Ebe, Ebe, Ebe!

‘Ekere ebe buobu u wo umuo ho,’ ere Solomọn Ovie owareghẹ anwae na o kere. (Ọtausiuwoma Na 12:12) Evaọ etoke 1995 unwenọ obe ọvo a kporo evaọ Britain kẹ ahwo 580 kpobi, nọ u ru orẹwho oyena fihọ onọ o karo kpobi evaọ ekporo izoeme ebe ekpokpọ evaọ akpọ na soso. China, orẹwho nọ ahwo riẹ a mai bu na, o tẹ rehọ oria avivẹ avọ ebe 92,972 nọ a tẹ rehọ iẹe wawo erọ Britain nọ i bu te 95,015. Germany o te lele iei (avọ izoeme 67,206), u te ti te United States (49,276), avọ France nọ u lele i rie (41,234). “Oware nọ o mae whai ze nọ Britain o jẹ karo kẹ akpọ na kpobi na họ fiki ẹvẹrẹ Oyibo na,” ere The Daily Telegraph, obe-usi ọ London, o muẹrohọ.

Iyẹrẹ i dhesẹ nnọ u kri no nọ eki ọ ebe i bi ro kie kpotọ, yọ enẹna ahwo nọ a jọ Britain kpako no nọ a bu te 80 evaọ udhusoi ọvo họ enọ e be dẹ obe ọvo hayo bu viere evaọ ẹgbukpe soso. Rekọ kọ ahwo a bi se ebe nọ a be dẹ na kpobi?

Obe jọ nọ a be vaha kẹre gaga gbe onọ a bi he je se họ Ebaibol na, onọ a fa abọ riẹ jọ hayo oma riẹ kpobi no fihọ evẹrẹ nọ i bu vi 2,120 no. Otẹrọnọ who ri ti wo ẹkẹ ra ha, iviena kere kpohọ ọfisi ọ Watch Tower Society jọ nọ o mae kẹle owhẹ. Otẹrọnọ who wo Ebaibol, rehọ iẹe lahwe re who rri eria Ikereakere nọ a jọ izoẹme emagazini ọnana fodẹ na. Evaọ ere oruo, who ti duku eriariẹ Ebaibol na enọ e rẹ kẹ uzuazọ.