Uyo Idhọvẹ

KẸLE na, Catholic Herald, obe-usi Roman Catholic obọ Britain, u te whowho ileta ọnana no obọ osisase jọ ze evaọ Wales: “Aso jọ, Isẹri Jihova ivẹ a tẹ ziọ uwou mẹ. Mẹ daoma ta nnọ Ichọche Catholic họ onọ u ru imuẹro ẹgbagba Ọvọ Ọkpokpọ nọ Isẹri na a be rọ ta usiuwoma na lọhọ. Avọ igbunu, omọvo rai jọ ọ tẹ rọwo inọ ghinọ uzẹme. Ọ ta nọ: ‘Ẹhẹ, whai họ enọ i ru rie lọhọ rekọ wha bi lele iei hi. Jesu ọ ta nọ, “whai ohwo o you ohwo wọhọ epanọ me you owhai na,” rekọ wha bi kpe ohwohwo. Evaọ ẹmo nọ ọ vrẹ na, ahwo Catholic a kpe ahwo Catholic, rekọ Osẹri Jihova ọvuọvo nọ o kpe [ibe] Osẹri riẹ ọ rọ họ.’ Kọ eme mẹ sai ru u te no ẹrọwo nọ mẹ rẹ rọwo no? Ẹvẹ ma sae rọ lẹ kẹ okugbe ‘inievo mai nọ e rọ ichọche efa’ kpakiyọ uvi udhedhẹ o rọ udevie mai hi? Kọ o gbẹ rọ nọ ẹthọthọ nana ma rẹ kake kpọvi tao?”—Jọn 15:12.

Emo akpọ ivẹ erọ ikpe-udhusoi avọ 20 nana i muhọ evaọ Kristẹndọm, yọ i kpe ahwo bu te ima 50 rite ima 60. A rẹ sae tae gbagba inọ, Isẹri Jihova a wo abọ evaọ emo enana ha, hayo kọ a w’abọ evaọ ozighi nọ e rọ otọ obọnana ha. Ẹvẹ onana o sae rọ lọhọ? O r’owhẹ obọ re whọ kiẹ riwi kẹ oma ra viere kpahe ọgbakugbe ọgaga uyoyou gbe okugbe Oleleikristi nọ Isẹri Jihova nọ i bu vi ima isoi evaọ akpọ na soso a wo.—Wawo Aizaya 2:4.