Fiobọhọ k’Amọfa re A wo Erere no Ibroshọ Eme Ọ rẹ Via k’Omai Okenọ Ma te Whu? na Ze

U ti lehie he nọ ma ro wuhrẹ ibroshọ na Eme Ọ rẹ Via k’Omai Okenọ Ma te Whu? evaọ Uwuhrẹ Obe Ukoko na. Ma rọwo nọ ahwo kpobi a wo erere noi ze no.

Ibroshọ na u wo evuẹ nọ e rẹ sae wha erere se ahwo nọ ma nyaku evaọ odibọgba na. U lele esi ọ eria nọ uwuhrẹ ẹwẹ nọ o re whu hu na o no ze jẹ kiẹ epanọ ẹjiroro na o ro zihe ruọ ehri kẹ enwenọ egagọ akpọ na soso. Evaọ edhere isiuru u dhesẹ oware nọ Ebaibol na o ta kpahe ẹwẹ na, oware nọ ma je bi whu, uyero iwhuowhu na, ẹruore nọ ọ rrọ kẹ uzuazọ nọ ohwo o te whu no, gbe oware nọ u je fo re ma riẹ uzẹme na kpahe eme enana.

Iwoho nọ e riẹ i bu te ole 40, gbe eme amọfa nọ a wariẹ evaọ emuhọ abọ ọvuọvo, nọ a sae rọ kpare isiuru ahwo. A sae ta kpahe abọ urere na evaọ okenọ whọ tẹ gwọlọ ta kẹ ohwo re ọ rehọ obe uwuhrẹ Ebaibol. Ahwo buobu a wo obokparọ no evaọ eroruiruo ibroshọ nana evaọ odibọgba na. Ma tuduhọ ahwo kpobi awọ re a rehọ iẹ ruiruo evaọ uvẹ kpobi.