana u ti fi obọ họ kẹ owhai wuhrẹ emọ rai Ebaibol na no “emaha ze.”—2 Timoti 3:14, 15.

Inievo rai,

Ugboma Esuo orọ Isẹri Jihova

[Uwoho nọ o rrọ ẹwẹ-obe avọ 3]