Ewuhrẹ Ekpako re A Riẹ Se

Ẹgba nọ a sai ro se o rẹ wha oghọghọ obeva ze je ru otoriẹ viharo. Oware jọ nọ o rẹ mae kẹ erere họ ese gbe efihiruo Ẹme Ọghẹnẹ nọ o rẹ wha uzuazọ ebẹdẹ bẹdẹ ze. (Evia. 1:3) Ahwo buobu a muọ Jihova họ ẹgọ evaọ ikpe owho rai. Ibuobu ahwo nana a be reawere evevọwẹ obeva evaọ okenọ a tẹ sae ‘roma totọ kiẹ ikereakere na riwi kẹdẹ kẹdẹ sọ eware enana e ghinẹ rọ ere.’ (Iruẹru 17:11) Fikiere mai kpobi ma re wo isiuru evaọ obufihọ kẹ amọfa nọ a wo uvẹ utioye nọ a re ro se k’omobọ rai hi. Evuẹ enana i ti fiobọhọ kẹ ahwo nọ a wo uvẹ-ọghọ ewuhrẹ evaọ eklase ọriẹse-gbe-ekere na.

◼ Whọ rọ uye bẹ ae he, yọ whọ jọ ẹkeriotọ ọvo wuhrẹ ai eware bu hrọ họ. Onana o rẹ sae whrehe ọmọ-isukulu na jẹ siọ isukulu na ba.

◼ Hae tudu họ ai awọ ẹsikpobi je rẹro ewoma. A rẹ bọ ona isase evaọ edhere owojẹ omomoto, orọ owowa. U re fo re emọ-isukulu na a ruẹ evevọwẹ evaọ ẹnyaharo rai. Tudu họ emọ-isukulu na awọ re a fi eware nọ a bi wuhrẹ na họ iruo vẹrẹ vẹrẹ. Iwuhrẹ e rẹ sai fiobọhọ kẹ ae re a se iyo hayo ikereakere evaọ iwuhrẹ Ileleikristi hayo re a se ikereakere evaọ usiuwoma ota. Onana u re ti dhesẹ obọdẹ aghare ọ eklase ọriẹse-gbe-ekere na gaga.

◼ Whọ raha oke kufiẹ fihọ eme akotọ họ. Ekpako na yọ ahwo nọ a wo iruo buobu. Rehọ abọ ologbo ẹkeriotọ wuhrẹ eware nọ e r’oja.

◼ Hae kẹ emọ-isukulu na adhẹẹ, kẹ ae ọghọ nọ o fo kẹ ae. Who ru ae eva dha hayo rri rai vo ho. Fiẹro h’otọ kẹ ebẹbẹ omomọvo. Emọ-isukulu jọ a rẹ sai se eme iyoyo ho kemena a gwọlọ ẹno. Efa e rẹ kaki yo ẹme he. O gwọlọ ẹruọdawẹ gbe ona evaọ eyeri kugbe ahwo kpobi.

◼ Re a wo ẹnyaharo, u fo re emọ-isukulu a ru ihom-whọko evaọ euwa buobu rọkẹ auwa ẹkeriotọ ewuhrẹ kpobi. Owuhrẹ na ọ sai zizie amọfa re a fiobọhọ kẹ emọ-isukulu na evaọ ihom-whọko rai.

O rọ urere, wo odiri, kẹ uduotahawọ, jẹ hai kẹ ujiro no unu ze ziezi. Ẹkwoma efihiruo ehri-izi obehru na, whọ rẹ sae zọhọ fihọ oghọghọ ekpako nọ e gwọlọ obufihọ re a sai se.