A Jiri Okokohọ “Igbunu” Jọ

OHWO jọ nọ ọ rẹ jọ iredio whowho eme evaọ Lima, Peru, o wo avro ọgaga kpahe Isẹri Jihova. Rekọ, nọ o kpohọ ikokohọ ubrotọ rai jọ no, uruemu riẹ u te nwene riẹriẹriẹ. Evaọ uzẹme, u duobọ tei te epanọ ọ rọ ta eme iwoma jọ kẹ ogbotu iredio riẹ. Evaọ usu eme nọ ọ ta, ejọ ena:

“Okokohọ na o gbunu gaga. Ẹwẹ-obe ọvuọvo o jọ otọ họ, yọ enọ i re ghoro eware e jariẹ hẹ. Imoto e bọmu edhere he. Ahwo 5,200 a rọ ugho obọ rai nya ruọ afe-ezaharo na, duohwo duọ ogogolo, omohọ, uririe, ekete, uwhere, ebrọshe, ehọ nọ a re dhehọ abọ, gbe odha nọ a rẹ rọ wozẹ jẹ fọo oria na. Oria nọ o gwọlọ ẹralọ, a vẹ ralọ iẹe. Kọ diẹse ugho na u no ze? Obọ rai ọvo u no ze! Nọ a tẹ vuẹ ai kpahe oware nọ u fo nọ a re ru, aikpobi a vẹ rọ unevaze kẹ. Uzẹme na họ, Ichọche Kathọlik o kie ruọ owezẹ no kpahe eware itieye na. Mẹ kparobọ kẹ Isẹri Jihova gbe ahwo nọ e ruẹrẹ iruo enana họ. Yọ mẹ be ta kẹ ai no udu mẹ ze nnọ, Ajọ Ọghẹnẹ o fiobọhọ k’owhai jẹ ghale owhai.”

Evaọ ikpewho nya akpọ na wariẹ evaọ ukpe onana, Isẹri Jihova a te reawere Okokohọ Ubrotọ “Edhere Uzuazọ Ọghẹnẹ.” Kọ whọ te jariẹ?

[Picture on page 32]

“Ẹwẹ-obe ọvuọvo o jọ otọ họ”