Akpọ nọ Ẹrẹreokie Ọ Rẹ Te Jọ

EBAIBOL e ta nọ okenọ akpọ nana ọ tẹ vrẹ no, “iru-imuomu e gbẹ te jọ họ.” E tẹ jẹ ta inọ: “Okiẹrẹe ọ rẹ te ria otọ na, ahwo oruọzewọ a rẹ te ria ae eva.” (Olezi 37:10, 11; Itẹ 2:20-22) Fikiere a re ti si emuemu kpobi no otọ na no, nọ o kẹre te ahwo kpobi nọ a se inọ a rẹ nya lele eware nọ Ọmemama na o bi wuhrẹ omai hi. Aparadase otọakpọ, nọ o te wọhọ onọ Ọghẹnẹ o fi ọzae avọ aye ọsosuọ na họ o vẹ te rọ ẹmẹrera rehọ otọakpọ na soso onọ ahwo nọ a you Ọghẹnẹ a rẹ te rria.—Emuhọ 2:7-9.

Dai roro epanọ u ti woma te re whọ rria aparadase otọakpọ owoma otiọye nọ a ru fo no! Usu ahwo nọ a ti wo obọdẹ uvẹ nọ a te rọ rria akpọ yena họ ima-idu ahwo nọ i whu no nọ a te kpare ze. Ghọghọ evaọ eyaa Ọghẹnẹ: “Ikiẹrẹe e rẹ te rehọ otọ na reuku, a vẹ jẹ ria ae bẹdẹ.” “Ọghẹnẹ o ve ti ririe irui kpobi no aro rai; uwhu o gbẹte jọ ofa ha, hayo kọ uweri hi, hayo oviẹ hẹ, hayo edada ọvuọvo ho, keme eware anwae evrẹ no.” (Olezi 37:29; Eviavia 21:3, 4.