Okenọ ‘Ofou O te Tunyẹ Omai’

Okenọ o je dhesẹ oware nọ o via kẹ ilele Jesu evaọ okenọ a jẹ thuẹ re a rọ okọ fa Abade Galili vrẹ, Mak okere Usiuwoma na ọ ta nnọ “ebio o jẹ bẹ ae, epanọ ofou o tunẹ ae.” Jesu ọ jọ okpa ruẹ uye rai ọ tẹ rọ edhere igbunu nya ehru abade na bru rae. Nọ ọ ruọ okọ kugbe ai ofou ọ tẹ fọ.—Mak 6:48-51.

Okere Ebaibol ọvo na ọ niyẹrẹ nnọ okejọ nọ u kpemu, “ofou ologbo jọ o te fou.” Koyehọ Jesu “ọ tẹ whọku ofou [na] . . . ofou ọ tẹ ka, ọ tẹ fọ rirẹ.”—Mak 4:37-39.

Dede nọ mai nẹnẹ a sai wo uvẹ ẹruẹ eware igbunu itieye na ha, ma rẹ sai wuhrẹ eware buobu no ai ze. Wọhọ ahwo-akpọ nọ e gba ha nọ e be rria oke ẹvohẹ, ma wo ufuoma no ofou okpẹtu hu. (2 Timoti 3:1-5) Evaọ uzẹme, ẹsejọ ma rẹ sai roro nnọ awaọruọ nọ edawọ e be wha ze o ga vrẹta no. Rekọ ufuoma o riẹ! Jesu o zizie omai nnọ: “Whai e ruẹ uye gbe enọ e wha owha ogbẹgbẹdẹ kpobi, wha bru omẹ ze, mẹ rẹ kẹ owhai udhedhẹ.”—Matiu 11:28.

O tẹ wọhọ nnọ ‘ofou o tunyẹ omai,’ ma rẹ sae ruẹ ‘ẹfọ ologbo’ ọrọ udu. Evaọ oghẹrẹ vẹ? Ẹkwoma evaifihọ eyaa Jihova Ọghẹnẹ nọ i re kie he.—Wawo Aizaya 55:9-11; Ahwo Filipai 4:5-7.

[Uwoho nọ o rrọ ẹwẹ-obe avọ 32]

KỌ WHỌ GWỌLỌ DEDE EVUẸ EFA REHỌ?

[Uwoho nọ o rrọ ẹwẹ-obe avọ 32]

Makọ evaọ akpọ ukpokpoma ọnana dede, whọ rẹ sai wo evawere no eriariẹ egbagba Ebaibol kpahe Ọghẹnẹ ze, Uvie riẹ, gbe ẹjiroro igbunu riẹ kẹ ohwo-akpọ. Whọ tẹ gwọlọ dede evuẹ efa rehọ hayo whọ tẹ gwọlọ re ohwo jọ ọ nyaze ti ru uwuhrẹ Ebaibol ọvọvẹ kugbe owhẹ, ivie na kere se Watch Tower, P.M.B. 1090, Benin City, Edo State, Nigeria, hayo oria adrẹse nọ u fo evaọ ẹwẹ-obe avọ 25 na.