Areghẹ
Uruemu vẹ u fo nọ ma re wo re ma sai wo areghẹ?
Diẹse ma sae jọ ruẹ uvi areghẹ?
Kọ u fo re ma lẹ se Ọghẹnẹ re ọ kẹ omai areghẹ?
Iriruo Ebaibol nọ e sai fiobọhọ kẹ owhẹ:
2Ir 1:8-12—Okenọ Solomọn ovie na ọ gbẹ maha, ọ lẹ se Jihova re ọ kẹe areghẹ nọ o re ro su ahwo Izrẹl ziezi, Jihova ọ tẹ ginẹ kẹe areghẹ na
Itẹ 2:1-5—A rehọ areghẹ, otoriẹ, gbe orimuo dhesẹ ekwakwa-aghae nọ i fo nọ ma rẹ gwọlọ, yọ Jihova ọ rẹ ghale ahwo nọ a be daoma gwọlọ ae re a ruẹ e rai
Oghẹrẹ vẹ Jihova o bi ro fiobọhọ kẹ omai wo areghẹ?
Aiz 11:2; 1Kọ 1:24, 30; 2:13; Ẹf 1:17; Kọl 2:2, 3
Iriruo Ebaibol nọ e sai fiobọhọ kẹ owhẹ:
Itẹ 8:1-3, 22-31—A dhesẹ areghẹ wọhọ ohwo, yọ ọye họ Ọmọ Ọghẹnẹ, ọnọ Ọghẹnẹ ọ kake ma kpobi
Mt 13:51-54—U je gbe ahwo nọ a jẹ gaviezọ kẹ Jesu unu inọ o wo areghẹ gaga o make rọnọ ọ whẹro evaọ udevie rai
Iruemu jọ vẹ ohwo nọ o wo areghẹ nọ o no obọ Ọghẹnẹ ze o re dhesẹ?
Oghẹrẹ vẹ areghẹ ọ rẹ rọ thọ omai je fiobọhọ kẹ omai?
Je rri Itẹ 7:2-5; Ọt 7:12
Ẹvẹ areghẹ nọ o no obọ Ọghẹnẹ ze ọ ghare te?
Je rri Job 28:18
Iriruo Ebaibol nọ e sai fiobọhọ kẹ owhẹ:
Job 28:12, 15-19—Job ọ ta epanọ areghẹ nọ o no obọ Ọghẹnẹ ze o woma te dede nọ uweri avọ edada e jariẹ oma, yọ eware buobu i vru ku ei
Ol 19:7-9—Devidi ovie na ọ ta nọ izi gbe ekareghẹhọ Jihova i re ru ohwo nọ ọ make rrọ ogbori dede wo areghẹ