Epanọ whọ sai ro wo erere no uwuhrẹ Ebaibol nana ze ziezi
Kaki se ewẹ-ebe nana nọ i dhesẹ epanọ obe nana o rrọ, kẹsena who ve kporo IVIDIO na.
ABỌ ỌSOSUỌ
Re whọ ruẹrẹ oma kpahe kẹ uwuhrẹ ọvuọvo, who re se abọ ọsosuọ na. Enọ nọ a kere mu gbalọ na (A) gbe eria Ebaibol na (B) i dhesẹ igogo eme na. Whọ te ruẹ eria Ebaibol jọ nọ a kere fihọ nọ “se.”
ABỌ UDEVIE
A jọ ẹme ọsosuọ (C) nọ ọ rrọ otọ Gbe Wuhrẹ Eware Efa na dhesẹ eware nọ who ti wuhrẹ. Izoẹme-esese na (D) họ ugogo eware nọ who ti wuhrẹ kpahe. Who re se eria Ebaibol na, kiyo enọ na, je rri ividio na kugbe ohwo nọ o bi wuhrẹ owhẹ.
IVIDIO sa-sa nọ e riẹ na i re fiobọhọ nọ ohwo ọ sae rọ riẹ otọ oware nọ o bi wuhrẹ na ziezi. Ividio na jọ i wo iku eware nọ e via dẹẹ. Efa jọ yọ enọ a jọ dhesẹ eware nọ e rẹ sae via, yọ ahwo nọ a ro ru ividio na, a rehọ ai ru ividio na gheghe.
Romatotọ rri iwoho na gbe eme nọ a kere fihọ ae (E), who ve je roro kpahe ẹme nọ whọ te kpahe evaọ oria Ahwo Jọ A Rẹ Ta Nọ (F).
ABỌ URERE
Eme Who Wuhrẹ No gbe Ọkiẹkpemu (G) i ku uwuhrẹ na họ. Kere ẹdẹ nọ wha ro wuhrẹ uwuhrẹ yena re. Oria Utee nọ Whọ rẹ Sai Fihọ na (H) o te vuẹ owhẹ oware jọ nọ whọ rẹ sai ru. Oria Kiẹ Kpahe Efa na (I) u wo evuẹ efa nọ who re se hayo ividio nọ who re rri.
Epanọ whọ sae rọ ruẹ oria Ebaibol nọ a fodẹ
Ebe udhosa-gbezeza (66) e rrọ Ebaibol na. A ghale riẹ kpohọ abọ ivẹ: Ikereakere Hibru avọ Aramaik (“Ọvọ Anwae”) gbe Ikereakere Griki (“Ọvọ Ọkpokpọ”).
Nọ a tẹ fodẹ oria Ebaibol evaọ obe nana, whọ rẹ ruẹ odẹ obe Ebaibol na (A), kẹsena whọ vẹ ruẹ uzou na (B), gbe owọ hayo awọ na (C).
Wọhọ oriruo, whọ tẹ ruẹ Jọn 17:3, u dhesẹ obe Jọn, uzou avọ 17, owọ avọ 3.