Iwhowhovia

◼ Ebe nọ a ti fihọ ada evaọ February: Edidi Evawere Uviuwou evaọ ₦55. Enọ a sai ro nwene ei họ: Obe ẹwẹ-obe 192 anwae kpobi nọ wha wo evaọ unuigho rai na. March: Eriariẹ Nọ I Re Su Kpohọ Uzuazọ Ebẹdẹ Bẹdẹ. Enọ a sai ro nwene iei họ: Obe ẹwẹ-obe 192 kpobi evaọ unuigho rai na. Ma te daoma re ma mu ebe uwuhrẹ Ebaibol họ. April gbe May: Evẹrẹ kpobi—Ru ahwo vi Uwou-Eroro gbe Awake! Ruẹrẹ ibroshọ Gwọlọ fihọ kẹ ahwo nọ a wo isiuru, jẹ daoma mu ọ iwuhrẹ Ebaibol họ.

◼ Muhọ no March 22, 1999, rite May 10, 1999, a ti wuhrẹ ibroshọ na Okenọ Ohwo nọ Who You O te Whu eva Uwuhrẹ Obe Ukoko. Nọ a ru ibroshọ na dina hẹrioma no ibroshọ efa nọ ma wuhrẹ no na, umutho ekpọvio i ti fiobọhọ. Nọ oniọvo nọ o te ziezi o te se uzoẹme na kpobi reno (hayo uzoẹme-osese kpobi no, otẹrọnọ abọ uwuhrẹ na o ruọ abọ uzoẹme nọ u lele i rie), owuhrẹ na ọ vẹ nọ enọ ọkiẹriwi nọ e rrọ oka ọ uzoẹme hayo abọ nọ a se na.

◼ Okere-obe avọ ọsẹro iruo usiuwoma ota a rẹ kiẹ iruo ekobaro oke-kpobi na riwi. Otẹrọnọ ejọ i wo ẹbẹbẹ evaọ ẹnyate euwa nọ a gwọlọ na, jọ ekpako na a ru ọruẹrẹfihotọ re a kẹ obufihọ. Rọkẹ ọkpọvio, kiẹ ileta Society S-201 riwi ọrọ October 1. Je rri uko-obeva ọ Odibọgba Uvie Mai ọrọ September 1986 (ọrọ Oyibo), edhe-ẹme avọ 12-20.

◼ Enẹna ma wo ukere ọ 1997 ọrọ CD-ROM, Watchtower Library, evaọ Oyibo. Unuigho riẹ họ ₦860. Ahwo nọ a gwọlọ e riẹ a sai vi ẹkwoma ukoko na. Iviena muẹrohọ nnọ o mae rrọ kẹ iwhowho-uvie na orọnikọ ẹgbede he.

◼ Ikoko i re ru ọruẹrẹfihotọ re a ru ehaa Ekareghẹhọ enukpe ọnana eva Edene-Oka, April 1, nọ ọre o te kiediwi no. Dede nọ a sae kaki mu ẹme na họ, ẹwọ ebrẹdi gbe udi Ekareghẹhọ na i re muhọ họ bẹsenọ ọre o re kiediwi no. Wha nọ mi ahwo nọ a kẹle owhai re wha riẹ okenọ ọre o re ro kiediwi evaọ oria rai. Dede nọ o rọ oware isiuru re ukoko kpobi u ru ọvuọvuọ ehaa Ekareghẹhọ riẹ na, orọnikọ ẹsikpobi onana o rẹ lọhọ họ. Oria nọ ikoko buobu e jẹ be jọ Ọgwa Uvie ọvo ru ewuhrẹ, ukoko ovo hayo bu viere a rẹ sae gwọlọ oria ofa kẹ owọwọ oyena. Oria nọ o jọ lọhọ, ma jiroro nọ omaa na o kẹ uvẹ ọ iminiti 40 re uvẹ o jariẹ nọ a re ro yere erara, tudu họ ahwo ọkpokpọ nọ i wo isiuru na awọ, re wha je wo erere no ehaa na ze vọvọ. Wha re je roro kpahe ebẹbẹ imoto buobu nọ e rẹ jọ edhere gbe oria nọ a rẹ dhẹ imoto fihọ, kugbe ẹwọ ze gbe ẹwọ kpo ahwo. Ugboma ekpako na a rẹ j’iroro eruẹrẹfihotọ nọ e mai woma evaọ oborai.