UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • w11 10/1 ẹwẹ. 23
  • “Ọ Be Kareghẹhọ nọ Mai Ẹkpẹ Gheghe”

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • “Ọ Be Kareghẹhọ nọ Mai Ẹkpẹ Gheghe”
  • Uwou-Eroro Na Nọ U Bi Whowho Uvie Jihova—2011
  • Onọ O Wọhọ E Riẹ
  • Ọghẹnẹ Mai na “Ọ Vọ avọ Ohrọ”
    Uwou-Eroro Na Nọ U Bi Whowho Uvie Jihova (Uwuhrẹ)—2021
  • ‘Ọsẹ Rai O Wo Ohrọ-oriọ’
    Uwou-Eroro Na Nọ U Bi Whowho Uvie Jihova—2007
  • Jihova Ọ be Kareghẹhọ nọ Mai Ẹkpẹ Gheghe
    Uzuazọ Oleleikristi gbe Usiuwoma Ota Mai—Obe Ewuhrẹ—2016
  • Jihova, Ọghẹnẹ “Erọvrẹ”
    Uwou-Eroro Na Nọ U Bi Whowho Uvie Jihova—1997
Ruẹ Efa
Uwou-Eroro Na Nọ U Bi Whowho Uvie Jihova—2011
w11 10/1 ẹwẹ. 23

Si Kẹle Ọghẹnẹ

“Ọ Be Kareghẹhọ nọ Mai Ẹkpẹ Gheghe”

“U RI mu omẹ ẹro ho inọ Jihova ọ sae ginẹ rọ vrẹ omẹ riẹriẹriẹ, yọ me roro nọ mẹ te wọ owha iroro obrukpe nana evaọ edẹ uzuazọ mẹ kpobi.” Ere aye jọ nọ ọ rrọ Oleleikristi o kere fiki eware iyoma jọ nọ o ru evaọ oke nọ u kpemu. Uzẹme, nọ obroziẹ-iroro o te bi brukpe ohwo yọ owha ogbẹgbẹdẹ. Dede na, Ebaibol ọ kẹ erahaizi nọ i kurẹriẹ omosasọ nọ u re ru edada iroro rai kpotọ. Roro kpahe eme Devidi ọso-ilezi na nọ e rrọ Olezi 103:8-14.

Devidi ọ riẹ nọ “ỌNOWO ọ vọ avọ ohrọ” gbe inọ ọ rẹ tẹrovi ethobọ mai hi. (Owọ avọ 8-10) Nọ Ọghẹnẹ ọ tẹ jọ omamai ruẹ oware nọ ọ sai rri rọ re omai ohrọ, ọ rẹ re-ohrọ mai ziezi. Devidi, ọketa na, ọ rọ eware esa dhesẹ epanọ ohrọ nọ Ọghẹnẹ o wo kẹ omai u kpehru te.

“Epanọ odhiwu o kpehru vi akpọ, jẹ ruere ohrọ riẹ o rọ kẹ enọ e be dhẹozọ riẹ.” (Owọ avọ 11) Ma te rri isi nọ e rrọ idedeghe na evaọ aso, ma rẹ sae wawo ugbo nọ i ro thabọ no otọakpọ na ha. Devidi ọ rọ oriruo nana fi obọ họ kẹ omai riẹ epanọ ohrọ-oriọ Jihova u kpehru te, onọ o rrọ abọjọ uyoyou riẹ nọ o rẹ hiẹ hẹ. Ohrọ-oriọ nana o rrọ kẹ “enọ e be dhẹozọ” Ọghẹnẹ, hayo wọhọ epanọ ọgba-uwuhrẹ jọ ọ ta, enọ i wo “omaurokpotọ gbe ozodhẹ kẹ udu-esuo riẹ.”

“Wọhọ epanọ ovatha-ọre ri te ukiediwo riẹ u thabọ na, jẹ ruere o si eware iyoma mai no omai.” (Owọ avọ 12) Ẹvẹ oyena u thabọ te? A rẹ sae wawo epanọ u thabọ te he. Obe jọ nọ a kere kpahe Ebaibol na o ta nọ: “Dae jọ iroro ra rehọ iẹe nọ whọ be dhẹ siawọ gaga no ukiediwo-ọre bi kpohọ ovatha-ọre, epanọ whọ dhẹ siawọ te, ere who re thabọ no ukiediwo-ọre na te.” Ẹme nọ Devidi ọ be jọ etenẹ ta na họ, nọ Ọghẹnẹ ọ tẹ rọ izieraha mai vrẹ omai no, o re si ai thabọ no omai te epaọ kpobi nọ ma rẹ sai roro.

“Wọhọ epanọ ọsẹ ọ rẹ re ohrọ emọ riẹ, jẹ ruere ỌNOWO ọ be re ohrọ enọ e be dhẹozọ riẹ.” (Owọ avọ 13) Devidi, ọnọ ọ jọ ọsọmọ, ọ riẹ oghẹrẹ ọdawẹ nọ ọsẹ oyoyou o re wo. Oma o rẹ wọ ọsẹ otioye dhesẹ ọdawẹ kẹ emọ riẹ, maero nọ oware jọ o tẹ be da emọ na. Devidi ọ kẹ omai imuẹro inọ Ọsẹ oyoyou obọ odhiwu mai o re dhesẹ ohrọ-oriọ kẹ emọ riẹ nọ e rrọ otọakpọ, maero nọ a te si obọ no iruthọ rai rekiyọ udu rai o rrọ “uweri” ghele fiki izieraha na.—Olezi 51:17.

Nọ Devidi ọ rọ eware esa dhesẹ epanọ ohrọ-oriọ Jihova u kpehru te no, ọ tẹ fodẹ oware nọ o be wọ Jihova dhesẹ ohrọ-oriọ kẹ ahwo-akpọ sebaẹgba: “Ọ riẹ epanọ a rọ ma omai; ọ be kareghẹhọ nọ mai ẹkpẹ gheghe.” (Owọ avọ 14) Jihova ọ riẹ nọ ẹkpẹ a rọ ma omai, yọ ma wo elọhoma gbe ọnyaba. Fikinọ ọ be kareghẹhọ nọ ma gba ha, Jihova ọ ruẹrẹ oma kpahe ẹsikpobi re ọ ‘rọvrẹ’ omai—thakpinọ ma gine kurẹriẹ no eva ze.—Olezi 86:5.

Kọ eme nọ Devidi ọ ta kpahe ohrọ-oriọ Jihova na i duobọte owhẹ udu? Aye nọ ma wariẹ ẹme riẹ evaọ emuhọ na ọ kiẹ oware nọ Ebaibol na ọ ta kpahe unevaze nọ Ọghẹnẹ ọ rẹ rọ rehọ izieraha vrẹ erahaizi nọ i kurẹriẹ, oma o tẹ wọe ta nọ: “Obọnana mẹ riẹ no inọ mẹ rẹ sai gine si kẹle Jihova, yọ o rrọ omẹ oma nọ owha ulogbo u no omẹ ẹkoko.”a Kọ who gbe wuhrẹ viere kpahe ohrọ-oriọ Ọghẹnẹ gbe epanọ whọ sai ro wo erere noi ze? Ẹsejọhọ whọ te ruẹ nọ oma u ti vori owhẹ re.

[Oruvẹ-obotọ]

a Rri uzou avọ 26 nọ o ta nọ, “Ọghẹnẹ nọ Ọ ‘Vọ Avọ Erọvrẹ,’” evaọ obe na Si Kẹle Jihova, onọ Isẹri Jihova a kere.

[Ẹme nọ a fi ẹgba họ nọ ọ rrọ ẹwẹ-obe avọ 23]

“Obọnana mẹ riẹ no inọ mẹ rẹ sai gine si kẹle Jihova, yọ o rrọ omẹ oma nọ owha ulogbo u no omẹ ẹkoko”

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa