Kọ Who Bi ‘Fi Owọ Dhe Ubioja’?

EVAỌ oke Ebaibol, a jẹ hae rehọ ubioja-eruẹ—ọkpọ othethei nọ a kare ẹroro riẹ siọsiọle—ro tu erao nọ i re si ehwa egbẹgbẹdẹ, jẹ rehọ iẹe kpọ ae. Nọ arao na o te bi veghe uzou roma vi ẹroro ubioja na, eme o re noi ze? Ukpenọ oma o fọe, kọ omobọ riẹ ọ rẹ nwa oma.

Jesu Kristi nọ ọ kparoma no na ọ t’ẹme kpahe oghẹrẹ ubioja nana okenọ ọ roma via kẹ ọzae nọ a re se Sọl, ọnọ ọ jẹ nya i mu ilele Jesu jọ. Evaọ udevie elo ọnwranwra jọ, Sọl o te yo urru Jesu nọ o ta nọ: “Sọl, Sọl, eme whọ jẹ rọ omẹ ekpokpo? Owọ nọ who bi fi dhe ubioja na u bi ru ei bẹbẹ k’owhẹ.” Ẹkwoma ẹlahiẹ Ileleikristi, Sọl ọ be ghinẹ họre Ọghẹnẹ, bi ru oware nọ o te wha omonwa se omobọ riẹ.—Iruẹru 26:14, NW.

Kọ ma sae rehọ ogbori ‘fi owọ dhe ubioja’ re? Ebaibol na e rehọ “eme ohwo nọ o wo areghẹ” dhesẹ ubioja utioye na nọ o rẹ kpọ omai nya kpọvi. (Ọtausiwoma Na 12:11) Ohrẹ nọ a rehọ ẹgba ẹzi kere nọ o rrọ Ẹme Ọghẹnẹ o rẹ sae wọ jẹ kpọ omai ziezi—ma tẹ kẹe uvẹ. (2 Timoti 3:16) Ma tẹ siọ ọkpọvio Ẹme Ọghẹnẹ o rẹ nwa omai oma.

Sọl ọ rehọ eme Jesu na t’udu, nwene uzuazọ riẹ, o te ti zihe ruọ Pọl ukọ Oleleikristi oyoyou na. Ma te yo ohrẹ Ọghẹnẹ o rẹ wha eghale ebẹdẹ bẹdẹ s’omai re.—Itẹ 3:1-6.

[Ọnọ o wo uwoho nọ o rrọ ẹwẹ-obe avọ 32]

L. Chapons/Illustrirte Familien-Bibel nach der deutschen Uebersetzung Dr. Martin Luthers