Iruo
Ẹvẹ iruo e rẹ rọ wha oghọghọ se ohwo?
Irere jọ vẹ i re noi ze nọ ohwo o te wuhrẹ emamọ iruo jẹ be riẹ iruo na ru ziezi?
Iriruo Ebaibol nọ e sai fiobọhọ kẹ owhẹ:
1Sa 16:16-23—Nọ Devidi ọ gbẹ maha, a riẹ riẹ inọ ọ riẹ ile ekporo ziezi, yọ o je kporo ile na ziezi evaọ oghẹrẹ nọ u je ro ru udu ovie Izrẹl totọ
2Ir 2:13, 14—Solomọn ovie na ọ rehọ Haeram-ebae ru iruo nọ e rro gaga fikinọ ọwena nọ ọ riẹ iruo ziezi ọ jọ
Fikieme u ro fo nọ idibo Jihova a rẹ goma iruo?
Iriruo Ebaibol nọ e sai fiobọhọ kẹ owhẹ:
Emu 24:10-21—Oware nọ Rebeka o ru o vrẹ onọ odibo Abraham ọ yare riẹ, onọ u dhesẹ nọ ọ goma iruo yọ o re fiobọhọ kẹ ahwo gaga
Fil 2:19-23—Pọl ukọ na ọ kẹ Timoti nọ ọ gbẹ maha iruo ilogbo fikinọ o wo omaurokpotọ, u te je noi eva ze nọ o re fiobọhọ kẹ amọfa
Fikieme idibo Ọghẹnẹ a rẹ rọ daoma kpobi re a gbẹ moyẹlẹ hẹ?
Itẹ 13:4; 18:9; 21:25, 26; Ọt 10:18
Oriruo Ebaibol nọ ọ sai fiobọhọ kẹ owhẹ:
Itẹ 6:6-11—Solomọn ovie na ọ rehọ amara wuhrẹ oware nọ u ro wuzou re ma kru obọ ga, ma gbẹ moyẹlẹ hẹ
Fikieme ma re ro ru iruo gaga re ma sae rẹrote omamai?
Fikieme ma re ro ru iruo gaga re ma sae rẹrote uviuwou mai?
Iriruo Ebaibol nọ e sai fiobọhọ kẹ owhẹ:
Ru 1:16, 17; 2:2, 3, 6, 7, 17, 18—Rut nọ ọ jọ aye-uku o je ru iruo gaga re ọ sae rẹrote oniọrọo riẹ nọ a re se Naomi
Mt 15:4-9—Jesu o brukpe ahwo nọ a jẹ rẹrote esẹgbini rai hi, nọ e jẹ ta nọ a be rọ oke gbe eware rai gọ Ọghẹnẹ
Eme u fo nọ Ileleikristi a rẹ rehọ erere nọ o bi no iruo rai ze ru?
Oghẹrẹ vẹ u fo nọ ma re rri ugho nọ ma bi wo evaọ iruo mai?
Ẹvẹ ma rọ riẹ nọ o were Jihova re o fiobọhọ kẹ omai ru iruo mai ziezi, ma vẹ sae rẹrote omamai?
Mt 6:25, 30-32; Luk 11:2, 3; 2Kọ 9:10
Iriruo Ebaibol nọ e sai fiobọhọ kẹ owhẹ:
Emu 31:3-13—Leban ọ jẹ wha Jekọp nọ ọ jọ ọgọ riẹ re, rekọ Jihova ọ ruẹ epanọ Jekọp o je ru iruo ga te, ọ tẹ ghale iẹe
Emu 39:1-6, 20-23—Jihova ọ ghale iruo nọ Josẹf o je ru, te okenọ ọ jọ ọrigbo evaọ uwou Pọtifa gbe okenọ ọ jọ uwou-odi
Fikieme ma gbẹ kuvẹ hẹ re iruo mai i wuzou kẹ omai vi egagọ Jihova?
Iriruo Ebaibol nọ e sai fiobọhọ kẹ owhẹ:
Luk 12:15-21—Jesu ọ kẹ ọtadhesẹ jọ ro dhesẹ nọ oware ugheghẹ o rrọ re efe-ole u wuzou kẹ omai vi egagọ Ọghẹnẹ
1Ti 6:17-19—Pọl ukọ na ọ vẹvẹ Ileleikristi nọ i fe unu inọ a yọroma re a gbẹ wọ oma kpehru hu, ukpoye jọ a “fe evaọ iruo iwoma”
Ehrẹ Ebaibol vẹ e rẹ sai fiobọhọ kẹ omai nọ ma tẹ be salọ iruo nọ ma re ru?
Ọny 20:4; Iru 15:29; Ẹf 4:28; Ev 21:8—Kọ iruo na e te lẹliẹ omẹ ru oware jọ nọ Ọghẹnẹ o mukpahe?
Ọny 21:22-24; Aiz 2:4; 1Kọ 6:9, 10; 2Kọ 7:1—Kọ a be jọ iruo na ru oware jọ nọ Ọghẹnẹ o mukpahe hayo tuduhọ amọfa awọ re a ru ei, onọ o te lẹliẹ omẹ jọ abọ rai?
Rom 13:1-7; Tai 3:1, 2—Kọ iruo na e te lẹliẹ omẹ raha uzi egọmeti jọ?
2Kọ 6:14-16; Ev 18:2, 4—Kọ iruo na i ti ru omẹ dhomahọ egagọ erue hayo fiobọhọ kẹ ae?
Iruo nọ ma re ru kẹ Jihova
Iruo vẹ e mai wuzou nọ Ileleikristi a re ru?
Fikieme ma rẹ rọ dawo ẹgba mai kpobi evaọ iruo Jihova?
Fikieme ma gbe ro rẹro ho inọ umuo ọvona ahwo kpobi a re ru te evaọ egagọ Jihova?
Iriruo Ebaibol nọ e sai fiobọhọ kẹ owhẹ:
Mt 25:14, 15—Ọtadhesẹ jọ nọ Jesu ọ kẹ u dhesẹ nọ orọnikọ umuo ọvona o bi rẹro nọ ilele riẹ kpobi a re ru te he
Luk 21:2-4—Eme nọ Jesu ọ ta i dhesẹ nọ ibiugho esese ivẹ nọ aye-uku jọ ọ rọ kẹ okẹ e dariẹ ẹro gaga
Ono ọ be hae kẹ omai ẹgba nọ ma bi ro ru iruo nọ a kẹ omai evaọ ukoko na?
2Kọ 4:7; Ẹf 3:20, 21; Fil 4:13
Oriruo Ebaibol nọ ọ sai fiobọhọ kẹ owhẹ:
2Ti 4:17—Pọl ukọ na ọ ta nọ Olori na ọ kẹ riẹ ogaga evaọ okenọ ọ rọ gwọlọ iẹe