Ehaa nọ E rẹ Vrẹ Owhẹ Hẹ

Obọ Ọghẹnẹ, Ọsẹ obọ odhiwu mai, “kokẹ uwoma kokẹ uwoma avọ okẹ nọ o gba kiete kpobi” u re no ze.—Jemis 1:17.

OKẸ nọ o mae rro nọ Ọghẹnẹ ọ kẹ ahwo-akpọ sebaẹgba no họ ọruẹrẹfihotọ kẹ esiwo rai ẹkwoma Ọmọ riẹ nọ ọyeọvo ọ ma, Jesu Kristi. Uwhu Jesu, Ọtanigbo mai na, u ru uzuazọ ebẹdẹ bẹdẹ evaọ otọakpọ aparadase lọhọ. Eva Luk 22:19, a kẹ omai ujaje nọ ma kareghẹhọ uwhu riẹ.

Isẹri Jihova a rehọ oma oruọruọ zizie owhẹ re who lele ai w’obọ evaọ ẹmeoyo kẹ ujaje Jesu na. A ti ru ehaa ẹgbukpe nana evaọ okenọ ọre o te kiedi no evaọ ẹdẹ nọ o kie fihọ Nisan 14 evaọ ukeledẹ Ebaibol na—Ẹdoka, April 8, 2001. Kpoka họ ẹdẹ ọnana re ọ se owhẹ ẹro ba ẹthọrọ. Isẹri Jihova evaọ oria ra a sae fodẹ oria nọ a ti kokohọ gbe oke na k’owhẹ.