Iwhowhovia

◼ Ebe nọ a ti fihọ ada evaọ March: Eriariẹ Nọ I Re Su Kpohọ Uzuazọ Ebẹdẹ Bẹdẹ. Ma rẹ daoma gaga re ma muọ iwuhrẹ Ebaibol họ. April avọ May: Efihọ ada ọ Uwou-Eroro Na gbe Awake! Wo ibroshọ Gwọlọ na fihọ ẹkpa kẹ ahwo nọ a wo isiuru, jẹ daoma muọ iwuhrẹ Ebaibol họ. June: Eme Ọghẹnẹ Ọ Gwọlọ Mi Omai? Fiẹrohọ emuhọ iwuhrẹ Ebaibol.

◼ Iwhowho-uvie nọ e gwọlọ ru ọkobaro obufihọ evaọ April gbe May a rẹ jiroro na obọnana re a kaki fi obe họ. Onana u ti fiobọhọ kẹ ekpako na ru eruẹrẹfihotọ usiuwoma ota nọ i fo je wo emagazini gbe ebe efa fihọ obọ ziezi. A re whowho edẹ ahwo nọ a kuenu kẹ re a ru ọkobaro obufihọ rọkẹ ukoko na k’amara k’amara.

◼ Ukere Odibọgba Uvie Mai nana u wo omaa ewuhrẹ obe ọ Kezọ kẹ Eruẹaruẹ Daniẹl! na kpobi. Whọ rẹ sai fotokọpi riẹ je fi ei họ obe nọ a bi ti wuhrẹ na re o kẹle owhẹ obọ.

◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ March 1 hayo oke ofa nọ o kẹle riẹ. Whowho kẹ ukoko na nọ a te se iyẹrẹ epanọ igho e nya n’otha na no.

◼ A ti ru Ekareghẹhọ na evaọ Edesa-Oka, April 19, 2000. Otẹrọnọ iwuhrẹ rai i kie fihọ Edesa-Oka, a re go ai kpohọ ẹdẹ ọfa otẹrọnọ uvẹ o te jọ Ọgwa Uvie na. Onana o gbẹ lọhọ họ yọ u kpomahọ Ewuhrẹ Odibọgba rai, a rẹ sai fi abọ nọ e mai kpomahọ ukoko rai họ Ewuhrẹ Odibọgba ọfa.

◼ U fo re ahwo nọ a rọ ukoko na a vi ekparedẹ Uwou-Eroro Na avọ Awake! ekpokpọ gbe erọ anwae nọ a bi ru kpokpọ kpobi ẹkwoma ukoko na.

◼ Society o re vi ebe se omomọvo ho. Jọ ọsẹro ukoko na ọ m’omaa re a hai ru owhowhovia k’amara k’amara taure ukoko na u te ti vi ebe rai se Society re ahwo kpobi nọ a gwọlọ vi ebe kẹ oma rai a sai wo uvẹ rọ vuẹ oniọvo nọ ọ be sẹro ebe na. Iviena wha wo ebe nọ erọ ayare obọdẹ fihọ iroro.