Iwhowhovia

◼ Ebe nọ a ti fihọ ada evaọ October: Ru ahwo vi Awake! hayo Uwou-Eroro Na hayo emagazini ivẹ na. Evi emagazini ọ isiava amara evaọ ẹgbukpe: ₦400. Ukpe ọvo ọrọ emagazini ẹsiẹvo amara hayo ọrọ emera ezeza isiava amara: ₦200. November: Eriariẹ Nọ I Re Su Kpohọ Uzuazọ Ebẹdẹ Bẹdẹ. A ti ru omodawọ obọdẹ re a nya lele ebe nọ a fihọ ada kpobi avọ ẹjiroro emuhọ ebe iwuhrẹ Ebaibol. December: Oyibo—New World Translation avọ obe na True Peace and Security—How Can You Find It? Yoruba—New World Translation of the Christian Greek Scriptures. Efa nọ a sai fihọ ada họ: The Greatest Man Who Ever Lived hayo obe ọfa nọ u wo ewẹ-obe 192. Evẹrẹ efa—The Greatest Man Who Ever Lived hayo Obe Ikuigbe Ebaibol Mẹ. Ọfa nọ a sai fihọ ada họ: Obe kpobi nọ u wo ewẹ-obe 192. January: Efik gbe Hausa—True Peace and Security—From What Source?, Whọ Sae Ria Bẹdẹ Bẹdẹ eva Aparadase ọ Otọakpọ. Igbo—Choosing the Best Way of Life, True Peace and Security—How Can You Find It?, Whọ Sae Ria Bẹdẹ Bẹdẹ eva Aparadase ọ Otọakpọ, Your Youth—Getting the Best out of It. Isoko—Whọ Sae Ria Bẹdẹ Bẹdẹ eva Aparadase ọ Otọakpọ. Oyibo—Survival Into a New Earth, The Bible—God’s Word or Man’s? Yoruba—Happiness—How to Find It, Is This Life All There Is?, Whọ Sae Ria Bẹdẹ Bẹdẹ eva Aparadase ọ Otọakpọ, Your Youth—Getting the Best out of It. MUẸROHỌ: Ikoko nọ e te gwọlọ ebe usi ovravra nọ a fodẹ evaọ obehru na a rẹ yare ae evaọ Literature Order Form (S-14) ọrọ amara notha rai.

◼ Uko obeva ọ ukere Odibọgba Uvie Mai ọnana họ “Oma Isukulu Odibọgba Ọghẹnẹ ọrọ 1997” yọ a rẹ sẹro riẹ re a rovie kpohiẹe eva etoke 1997 na kpobi.

◼ Ukoko-Ulogbo o kporo Watchtower Library—1995 Edition, fihọ CD-ROM ọkpokpọ evaọ Oyibo, German, Italian, gbe Spanish. A ru ona họ Watchtower Library—1995 Edition na re o ruiruo kugbe okwakwa kọmputa ọ Windows 3.1. Ghele, a dawo riẹ ziezi no kugbe Windows 95 gbe Windows NT 3.51 yọ u re ruiruo kugbe Windows enana ziezi. A rẹ sae rehiẹe ruiruo kugbe okwakwa kọmputa ọ OS/2, rekọ a ti ru ọvuọvo kẹ kọmputa ọ Macintosh he. Fiba Reference Bible na, ukere Oyibo na u ti wo Uwou-Eroro Na no 1950 rite 1995, epọvo na kugbe iko 46 na kpobi. O ti je wo Awake!, Odibọgba Uvie Mai, gbe ebe, emebe-esese, ibroshọ, gbe emebe-evẹvẹ erọ ikpe ọ 1970 rite 1995. Ahwo nọ a wo isiuru a rẹ sai vi ẹkwoma ukoko na. Unuigho riẹ (nọ o rẹ sae nwene) o te jọ ole ₦3,200. Who vi ugho na lele iei evaọ obọnana ha. A rẹ hwosa riẹ evaọ okenọ ekwakwa na i te kpozi no. Iviena muẹrohọ nọ orọ ọgbahọ inọ ohwo nọ o vi oware na ọ rẹ hwosa riẹ ovavo nọ a tẹ nwani vi ei ze no.