Iwhowhovia

◼ Ebe nọ a ti fihọ ada eva January gbe February: Efik gbe Hausa—True Peace and Security—From What Source? hayo Whọ Sae Ria Bẹdẹ Bẹdẹ eva Aparadase ọ Otọakpọ. Igbo—Choosing the Best Way of Life, True Peace and Security—How Can You Find It?, Whọ Sae Ria Bẹdẹ Bẹdẹ eva Aparadase ọ Otọakpọ, hayo Your Youth—Getting the Best out of It. Isoko—Whọ Sae Ria Bẹdẹ Bẹdẹ eva Aparadase ọ Otọakpọ. Oyibo—Survival Into a New Earth hayo The Bible—God’s Word or Man’s? Yoruba—Happiness—How to Find It, Is This Life All There Is?, Whọ Sae Ria Bẹdẹ Bẹdẹ eva Aparadase ọ Otọakpọ, hayo Your Youth—Getting the Best out of It. (Ebe obehru na kpobi nọ i wo ewẹ-obe 192 a ti fi ai họ ada eva unu nọ a sikpotọ ọrọ ₦50 [unu ọkobaro, ₦40]; obe ọ Ria Bẹdẹ Bẹdẹ na evaọ Efik, Hausa, Igbo, Isoko, gbe Yoruba, ₦80 [unu ọkobaro, ₦50]. A vi ileta se ugboma ekpako kpobi kpahe onana no evaọ May.) March: Edidi Evawere Uviuwou. April: Ru ahwo vi Uwou-Eroro Na. Rọkẹ ẹkwotọ nọ a re ru kẹse kẹse, a sae rehọ ibroshọ ọkpokpọ na, Eme Ọghẹnẹ Ọ Gwọlọ Mi Omai? ruiruo. MUẸROHỌ: Ikoko nọ e te gwọlọ ebe usi ovravra nọ a fodẹ evaọ obehru na a rẹ yare ae evaọ Literature Order Form (S-14) ọrọ amara notha rai.

◼ Iwhowho-uvie kpobi nọ e họ-ame no nọ e nyaze Ewuhrẹ Odibọgba evaọ oka ọ January 6 na a te kẹ ae ekade ọ Advance Medical Directive/Release gbe Identity Card na rọkẹ emọ rai.

◼ Muhọ evaọ February, nọ o rẹ vrẹ March 2 ha, ovuẹ ogbotu ọkpokpọ nọ esẹro enyawariẹ a te kẹ họ “Rehọ Ewuhrẹ Jiri Jihova.”

◼ Ikoko i re ru emamọ ọruẹrẹfihotọ kẹ ehaa Ekareghẹhọ ukpe ọnana evaọ Ẹdoka, March 23, nọ ọre o te kiediwi no. Dedenọ a sae kaki mu ẹme na họ, ẹwọ ebrẹdi gbe udi Ekareghẹhọ na i re muhọ họ bẹsenọ ọre o re kiediwi no. Nọ mi ahwo nọ a kẹle owhẹ re whọ riẹ okenọ ukiediwo ọre ọ rẹ via evaọ oria ra. Nọ o rọnọ a re ru iwuhrẹ efa evaọ ẹdẹ ọyena ha na ajokpa ọrọ usiuwoma ota ọvo na, u fo re a ru enwene nọ u fo kẹ Ewuhrẹ Uwou-Eroro Na evaọ oke ọfa. O gwọlọ nọ esẹro enyawariẹ a ru enwene oma ewuhrẹ evaọ oka na lele eyero oria na. Dedenọ o rọ oware isiuru re ukoko ọvuọvo o ru ẹkẹ ehaa Ekareghẹhọ riẹ na, ẹsikpobi onana o rẹ lọhọ ere he. Oria nọ ikoko buobu e jẹ jọ Ọgwa Uvie ọvo ru ewuhrẹ, ukoko ọvo hayo bu viere a rẹ sae gwọlọ oria ọfa kẹ owọwọ ọyena. U fo re ehaa Ekareghẹhọ na o muhọ evaọ aso te epanọ o rọ kẹ ahwo kpokpọ nọ i wo isiuru uye re a nyaze he. Ofariẹ, ọruẹrẹfihọ na ọ rẹ nwane jọ kekeke te epanọ oke o gbẹ rọ jariẹ nọ a ro yere erara taure ehaa na o te muhọ gbe nọ o te kuhọ no ho ho, ru ọruẹrẹfihotọ kẹ ẹnyaharo ẹzi rọ kẹ enọ i wo isiuru, hayo onọ a rẹ rọ tudu họ ohwohwo awọ. Nọ a te roro ẹme na ziezi no, ekpako na a rẹ jiroro ọruẹrẹfihotọ nọ e rẹ mai fiobọhọ kẹ enọ e te ziọ ehaa Ekareghẹhọ na re a ruẹse wo erere vọvọ no ehaa na ze.

◼ A te kẹ ovuẹ ogbotu obọdẹ eva ezi ehaa Ekareghẹhọ ọrọ 1997 na evaọ Ẹdoka April 6. Oma ẹme na o te jariẹ. Ikoko nọ ọsẹro ọnyawariẹ ọ rọ kugbe, enọ e rọ okokohọ okogho, hayo ẹdẹ okokohọ obọdẹ evaọ ẹdoka ọyena a rẹ kẹ ovuẹ obọdẹ na evaọ oka nọ u lele i rie. Ukoko ovuovo o rẹ kẹ ovuẹ na taure April 6 o te zi te he.

◼ U fo re ugboma ekpako na a riẹ nọ a gwọlọ inwene enana okenọ ikoko i te kpohọ okokohọ rai: Okenọ a tẹ m’oma ọruẹrẹfihotọ ẹdẹ okokohọ obọdẹ, u fo re ukoko na u ru iwuhrẹ na kpobi nọ a jẹ hai ru vẹre evaọ oka na, ajokpa Ewuhrẹ Ovuẹ Ogbotu na gbe Ewuhrẹ Uwou-Eroro Na eye a rẹ seba. Okenọ a tẹ m’oma nọ a kpohọ okokohọ okogho, ukoko na o rẹ jẹ se Isukulu Odibọgba Ọghẹnẹ gbe Ewuhrẹ Odibọgba na ba; Uwuhrẹ Obe Ukoko ọvo a re ru evaọ oka oyena.

◼ Yearbook rọ kẹ Ekobaro—Ọkobaro oke-kpobi hayo ọrọ obọdẹ nọ o muhọ evaọ July 1, 1996, hayo kpemu vrẹ ere, ọ sai wo Yearbook ọvo ọvọvẹ. Ukoko na o rẹ kẹ ọnana no evaọ ebe nọ a vi sai ze. Evaọ omobe S-20 na, unu Yearbook ọvọvẹ nọ a rọ kẹ ekobaro a re kere ai vevẹ re a riẹ unuigho nọ a raha fihọ omomọvo uzou. Ekobaro e rẹ sae rọ unuigho ọkobaro dẹ Yearbook efa. Enana e rọ rọkẹ iruo evaọ usiuwoma na. A re kere enana sa fihọ otọ oria unuigho nọ a rọ kẹ ọkobaro evaọ omobe S-20 na. Kere fihọ otọ nọ “Yearbook nọ a rọ unu ọkobaro dẹ.” A rẹ gua enana kugbe erọ ọvọvẹ nọ a kẹ ekobaro na ha. Unuigho nọ a si no kẹ ọkobaro a ti fie ei họ kẹ obe ovuovo nọ a rehọ evaọ unuigho ọkobaro.

◼ Examining the Scriptures Daily rọ kẹ Ekobaro—Ọkobaro oke-kpobi hayo ọrọ obọdẹ nọ o muhọ evaọ July 1, 1996, hayo kpemu vrẹ ere, ọ rẹ sai wo ọvo ọvọvẹ kẹ omobọ riẹ. Rọ kẹ ọvuọvo nọ a kẹ kpobi, a ti siọ unuigho riẹ no unuigho nọ a te hwosa fihọ ebe na no. Ekobaro ubroke a ku rai gbe eruẹrẹfihotọ enana ha. Ofariẹ, unu es97 ọvọvẹ nọ a rọ kẹ ekobaro a re kere ai vevẹ fihọ omobe S-20 na re a ruẹse si unuigho rai no ọvuọvo.