Kọ Whọ Kareghẹhọ?

Kọ whọ romatotọ se Uwou-Eroro nọ i kpozi kẹle na no? Dai rri sọ whọ sae kẹ iyo enọ nọ e rrọ obotọ na:

• Eme Ọghẹnẹ o wo họ iroro nọ ọ ta kẹ ahwo Livae inọ: “Mẹ họ ẹkẹ rai”?

A ghale otọ kẹ erua efa evaọ Izrẹl rekọ Jihova ọ jọ “ẹkẹ” gbe ukuoriọ ahwo Livae. (Ik. 18:20) A ghale otọ kẹ ae he rekọ a wo obọdẹ uvẹ-ọghọ jọ evaọ egagọ Jihova. Ghele na, Jihova ọ jẹ rẹrote ai evaọ abọ-iwo. Nẹnẹ, enọ e be wha iruo Uvie na haro a rẹ sai wo imuẹro inọ Jihova ọ te kẹ ae eware nọ a gwọlọ evaọ uzuazọ.—9/15, ẹwẹ-obe avọ 7-8, 13.

• Eme ọ rẹ sai fi obọ họ kẹ Ileleikristi vuhumu sọ oghẹrẹ aruọzaha jọ ọ rẹ kẹ erere?

Re ma sae riẹ sọ aruọzaha nọ ma gwọlọ dhomahọ ọ te kẹ omai erere jẹ were Ọghẹnẹ, u fo re ma nọ oma mai nọ: Oghẹrẹ vẹ eware ẹkeriotọ na e rrọ? Ẹvẹ e te rehọ oke te? Amono ma te gbẹ jọ aruọzaha na?—10/15, ẹwẹ-obe avọ 9-12.

• Ẹvẹ Itẹ 7:6-23 o sai ro fi obọ họ k’omai whaha ifoto ẹbẹba iriwo?

Oria Ebaibol yena o ta kpahe ọmoha jọ nọ o kpohọ oria nọ ọ riẹ kekeke nọ ogberẹ jọ ọ be rria. Ọ tẹ lẹliẹ ọmoha na, ọmoha na o te kie kẹe. Nẹnẹ, u fo re ma whaha eria Itanẹte nọ ifoto ẹbẹba e rrọ, yọ o r’oja re ma lẹ se Ọghẹnẹ re o fi obọ họ kẹ omai whaha erovie kpohọ eria Itanẹte itieye na.—11/15, ẹwẹ-obe avọ 9-10.