Iwhowhovia

◼ Ebe nọ a ti fihọ ada evaọ January: Efihọ-ada obọdẹ ọrọ ekru ebe ivẹ evaọ ₦40 gbe ekru ebe ene evaọ ₦80 nọ a re vi no uwou-ogha ze wọhọ epanọ o rọ ileta mai ọrọ March 23, 1998. Ofariẹ, a rẹ sai fi obe ẹwẹ-obe 192 evaọ ẹvẹrẹ kpobi nọ ukoko na u wo họ ada evaọ azọhọ obọdẹ ₦20, ajokpa ọ Eriariẹ Nọ I Re Su Kpohọ Uzuazọ Ebẹdẹ Bẹdẹ, Edidi Evawere Uviuwou, Okugbe Evaọ Egagọ Ọghẹnẹ Uzẹme Ọvo Na, Theocratic Ministry School Guidebook, gbe Organized to Accomplish Our Ministry. Wọhọ epanọ o rọ ileta mai na, wha rẹ sae yare ugho nọ a re si no. February: Edidi Evawere Uviuwou. Enọ a sai ro nwene iei họ: Obe ọ ẹwẹ-obe 192 anwae kpobi nọ wha wo. March: Eriariẹ Nọ I Re Su Kpohọ Uzuazọ Ebẹdẹ Bẹdẹ. Enọ a sai ro nwene ei họ: Obe ẹwẹ-obe 192 kpobi evaọ unuigho rai na. Ma te daoma re ma mu ebe uwuhrẹ Ebaibol họ. April: Evẹrẹ kpobi—Ru ahwo vi Uwou-Eroro gbe Awake! Ruẹrẹ ibroshọ Gwọlọ fihọ kẹ ahwo nọ a wo isiuru, jẹ daoma mu ọ iwuhrẹ Ebaibol họ.

◼ Iwhowho-uvie kpobi nọ e họ-ame no nọ e nyaze Ewuhrẹ Odibọgba evaọ oka ọ January 4 na a te kẹ ae ekade ọ Advance Medical Directive/Release gbe Identity Card na rọkẹ emọ rai.

◼ Muhọ evaọ February, nọ u re lehie vrẹ March 1 họ, ovuẹ ogbotu okpokpọ kẹ esẹro okogho o te jọ “Ẹvẹ Ọghẹnẹ O Muẹro te k’Owhẹ?”

◼ Ikoko i re ru ọruẹrẹfihotọ re a ru ehaa Ekareghẹhọ enukpe ọnana eva Edene-Oka, April 1, nọ ọre o te kiediwi no. Dede nọ a sae kaki mu ẹme na họ, ẹwọ ebrẹdi gbe udi Ekareghẹhọ na i re muhọ họ bẹsenọ ọre o re kiediwi no. Wha nọ mi ahwo nọ a kẹle owhai re wha riẹ okenọ ọre o re ro kiediwi evaọ oria rai. Dede nọ o rọ oware isiuru re ukoko kpobi u ru ọvuọvuọ ehaa Ekareghẹhọ riẹ na, orọnikọ ẹsikpobi onana o rẹ lọhọ họ. Oria nọ ikoko buobu e jẹ be jọ Ọgwa Uvie ọvo ru ewuhrẹ, ukoko ovo hayo bu viere a rẹ sae gwọlọ oria ofa kẹ owọwọ oyena. Oria nọ o jọ lọhọ, ma jiroro nọ omaa na o kẹ uvẹ ọ iminiti 40 re uvẹ o jariẹ nọ a re ro yere erara, tudu họ ahwo ọkpokpọ nọ i wo isiuru na awọ, re wha je wo erere no ehaa na ze vọvọ. Wha re je roro kpahe ebẹbẹ imoto buobu nọ e rẹ jọ edhere gbe oria nọ a rẹ dhẹ imoto fihọ, kugbe ẹwọ ze gbe ẹwọ kpo ahwo. Ugboma ekpako na a rẹ j’iroro eruẹrẹfihotọ nọ e mai woma evaọ oborai.

◼ A te kẹ ovuẹ ogbotu obọdẹ rọ kẹ ezi ọ Ekareghẹhọ 1999 na evaọ Ẹdoka, April 18. Uzoẹme ovuẹ na họ “Emamọ Usu Kugbe Ọghẹnẹ gbe Ọrivẹ.” A ti vi oma-ẹmeọta ze. Ikoko nọ i wo iweze ọsẹro okogho, okokohọ okogho, hayo ẹdẹ okokohọ obọdẹ evaọ urere oka oyena a rẹ kẹ ovuẹ obọdẹ na evaọ oka nọ u lele i rie. Uvumọ ukoko o rẹ kẹ ovuẹ obọdẹ na taure April 18 o te te he.

◼ Muhọ eva February 1, 1999, ma ti wuhrẹ ibroshọ na Eme Ọ rẹ Via k’Omai Okenọ Ma te Whu? eva Uwuhrẹ Obe Ukoko.