Iwuhrẹ Odibọgba Ọrọ March
Oka nọ O rọ March 1 Muhọ
Ole avọ 33
8 min: Iwhowhovia obonẹ. Salọ Iwhowhovia no Odibọgba Uvie Mai ze.
17 min: “Ekareghẹhọ Uwhu Kristi Evaọ Akpọ-Soso.” Enọ gbe iyo. Ku eme ọ Uwou-Eroro Na ọrọ February 1, 1997, ẹwẹ-obe avọ 23-24, edhe-ẹme avọ 10-14 kugbei. Fiẹgba họ epanọ uyoyou ulogbo Jihova o rọ wọe siobọno ẹtanigbo na k’omai.
20 min: Iroro Ọgbahọ nọ A re ro Ru Ọkobaro Ubroke Evaọ April gbe May. Ẹme gbe iroro ejẹ ogbotu nọ ọsẹro iruo usiuwoma ota o re ru, tudu họ ahwo kpobi awọ re a roro kpahe ọkobaro ubroke ziezi. Kiẹ inwene nọ e rrọ ute euwa kẹ ekobaro oke-kpobi gbe erọ ubroke, wọhọ epanọ a dhesẹ fihọ Odibọgba Uvie Mai ọrọ January 1999, ẹwẹ-obe avọ 3. U fo re enwene ọnana ọ lẹliẹ amọfa buobu reawere ọ uvẹ-ọghọ orọ iruo odibọgba oke-kpobi na. Dhesẹ epanọ ovuhumuo kẹ idheidhe Kristi o rọ gba omai họ re ma daoma gaga evaọ usiuwoma ota kẹ amọfa. (2 Kọr. 5:14, 15) Enukpe ọnana Ekareghẹhọ na o kie fihọ ẹdẹ ọsosuọ ọrọ April. Ẹvẹ onana o rrọ uduotahawọ kẹ iwhowho Uvie kpobi te re a rehọ amara soso ro ru iruẹru rai viharo! Kiẹ eme jọ nọ i w’uzou evaọ uko-obeva ọ Odibọgba Uvie Mai ọrọ February 1997 gbe March 1998 nọ e t’ẹme kpahe iruo ọkobaro ubroke. Roro kpahe idhere nọ a re ro nwene lele omaa oriruo nọ a kẹ na. Kiẹ ọruẹrẹfihotọ usiuwoma ota obonẹ riwi, nọ o kẹ uvẹ ziezi re a w’obọ evaọ odibọgba na kugbe amọfa. Tudu họ iwhowho-uvie awọ re a mi ebe ọkobaro ubroke nọ uwuhrẹ na o tẹ fa no.
Ole avọ 44 gbe olẹ ekuhọ.
Oka nọ O rọ March 8 Muhọ
Ole avọ 52
10 min: Iwhowhovia obonẹ.
20 min: “Zizie Ai re A Nyaze.” Enọ gbe iyo. Fiẹgba họ ẹgwọlọ nọ a rẹ rọ kpọ ovao ahwo ọkpokpọ nọ a wo isiuru riwi iwuhrẹ ukoko ẹsikpobi. Ru odhesẹvia ẹmeọta kugbe ohwo nọ o wo isiuru, ẹkwoma eme nọ e rrọ obe ọ Eriariẹ na, ẹwẹ-obe avọ 159, edhe-ẹme avọ 20, gbe ẹwẹ-obe avọ 161-163, edhe-ẹme avọ 5-8. Tudu họ ahwo kpobi awọ re a daoma gaga re a fiobọhọ kẹ emọ-uwuhrẹ Ebaibol gbe amọfa nọ a wo isiuru re a kpohọ Ekareghẹhọ na evaọ April 1. Rehọ omobe-uzizie na rọ ghrẹ ahwo na, je dhesẹ epanọ a sae rọ rehọ iẹ ruiruo ziezi. O gwọlọ nọ ahwo kpobi a re mu omobe-uzizie ọ Ekareghẹhọ na họ ẹghale oka nana.
15 min: “Epanọ Ahwo Uviuwou A Sae rọ Rọwokugbe re A w’Obọ Vọvọ—Evaọ Iwuhrẹ Ukoko.” Ẹmeọta ọ uviuwou. Nọ a be kpahe fihọ ugogo-eme nọ e rrọ uzoẹme na, a rẹ ta kpahe epanọ a sae rọ ruẹrẹ oma kpahe kẹ iwuhrẹ wọhọ uviuwou. A rẹ ta kpahe idhere nọ a sai ro fiobọhọ kẹ ohwohwo re a w’obọ gbe oware nọ a re ru hrọ re uviuwou na o hae kaki te obọ iwuhrẹ evaọ ẹruoke.
Ole avọ 62 gbe olẹ ekuhọ.
Oka nọ O rọ March 15 Muhọ
Ole avọ 56
10 min: Iwhowhovia obonẹ. Iyẹrẹ epanọ igho e nya.
15 min: “Idibo Iruiruo A bi Ru Iruo Eghaghae.” Ẹme nọ odibo oruiruo nọ o te ọ rẹ ta. Kiẹ ugogo-eme nọ e rrọ obe ọ Our Ministry riwi, ẹwẹ-obe avọ 57-59. Dhesẹ epanọ a be rọ rehọ idibo iruiruo ro fiobọhọ kẹ ukoko na evaọ obonẹ.
20 min: Reawere ọ 1999 Yearbook na. Ẹmeọta ọ ọzae avọ aye uwou-orọo. Ọzae uwou-orọo na o re dhesẹ nnọ a kaki kporo Yearbook na wọhọ obe evaọ 1927 gbe nnọ bu vrẹ ikpe 70 no na, o be hae wha iyẹrẹ akpọ soso orọ Isẹri Jihova. A rẹ wariẹ kiẹ abọ ologbo ọ “Unu Iyẹrẹ ọ 1998 na Kpobi,” eva ẹwẹ-obe avọ 31. A rẹ t’ẹme kpahe “Ileta nọ I no Obọ Ugboma Esuo na Ze,” evaọ ẹwẹ-obe avọ 3-5, jẹ kpahe fihọ epanọ a ti ro lele uduotahawọ nọ a kẹ na.
Ole avọ 68 gbe olẹ ekuhọ.
Oka nọ O rọ March 22 Muhọ
Ole avọ 162
10 min: Iwhowhovia obonẹ. Whowho edẹ ahwo nọ a bi ti ru ọkobaro ubroke evaọ April. Dhesẹ vevẹ inọ uvẹ o gbẹ riẹ nọ a re ro fi obe họ. Fodẹ omaa ọ omakugbe kẹ usiuwoma ota na kpobi rọkẹ April. Tudu họ ahwo kpobi awọ re a lele omaa ọ isase Ebaibol Ekareghẹhọ na rọkẹ March 27– April 1, wọhọ epanọ a dhesẹ fihọ Ẹkiẹriwo Ikereakere na Kẹdẹ Kẹdẹ—1999 gbe evaọ 1999 Calendar.
15 min: Ruẹrẹ Oma Kpahe kẹ Ekareghẹhọ Na. Ẹmeọta. Ahwo a rẹ m’omaa re a fiobọhọ kẹ emọ-uwuhrẹ Ebaibol gbe amọfa nọ a wo isiuru re a kpohọ Ekareghẹhọ na. Ahwo ọkpokpọ nọ a nyaze a sai w’otoriẹ ohwo nọ u fo nọ ọ rẹ re ebrẹdi jẹ da udi na hayo otofa ọ ehaa na ha. Kiẹ eme nọ a ta fihọ Uwou-Eroro Na ọrọ April 1, 1996 (ọrọ Oyibo), ẹwẹ-obe avọ 6-8, je dhesẹ epanọ ma sai ro fiobọhọ kẹ ohwo ọkpokpọ re o wo otoriẹ gbe ẹjiroro ọ ehaa nana. Kuhọ ẹkwoma ẹkiẹriwi ọ “Ọjọriẹ Ehaa Ekareghẹhọ” gbe edhesẹ ọ omaa ehaa Ekareghẹhọ obonẹ.
20 min: Eme Ọ rẹ Via k’Omai Okenọ Ma te Whu? Ọkpako o re lele iwhowho-uvie ivẹ hayo esa nọ i te ziezi t’ẹme kpahe aghare gbe eroruiruo ọ ibroshọ na. Ma riẹ kpahe ibroshọ nana ziezi evaọ okenọ ma ro wuhrẹ iẹ eva Uwuhrẹ Obe Ukoko na. Kọ ma be rehọ iẹ ruiruo ziezi evaọ usiuwoma ota? Utu na o rẹ ta kpahe eme enana: Fikieme ahwo buobu a je wo isiuru kpahe uzoẹme onana? Wo ohẹriẹ no iwuhrẹ ọ egagọ erue, didi ẹruore ibroshọ nana o ru vevẹ? Ẹvẹ ma sae rọ rehọ enọ nọ e rrọ uke obemu riẹ na rọ kpare isiuru? Uvẹ vẹ o riẹ nọ ma re ro fi ibroshọ nana họ ada? Ru odhesẹvia ẹkwoma ikereakere nọ e rrọ edhe-ẹme avọ 14 evaọ ẹwẹ-obe avọ 27 na. Tudu họ ahwo kpobi awọ re a jaja aro vi re a rehọ ibroshọ nana ruiruo ziezi.
Ole avọ 92 gbe olẹ ekuhọ.
Oka nọ O rọ March 29 Muhọ
Ole avọ 111
12 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ March. Ma ti ru ahwo vi Uwou-Eroro Na gbe Awake! evaọ April. Rehọ uvitha ọ emagazini ekpokpọ na rọ ghrẹ ahwo na, jiroro ọ izoẹme nọ a sai fiẹgba họ, jẹ fodẹ ugogo eme jọ nọ a rẹ rọ ta usiuwoma. O gwọlọ re ahwo kpobi a wha ibroshọ Gwọlọ na lele oma jẹ rehọ iẹ ruiruo ro muọ iwuhrẹ Ebaibol họ kugbe ahwo nọ a wo isiuru.
15 min: Ẹgwọlọ ukoko na.
18 min: Ẹvẹ U fo nọ Ma Kpahe Fihọ Ohrẹ nọ A k’Omai? Ẹme nọ ọkpako ọ rẹ ta. A rẹ sae k’omai kpobi ohrẹ kpahe uruemu, usu, hayo abọ owo evaọ iruo ukoko. Ẹsejọ ma rẹ gwọlọ se ohrẹ hayo dheva. Unevaze re a jẹ ohrẹ rehọ je fi ei họ iruo o rẹ sae j’oja kẹ ọriẹyero abọ-ẹzi mai. Kiẹ ekwakwa nọ e r’oja riwi nọ i fiẹgba họ oware nọ osoriẹ nọ ma jẹ jẹ ohrẹ rehọ je dhesẹ ovuhumuo kẹe.—Rri Uwou-Eroro Na ọrọ April 1, 1987 (ọrọ Oyibo), ẹwẹ-obe avọ 27-30.
Ole avọ 118 gbe olẹ ekuhọ.