Izoẹme Nọ E Romavia Evaọ JW.ORG

Muhọ no uvitha nana vrẹ, ma te hae jọ Uwou-Eroro Na whowho izoẹme ekpokpọ evaọ usu enọ ma be hai kere okpokpahọ, enọ ma wo ejọ rai no evaọ emagazini nọ i kpemu. Ma be te hai fi ai họ oria itanẹte jw.org mai enẹna.

OBUFIHỌ RỌKẸ UVIUWOU

Epanọ Whọ Sae rọ Kpọ Ofu Ra

Whọ tẹ be hai mu ofu ẹsikpobi, o rẹ sae lẹliẹ owhẹ mọ, yọ ere o rẹ jọ re nọ whọ tẹ be hae gba ofu dhe eva. Ẹvẹ whọ sae rọ kpọ ofu ra nọ ofu ọ tẹ rrọ owhẹ eva?

(Kpohọ IWUHRẸ EBAIBOL > ORỌO GBE UVIUWOU.)

EBAIBOL NA O RE NWENE UZUAZỌ OHWO

Otafe Mẹ jẹ Rria

Antonio ọ jẹ hai ru ozighi, rehọ imu egaga, jẹ da udi thomawa onọ u ru nọ o je ro roro nọ uzuazọ riẹ u fioka ha. Eme o lẹliẹ e riẹ nwene iroro?

(Kpohọ IWUHRẸ EBAIBOL > UDHEDHẸ GBE EVAWERE.)