Ikokohọ-Ilogbo Akpọ-Soso Evaọ 1998

Ugboma Esuo na a be m’oma re a ru ikokohọ-ilogbo akpọ-soso evaọ 1998. Kugbe ikokohọ ubrotọ nọ a re ru vẹre na, a ti ru ikokohọ akpọ-soso buobu evaọ Ẹkpẹlobọ-Ọre America gbe Africa, Esia, Europe, Latin America, ẹkuotọ Caribbean, gbe Obọze-Ọre Pacific.

A ti ru ikokohọ obọdẹ enana buobu evaọ Ẹkpẹlobọ-Ọre America, yọ a ti zizie ahwo no eghagha avọ eghagha ze. Ofariẹ, ma rẹ sai rẹro imishọnare evaọ ikokohọ akpọ-soso enana. A ti zizie imishọnare gbe amọfa nọ e rọ iruo usiuwoma obọdẹ evaọ erẹwho efa re a nyaze ikokohọ-ilogbo enana evaọ orẹwho rai hayo ekẹloma rai.

A ti kporo evuẹ efa kpahe ẹdẹ, eria, ahwo nọ i te, eruẹrẹfihotọ kẹ erara, gbe eme efa. Uwou-ogha na ọ te jẹ ikoko na riẹ kpahe ikokohọ-ilogbo akpọ-soso nọ a ti zizie iwhowho-uvie na nya. A te kẹ evuẹ kpahe ẹdẹ gbe ọruẹrẹfihotọ nọ a bi ru re a salọ ahwo nọ e te nya.