“Thethei Wọhọ Sida Evaọ Lebanọn”

OIRRE jọ e rẹ dhẹ fihọ igbehru iwoma Lebanọn nọ a re se Arz Arrab, nọ otofa riẹ o rọ “Sida ọ Olori na.” Irre enana, enọ i ruru igbehru na okejọ, a jọ Ebaibol na fodẹ ai asia 70—bu vi urre ofa kpobi.

Ikereakere na e rehọ eme wọhọ “wowoma” gbe “ologbo” ro dhesẹ sida ilogbo erọ Lebanọn. (Ole nọ o vi Ile 5:15; Izikiẹl 17:23) Ahwo a be rehọ sida bọ iwou je ku ekọ gbe egbara fiki epanọ sida ọ rẹ ro jẹ tọ te. Emamọ ore gbe ekọlọ ọwawae riẹ o lẹliẹ urre na rọ wowoma gaga, yọ u wo ame jọ nọ o gbẹ rọ kaki gbo ho, yọ emerae e rẹ riẹe he. Irre na e rẹ ruaro gaga jẹ rọ logbo, i re kpehru te imita 37 jẹ kẹre te imita 12, yọ i wo awọ nọ e rẹ gaga jẹ nya ruotọ didi. Agbẹta nọ enọ e rẹ jọ owhawho ruiruo a ro dhesẹ ai “ovie irre akpọ na”!

Izikiẹl, okere Ebaibol na, ọ jọ eruẹaruẹ rehọ Mesaya dhesẹ ogha sida, onọ Ọghẹnẹ ọ rọ obọ riẹ kọ. (Izikiẹl 17:22) Evaọ uzẹme, a te lele otofa ubiẹme Hibru kẹ “sida,” u dhesẹ “re a jọ gaga.” Nẹnẹ, ilele Mesaya na, Jesu Kristi, a re “dikihẹ ga evaọ orọwọ, . . . kru oma ga,” wọhọ sida nọ o rọ thethei, goba. (1 Ahwo Kọrint 16:13) Ẹvẹ a sai ro ru onana? Ẹkwoma oma nọ ma re kru ga whaha ikpomahọ egedhọ jẹ dadamu thihakọ evaọ edhere ẹgbakiete gbe omarọkẹ Ọghẹnẹ. A jọ Ebaibol dhesẹ ọnọ o re ru ere wọhọ “okiẹrẹe . . . [nọ ọ] ọ rọ thethei wọhọ sida evaọ Lebanọn.”—Olezi 92:12, NW.