Ọgwakugbe-Egagọ
Kọ Ọghẹnẹ ọvona ahwo kpobi nọ a se egagọ gboja a be gọ?
Egagọ buobu i bi wuhrẹ eware nọ e rọwokugbe Ebaibol na ha, kọ Jihova ọ jẹ rai rehọ?
Mt 7:13, 14; Jọ 17:3; Ẹf 4:4-6
Iriruo Ebaibol nọ e sai fiobọhọ kẹ owhẹ:
Jos 24:15—Joshua ọ ta nọ o gba omai họ re ma salọ sọ Jihova ma rẹ gọ hayo eghẹnẹ efa
1Iv 18:19-40—Jihova ọ rehọ Elaejah ọruẹaro na dhesẹ nọ ahwo nọ a be gọ Ọghẹnẹ uzẹme na a rẹ gọ eghẹnẹ efa ha, wọhọ Bale
Ẹvẹ Jihova o bi rri eghẹnẹ erẹwho na gbe oghẹrẹ kpobi nọ a be rọ gọ ae?
Ẹvẹ Jihova o bi rri ahwo nọ a be ta nọ a be gọe rekọ a bi ru eware nọ o mukpahe?
Aiz 1:13-15; 1Kọ 10:20-22; 2Kọ 6:14, 15, 17
Iriruo Ebaibol nọ e sai fiobọhọ kẹ owhẹ:
Ọny 32:1-10—Eva e dha Jihova gaga evaọ okenọ ahwo Izrẹl a ru Erọn ma ọmọ-eruẹ, a tẹ ta nọ a be rehọ iẹe ru “ehaa kẹ Jihova”
1Iv 12:26-30—Fikinọ Jeroboam ọ gwọlọ nọ ahwo Izrẹl a kpobọ etẹmpol nọ ọ rrọ Jerusalẹm ho, ọ tẹ ma emedhọ nọ ọ ta nọ i dikihẹ kẹ Jihova, ọ tẹ lẹliẹ ahwo na raha uzi
Eme Jihova o wuhrẹ ahwo Izrẹl kpahe oma nọ a re kugbe ahwo nọ a be gọ eghẹnẹ efa?
Eme Jihova o ru nọ ahwo riẹ a kuomagbe egedhọ je ru eware nọ a bi ru?
Ibr 10:6, 7; Ol 106:35-40; Jer 44:2, 3
Iriruo Ebaibol nọ e sai fiobọhọ kẹ owhẹ:
1Iv 11:1-9—Eva e dha Jihova evaọ okenọ eyae erẹwho efa nọ Solomọn ọ rehọ a ru ei mu eghẹnẹ efa họ ẹgọ
Ol 78:40, 41, 55-62—Esaf o dhesẹ epanọ eva e dha Jihova te evaọ okenọ ahwo Izrẹl a wọso ẹe je mu ẹdhọ họ ẹgọ, o tẹ whae ze nọ ọ rọ siọ ae
Kọ Jesu ọ rọwo fihọ iwuhrẹ nọ e rọwokugbe Ẹme Ọghẹnẹ hẹ?
Iriruo Ebaibol nọ e sai fiobọhọ kẹ owhẹ:
Mt 16:6, 12—Jesu ọ rọ iwuhrẹ ahwo Farisi gbe ahwo Sadusi rọ wawo ẹvi, keme iwuhrẹ erue e rẹ vaha jẹ raha iwuhrẹ egbagba nọ e rrọ Ẹme Ọghẹnẹ no vẹrẹ vẹrẹ
Mt 23:5-7, 23-33—Jesu ọ ta nọ uye u te otu ikere-obe gbe ahwo Farisi na fiki iruemu eviẹhọ rai gbe iwuhrẹ erue rai
Mak 7:5-9—Jesu o se otu ikere-obe gbe ahwo Farisi na eviẹwẹ fikinọ a rehọ iruemu ahwo-akpọ karo kẹ Ẹme Ọghẹnẹ
Kọ Jesu ọ gwọlọ nọ ilele riẹ a wo itu egagọ sa-sa evaọ udevie rai?
Iriruo Ebaibol nọ e sai fiobọhọ kẹ owhẹ:
Jọ 15:4, 5—Jesu ọ rọ ure evaene dhesẹ nọ ilele riẹ a rẹ jọ kugbei hrọ je wo okugbe evaọ udevie rai
Jọ 17:1, 6, 11, 20-23—Evaọ aso urere nọ Jesu ọ rọ jọ kugbe ikọ riẹ taure a te ti kpei, ọ lẹ se Ọghẹnẹ nọ ilele uzẹme riẹ kpobi a jọ ọvo
Kọ eware evona ikoko Ileleikristi sa-sa nọ e jariẹ evaọ ikpe-udhusoi ọsosuọ na a rọwo? Kọ oghẹrẹ ovona a jẹ rọ gọ Jihova?
Iriruo Ebaibol nọ e sai fiobọhọ kẹ owhẹ:
Iru 11:20-23, 25, 26—Ikoko nọ e jọ Antiọk gbe Jerusalẹm a wo okugbe, yọ a je ru eware kugbe ziezi
Rom 15:25, 26; 2Kọ 8:1-7—Uyoyou o wọ ahwo nọ a jọ ikoko Ileleikristi sa-sa evaọ ikpe-udhusoi ọsosuọ zọhọ eware ze ro fiobọhọ kẹ ohwohwo nọ eware e jọ gaga, onọ u dhesẹ nọ a wo okugbe
Kọ egagọ kpobi nọ e be ta nọ a rọwo Kristi eye Ọghẹnẹ ọ jẹrehọ?
Otẹrọnọ ahwo a gbe bi ru lele iwuhrẹ Kristi gbe erọ ikọ na ha, kọ Ọghẹnẹ ọ rẹ jẹ egagọ rai rehọ?
Iriruo Ebaibol nọ e sai fiobọhọ kẹ owhẹ:
Mt 13:24-30, 36-43—Jesu ọ kẹ ọtadhesẹ jọ ro dhesẹ nọ Ileleikristi erue buobu a te romavia, a vẹ te vọ ukoko Ileleikristi na wọhọ epanọ ẹbe hayo ekiara e rẹ gbọ vọ udhu na
1Jọ 2:18, 19—Jọn ukọ na nọ ọ kpako no ọ ta nọ ibuobu enọ e rọsuọ Kristi a romavia evaọ obọ ekuhọ ikpe-udhusoi ọsosuọ na