Rọkẹ Izoge na

Whaha Usu Uyoma!

Epanọ Who re ro Ru Ei: Jọ oria nọ o fọ oma ru onana. Nọ who bi se ikere na, rehọ iẹe nọ whọ rrọ usu ahwo nọ who bi se kpahe na. Jọ iroro ra ruẹ eware nọ e via na. Rehọ iẹe nọ who bi yo urru ahwo na. Jọ iroro ra ruẹ epanọ oma o jọ ahwo na.

Ahwo nọ e viodẹ evaọ ikuigbe na: Daina, Shẹkẹm, Jekọp, Simiọn, gbe Livai

Orukpẹre ikuigbe na: Shẹkẹm ọ gba Daina du, eva e dha inievo-emezae Daina, a tẹ nyae kioja.

1 MUẸROHỌ JẸ KIẸ EWARE NỌ E VIA NA RIWI ZIEZI.—SE EMUHỌ 34:1-31.

Didi eware o rẹ sae jọnọ Daina avọ egbẹnyusu emetẹ Kenan riẹ na a je ru kugbe?

․․․․․

Oghẹrẹ iroro vẹ who roro nọ Shẹkẹm ọ jẹ rọ tẹzẹ Daina, nọ ọ jẹ “ta ẹme wolẹ” kẹe na?

․․․․․

Evaọ eme nọ e rrọ owọ avọ 30 nọ Jekọp ọ ta kẹ Simiọn avọ Livai na, ẹvẹ who roro nọ oware nọ o via na o kẹ riẹ uye te?

․․․․․

2 GBẸ KIẸ HARO.

Eme who roro nọ o jẹ lẹliẹ Daina weze bru emetẹ Kenan na ẹsikpobi? (Wọhọ oriruo, didi eware o rẹ sae jọnọ e rẹ were Daina nọ e jẹ were emetẹ Kenan na re? Eme o rẹ sae jọnọ ọ ruẹ evaọ uzuazọ ahwo Kenan nọ ahwo riẹ a wo ho?)

․․․․․

Iruemu iwoma vẹ o rẹ sae jọnọ Daina ọ jọ oma Shẹkẹm ruẹ? (Wariẹ se owọ avọ 3, 12, gbe 19.)

․․․․․

Ẹvẹ Ebaibol na o ro dhesẹ nọ Daina ọ rọma kẹ Shẹkẹm inọ o lele iei wezẹ hẹ? (Wariẹ se owọ avọ 2.)

․․․․․

Kọ who roro nọ owọ orukele nọ Simiọn avọ Livai a jẹ nọ a ro kpe ahwo ẹwho Shẹkẹm na u kiehọ? Fikieme whọ rọ ta nọ u kiehọ, hayo inọ u kiehọ họ?

․․․․․

3. FI EWARE NỌ WHO WUHRẸ HỌ IRUO. KERE EWARE NỌ WHO WUHRẸ HỌ OTỌ KPAHE  . . .

Oware nọ u ro wuzou re whọ rọ areghẹ salọ egbẹnyusu ra.

․․․․․

Oware nọ u ro wuzou re who wo oma-oriẹsuo, o tẹ make rọnọ oware jọ u te epanọ whọ rẹ rọ dheva.

․․․․․

IDHERE EFA NỌ WHỌ SAI RO FI EI HỌ IRUO.

Eme whọ rẹ sai ru re ahwo nọ a wo adhẹẹ kẹ izi Ọghẹnẹ kpahe ẹfuọ-uruemu hu a gbẹ lẹliẹ owhẹ ru eware etọtọ hayo gba owhẹ du hu?

․․․․․

4. ABỌ IKUIGBE NANA VẸ Ọ MAI DUOBỌTE OWHẸ UDU, KỌ FIKIEME?

․․․․․

Gbe wuhrẹ kpahe ebailbol na evaọ evie-evuẹ itanẹte mai, www.watchtower.org HAYO www.jw.org