Iwhowhovia

◼ Ebe nọ a ti fihọ ada evaọ January: Obe ọ ewẹ-ebe 192 kpobi nọ a kporo taure 1986 o te ti te nọ ukoko na u wo evaọ azọhọ ₦40. Ikoko nọ i wo ebe itieye na ha a rẹ sai fiọ Life—How Did It Get Here? By Evolution or by Creation? họ ada hayo Whọ Sae Ria Bẹdẹ Bẹdẹ eva Aparadase ọ Otọakpọ (ọsese, ₦100; ologbo, ₦195). February: Edidi Evawere Uviuwou. March: Eriariẹ Nọ I Re Su Kpohọ Uzuazọ Ebẹdẹ Bẹdẹ. Ma rẹ daoma gaga re ma mu ebe uwuhrẹ Ebaibol họ. April: Efihọ-ada ọ emagazini ọ Uwou-Eroro Na gbe Awake! Ruẹrẹ ibroshọ Gwọlọ na fihọ kẹ ahwo nọ a wo isiuru, jẹ daoma muọ iwuhrẹ Ebaibol họ.

◼ Iwhowho-uvie kpobi nọ e họ-ame no nọ e nyaze Ewuhrẹ Odibọgba na evaọ oka ọ January 10 na, a te kẹ ae ekade ọ Advance Medical Directive/Release gbe Identity Card na rọkẹ emọ rai.

◼ Muhọ evaọ February, nọ u re lehie vrẹ March 5 ho, ovuẹ ogbotu okpokpọ kẹ esẹro okogho o te jọ “Uzedhe Amagẹdọn na—Fikieme? Okevẹ?”

◼ Ikoko i re ru ọruẹrẹfihotọ re a ru ehaa Ekareghẹhọ enukpe ọnana eva Edesa-Oka, April 19, nọ ọre o te kiediwi no. Dede nọ a sae kaki mu ẹme na họ ẹta, ẹwọ ebrẹdi gbe udi Ekareghẹhọ na u re muhọ họ bẹsenọ ọre o re kiediwi no. Wha nọ mi ahwo nọ a kẹle owhai re wha riẹ okenọ ọre o re ro kiediwi evaọ oria rai. Dede nọ o rọ oware isiuru re ukoko kpobi u ru ọvuọvuọ ehaa Ekareghẹhọ riẹ na, orọnikọ ẹsikpobi onana o rẹ lọhọ họ. Oria nọ ikoko buobu e jẹ be jọ Ọgwa Uvie ọvo ru iwuhrẹ, ukoko ovo hayo bu viere e rẹ sae gwọlọ oria ofa kẹ owọwọ oyena. Oria nọ o jọ lọhọ, ma jiroro nọ u re lehie te iminiti 40 re omaa ofa u te ti muhọ re uvẹ o jariẹ nọ a re ro yere erara, tuduhọ ahwo ọkpokpọ awọ, re wha je wo erere no ehaa na ze vọvọ. Wha re je roro kpahe ebẹbẹ imoto buobu nọ e rẹ jọ edhere gbe oria nọ a rẹ dhẹ imoto fihọ, kugbe ẹwọ ze gbe ẹwọ kpo ahwo. Ugboma ekpako na a rẹ j’iroro eruẹrẹfihotọ nọ e mai woma evaọ oborai.

◼ A te kẹ ovuẹ ogbotu obọdẹ rọkẹ ezi ọ Ekareghẹhọ 2000 na evaọ Ẹdoka, April 16. Uzoẹme ovuẹ na họ “Oware nọ Ohwo-Akpọ Ọ jẹ Gwọlọ Ẹtanigbo.” A ti vi omaa-ẹmeọta na ze. Ikoko nọ i wo iweze ọsẹro okogho, okokohọ okogho, hayo ẹdẹ okokohọ obọdẹ evaọ urere oka oyena, a rẹ kẹ ovuẹ obọdẹ na evaọ oka nọ u lele i rie. Uvumọ ukoko o rẹ kẹ ovuẹ obọdẹ na taure April 16, 2000, o te te he.