Ọkiẹkpemu Isukulu Odibọgba Ọghẹnẹ
Obe ọkiẹkpemu ọrọ eme nọ a ru eva Isukulu Odibọgba Ọghẹnẹ evaọ eka ọ September 5 rite December 18, 1997. Rehọ ẹwẹ-obe ọfa kere iyo enọ na nọ whọ sae kẹ kpobi evaọ umutho oke nọ a kẹ na.
[Muẹrohọ: Evaọ etoke ọkiẹkpemu na, Ebaibol na ọvo whọ rẹ sae rri rọ kẹ iyo enọ kpobi. Ebe nọ a fodẹ nọ i lele enọ na e rọ kẹ ekiakiẹ omobọ ra. Inọmba ẹwẹ-obe gbe edhe-ẹme e sae te rehọ oma via evaọ idhesẹ Uwou-Eroro Na kpobi hi.]
Kẹ uyo uye-ẹme ọvuọvo nọ erọ obotọ na Uzẹme hayo Ọrue:
1. Dede nọ okerefihotọ na u dhesẹ nnọ Jehoram Ovie nọ ọ kare ẹrọwọ na ọye o je su uvie ẹkpẹlobọ-ọre Izrẹl, ma riẹ ọsẹ gbe oni riẹ hayo oghẹrẹ nọ o ro whu hu. [it-1-E ẹwẹ-obe avọ 1270 edhe-ẹme avọ 8, 12]
2. Eva Luk 22:30, “erua kpegbivẹ Izrẹl” na i wo otofa ovo na wọhọ eva Matiu 19:28, oria nọ a jo ru efihiruo riẹ kẹre vrẹ izerẹ-esese Jesu nọ a kẹ ẹzi na ro te ahwo-akpọ edekọ kpobi. [Isase Ebaibol ẹkpoka; rri w87-E 3/1 ẹwẹ-obe avọ 27 edhe-ẹme avọ 10; ẹwẹ-obe avọ 28 edhe-ẹme avọ 12.]
3. Oware nọ o soriẹ nọ u ro gbe ilele Jesu unu fikinọ o bi lele aye Sameria t’ẹme họ aye na ogbọfariẹ. (Jọn 4:27) [Isase Ebaibol ẹkpoka; rri w95-E 7/15 ẹwẹ-obe avọ 15 edhe-ẹme 1-2.]
4. Ẹme na “no emuhọ ze” eva Jọn 6:64 u dhesẹ nọ Jesu ọ riẹ evaọ okenọ ọ rọ salọ Judas wọhọ ukọ inọ ọye họ ọnọ o ti vivie Ei. [Isase Ebaibol ẹkpoka; rri it-2-E ẹwẹ-obe avọ 129 edhe-ẹme avọ 4-6.]
5. Ọtamuo Ukoko-Ulogbo ọrọ 1884 o t’ẹme nnọ ukoko ebe-kporo ọvo o rọ. [jv-E ẹwẹ-obe avọ 576 edhe-ẹme 1]
6. Ọnyano 21:22, 23 u fiobọhọ k’omai wo ovuhumuo inọ Ọghẹnẹ o rri ọmọ ohwo nọ a ri yẹ hẹ wọhọ uzuazọ oghaghae. [kl-IS ẹwẹ-obe avọ 128 edhe-ẹme avọ 21]
7. “Eha ahwo i Ju” nọ a fodẹ eva Jọn 5:1 na o t’ẹme kpahe ehaa Ọnyavrẹ ọrọ 31 C.E. [si-E ẹwẹ-obe avọ 194 edhe-ẹme avọ 8]
8. Ẹvaha ovuẹ Uvie na evaọ iredio gbe etẹlivisiọne i wo ẹgba ọvona wọhọ edhere ọfa kpobi nọ ma sae rọ vuẹ ovuẹ na. [jv-E ẹwẹ-obe avọ 572 edhe-ẹme avọ 3]
9. Nọ o rọnọ Jehoachin o yẹ emezae ihrẹ na, Ikereakere na nọ o ta nọ, “Wha kere nọ ọzae ọnana o wo ọmọ họ” na o thọ. (Jeri. 22:30) [it-1-E ẹwẹ-obe avọ 1267 edhe-ẹme avọ 10]
10. O tẹ make rọnọ a rri egọmeti jọ kiẹrẹe hayo a rri riei kiẹrẹe he, Ileleikristi uzẹme a rẹ jọ obọ rai kere obe orọo rai ghele. [kl-IS ẹwẹ-obe avọ 122 edhe-ẹme avọ 11]
Kẹ iyo enọ nọ e rọ obotọ na:
11. Nya lele oriruo Ileleikristi ahwo Ẹfẹsọs ikpe-udhusoi ọsosuọ, owọ jọ vẹ u fo nọ a rẹ jẹ hrọ re a ruẹse whaha izi muomu? (Iruẹru 19:19) [kl-IS ẹwẹ-obe avọ 114 edhe-ẹme avọ 14]
12. Ẹvẹ enjẹle jọ e rọ raha uzi evaọ edẹ Noa? [kl-IS ẹwẹ-obe avọ 109 edhe-ẹme avọ 4]
13. Fikieme Jesu o gbe dhomahọ ẹwhọ ukuoriọ họ? (Luk 12:13, 14) [Isase Ebaibol ẹkpoka; rri w97-E 4/1 ẹwẹ-obe avọ 28.]
14. Eme ilele riẹ a riẹ kpahe he okenọ a nọ Jesu sọ ọ be te rehọ Uvie na mu kẹ Izrẹl okioke oyena, onọ a kere eva Iruẹru 1:6 na? [Isase Ebaibol ẹkpoka; rri w90-E 6/1 ẹwẹ-obe avọ 11 edhe-ẹme avọ 4.]
15. Fikieme Adolf Hitler ọ gbẹ sae wha ehaise riẹ haro ho re o kpe ahwo Jihova muotọ? [jv-E ẹwẹ-obe avọ 553 edhe-ẹme avọ 2-4]
16. Ẹvẹ Jairọs o ro dhesẹ nnọ o wo ẹrọwọ fihọ ẹgba Jesu nọ o re ro siwi? (Mak 5:22-24) [it-1-E ẹwẹ-obe avọ 1250 edhe-ẹme avọ 14]
17. Fikieme New World Translation o jẹ ta nọ “Ẹme na ọ jọ ọghẹnẹ jọ,” viukpọ “Ẹme na ọ jọ Ọghẹnẹ,” wọhọ epanọ efafa edekọ na a fi rie họ na eva Jọn 1:1? [Isase Ebaibol ẹkpoka; rri rs-E 212 edhe-ẹme avọ 5.]
18. Wọhọ epanọ obe Eviavia o ta, bovẹ “o tu enuahwo” a ti kpohọ a gbe kurẹriẹ re a nwene idhere uzuazọ rai hi? [kl-IS ẹwẹ-obe avọ 111 edhe-ẹme avọ 8]
19. Nọ Jesu ọ rọ ohwo ọgbagba na o te je dhesẹ ọkwa riẹ wọhọ Owuhrẹ na, fikieme ọ jẹ se nọ a sei “Owuhrẹ Owoma” ha? (Luk 18:18, 19) [Isase Ebaibol ẹkpoka; rri w95-E 3/1 ẹwẹ-obe avọ 15 edhe-ẹme avọ 7.]
20. Eme o jọ ujaje nọ a kẹ eva Jọn 13:34 na kpokpọ? [Isase Ebaibol ẹkpoka; rri w90-E 2/1 ẹwẹ-obe avọ 21 edhe-ẹme avọ 5-6.]
Fodẹ ẹme hayo eme nọ a gwọlọ re uhie-eme obotọ na e tẹ gb’unu:
21. Oriruo _________________________, ohwo Git, ọnọ o dhesẹ omarokpotọ kẹ _________________________, o rẹ w’omai re ma dhesẹ okwakwa onana kẹ enọ e be kobaro evaọ ukoko Jihova nẹnẹ re. (2 Sam. 15:21) [it-1-E ẹwẹ-obe avọ 1237 edhe-ẹme avọ 17]
22. “Epao ikpe” na i dhesẹ _________________________ nọ ilele nọ a kẹ ẹzi na a re ro ruiruo re a ruẹse rehọ _________________________ Uvie odhiwu efa ze. (Luk 19:13) [Isase Ebaibol ẹkpoka; rri w89-E 10/1 ẹwẹ-obe avọ 8.]
23. Eware esa nọ ahwo Ju a rọ bọo Jesu ota kẹ Pailet, osu Rom evaọ Judia na, i kugbe ọvẹtuo _________________________, eghaghọ ẹhwa _________________________, jẹ be ta nọ Ọye Omariẹ _________________________. (Luk 23:2) [Isase Ebaibol ẹkpoka; rri w90-E 12/1 ẹwẹ-obe avọ 9 edhe-ẹme 1.]
24. Ileleikristi uzẹme a re ru ehaa Kresimesi hayo ehaa eriosehọ ọfa ha nọ u wo ehri no egagọ erue ze keme a rẹ kẹ Jihova _________________________; a re ru ehaa nọ a rẹ jọ _________________________ ahwo-akpọ nọ e gba ha ha hayo erẹwho jọ họ. [kl-IS ẹwẹ-obe avọ 126 edhe-ẹme avọ 16]
25. _________________________ họ ọnọ o kere obe Iruẹru okenọ ọ jọ obọ _________________________. [si-E ẹwẹ-obe avọ 199 edhe-ẹme avọ 3]
Salọ uyo ogbagba evaọ uye-ẹme ọvuọvo nọ e rọ obotọ na:
26. Evaọ 1992, emọ-iwuhrẹ nọ i bu vi (2,500; 4,500; 6,500) ro no erẹwho (40; 80; 110) ze eye a wuhrẹ no eva Giliad a tẹ jẹ jọ ekuotọ gbe ikoliko-ame nọ i bu vi (100; 150; 200) ruiruo no. [jv-E ẹwẹ-obe avọ 524 edhe-ẹme avọ 2]
27. Evaọ (1877; 1879; 1881), Charles T. Russell o te kporo omobe na The Object and Manner of Our Lord’s Return, yọ evaọ (1877; 1879; 1881) o te muọ Zion’s Watch Tower and Herald of Christ’s Presence họ ekporo. [jv-E ẹwẹ-obe avọ 557 edhe-ẹme 1]
28. Ẹrria uzuazọ ohwo Ọghẹnẹ mai o rẹ kẹ imuẹro nnọ (amọfa a te riẹ omai ru; ma ti wo ekwakwa efe buobu enẹna; Ọghẹnẹ ọ te jẹ omai rehọ keme ma bi ru oware nọ u kiehọ). [kl-IS ẹwẹ-obe avọ 118 edhe-ẹme avọ 2]
29. Okenọ Jesu ọ nọ Pita ukọ na nnọ, “Who you omẹ vi enana?,” Ọ jẹ nọ Pita sọ o you Rie vi (uyoyou nọ o you ilele edekọ na; uyoyou nọ ilele edekọ na a wo kẹ Jesu; uyoyou nọ o wo kẹ eware enana, wọhọ imiyei na). (Jọn 21:15) [Isase Ebaibol ẹkpoka; rri w88-E 11/1 ẹwẹ-obe avọ 31 edhe-ẹme avọ 9.]
30. Evaọ abọ ologbo, ahwo nọ a be k’obaro evaọ ewhowho usiuwoma na họ (edafe; ahwo nọ ahwo-akpọ a rẹro so; ahwo gheghe). [jv-E ẹwẹ-obe avọ 548 edhe-ẹme avọ 3]
Salọ ikereakere nọ i kiehọ uhie-eme obotọ na:
2 Iv. 10:15, 16; Itẹ 3:9, 10; Luk 9:60, 62; 13:4, 5; Rom 9:10-12
31. Jesu ọ vro kpahe iroro okpẹtu, ọ fodẹ okpẹtu jọ nọ ahwo nọ a be gaviezọ kẹe a riẹ gaga gbe onọ ọ ta nọ oke gbe eware ikpregede o wha ze. [Isase Ebaibol ẹkpoka; rri w96-E 9/1 ẹwẹ-obe avọ 5 edhe-ẹme avọ 5.]
32. Jihova o dhesẹ ẹgba riẹ nọ ọ rẹ rọ riẹ uruemu ọmọ nọ a ri yẹ hẹ ọ vẹ jẹ rehọ eriariẹ gbe udu nọ o wo rọ salọ ohwo nọ u je rie kpobi kẹ ẹjiroro riẹ. [it-1-E ẹwẹ-obe avọ 1242 edhe-ẹme avọ 6]
33. A gwọlọ omarọkẹ udu na kpobi re a ruẹse ruọ Uvie na. [si-E ẹwẹ-obe avọ 192 edhe-ẹme avọ 32]
34. Jihova ọ te ghale omai nọ ma be rehọ oke mai, ẹgba, gbe ekwakwa mai kpobi, kugbe igho mai, rọ wha egagọ uzẹme haro na. [kl-IS ẹwẹ-obe avọ 120 edhe-ẹme avọ 8]
35. Ohwo ọ rẹ roma kpotọ tha enọ e be kobaro na uke evaọ egagọ Jihova hrọ. [it-1-E ẹwẹ-obe avọ 1269 edhe-ẹme avọ 8]