Kọ Whọ Gbẹ Jọ Kugbe Ai?

NDJAUKUA ULIMBA ọ kpako te ikpe 73 no, yọ ukpe n’ukpo o kpohọ erẹ ikilomita 450. Owotọ o ro kpohọ erẹ na, yọ o rehọ e riẹ edẹ 16.

Ọkpọkuọzae ọnana o kpohọ erẹ ugbothabọ ọyena re ọ ruẹsi kpohọ okokohọ ubrotọ Isẹri Jihova jọ. Nọ okokohọ na ọ fa no, avọ oghọghọ gbe ẹgba abọ-ẹzi nọ o wo no, ọ tẹ wariẹ nya owotọ kpo—edẹ 16 efa. Kọ uye nọ o bẹ riẹ na u wo erere? E! U kri no nọ Ndjaukua Ulimba o bi ro kpohọ erẹ ọnana k’ukpe k’ukpe.

Ọzae Africa ọnana ọ jọ omọvo ọ ima 15 nọ i no ekwotọ 230 ze kpohọ ikokohọ Isẹri Jihova ukpe n’ukpo. Ibuobu rai orọnikọ a nya owotọ edẹ buobu re a te ti te oria okokohọ na ha. Ibuobu e dhẹ imoto ze, ebọso, itreni, arupre. Kọ whọ jọ omọvo rai jọ?

Evaọ 1998, a te wariẹ ru ikokohọ evaọ akpọ na soso, maero evaọ ezi uvo. Oma riẹ o tẹ ga, ẹsejọhọ Ndjaukua Ulimba ọ te wariẹ nya owotọ ugbothabọ na re ọ jọ okokohọ na. Tei te ima amọfa a ti yo eme ereghẹ, ọbọga ẹrọwọ, gbe erọ uduotahawọ. Rọ kẹ ahwo nọ a te nya kpobi, eme ọ okokohọ na e te mae ghare evaọ ukpe na soso. Ma rehọ oma osasa zizie owhẹ re whọ nyaze. Eva e te were Isẹri Jihova evaọ oria ra re a fodẹ oria okokohọ nọ o mae kẹle owhẹ k’owhẹ.