Ọkiẹkpemu Isukulu Odibọgba Ọghẹnẹ
Obe ọkiẹkpemu ọrọ eme nọ a ru eva Isukulu Odibọgba Ọghẹnẹ evaọ eka ọ January 3 rite April 17, 2000. Rehọ ẹwẹ-obe ọfa kere iyo enọ na nọ whọ sae kẹ kpobi evaọ umutho oke nọ a kẹ na.
[Muẹrohọ: Evaọ etoke ọkiẹkpemu na, Ebaibol na ọvo whọ rẹ sai rri rọ kẹ iyo enọ kpobi. Ebe nọ a fodẹ nọ i lele enọ na e rọ kẹ ekiakiẹ omobọ ra. Inọmba ẹwẹ-obe gbe edhe-ẹme e sae te rehọ oma via evaọ idhesẹ Uwou-Eroro Na kpobi hi.]
Kẹ iyo enọ nọ e rọ obotọ na Uzẹme hayo Ọrue:
1. Ẹsejọ o rẹ gwọlọ nọ ma rẹ hẹrẹ re eghale Jihova i te omai obọ, keme Jihova ọ riẹ uyero mai yọ o re ru ẹgwọlọ kpobi gba evaọ okenọ o rẹ rọ wha uvi ewoma se omai. (Ol. 145:16; Jem. 1:17) [w98-E 1/1 ẹwẹ. 23 edhe. 6]
2. Etehe ọvo na nọ ọ jọ kugbe ai na ọvo o kẹ emọ Izrẹl imuẹro obokparọ họ. Eghale Jihova e roma hwa edikihẹ abọ-ẹzi gbe ẹmeoyo ẹrọwọ enọ i wo etehe na. (Jos., uzou avọ 7) [Isase Ebaibol ẹkpoka; rri it-1-E ẹwẹ. 167 edhe. 2.]
3. Edhere nọ ma be rọ ko oma mai nẹnẹ evaọ abọ-ẹzi họ isase ọ eme Jihova gheghe. (Izie. 8:3) [Isase Ebaibol ẹkpoka; rri w85-E 6/15 ẹwẹ. 17 edhe . 15, 17.]
4. Ehri-uzi nọ a jọ Uzi Mosis fiẹgbahọ evaọ Iziewariẹ 23:20 na u dhesẹ nọ o kare uyoyou re Oleleikristi o mi isuo evaọ okenọ o te bi momo ugho kẹ ohwo. [Isase Ebaibol ẹkpoka; rri it-1-E ẹwẹ. 1212 edhe. 5; it-2-E ẹwẹ. 259 edhe. 11; w86-E 10/15 ẹwẹ. 12 edhe. 9.]
5. Iyẹrẹ udufihọ nọ Joshua avọ Kaleb a nẹ na o jọ fiki orọwọ ogaga rai kpahe ẹgba gbe ọtamuo emọ Izrẹl nọ a rẹ rọ kparobọ vi ezadhe kpobi nọ e rẹ jọ obrudhe kẹ ẹrehọ Ẹkwotọ Eyaa na. (Ik. 13:30) [w98-E 2/1 ẹwẹ. 5 edhe. 4]
6. Pọl ọ jẹ rọ “okẹ” nọ ọ jọ 1 Timoti fodẹ na rọ kareghẹhọ Timoti kpahe ẹzi ọfuafo nọ a ro wholo iei gbe osohwa obọ odhiwu nọ o be hẹrẹ iẹe. (1 Tim. 4:14) [w98-E 2/15 ẹwẹ. 25 edhe. 1]
7. Obe ọ Joshua u wo uvumọ ọjẹhọ kugbe ikere nọ i su kpohọ eyẹ Ubi Uvie na ha. [si-E ẹwẹ. 46 edhe. 24]
8. Obe Ibruoziẹ na yọ okerefihotọ ọrọ ezae nọ ahwo Izrẹl a salọ je wholo re a su orẹwho na taure oke ivie na u te te. [si-E ẹwẹ. 46 edhe. 2]
9. Ayare Gidiọn, onọ a kere fihọ Ibruoziẹ 6:37-39 na, u dhesẹ nọ ọ jẹ yọrọ oma je viẹro vrẹta. [Isase Ebaibol ẹkpoka; rri w88-E 4/1 ẹwẹ. 30 edhe. 6.]
10. Ẹkwoma uzi nọ o jie kẹ ilele riẹ inọ ‘a yere ohwo ọvo evaọ edhere he’ na, Jesu o je dhesẹ epanọ iruo usiuwoma ota na o kpata te gbe ẹgwọlọ nọ a rẹ rọ rẹriẹ ovao kpobi dhe obọdẹ iruo nana. (Luk 10:4) [w98-E 3/1 ẹwẹ. 30 edhe. 5]
Kẹ iyo enọ nọ e rrọ obotọ na:
11. Fikieme u je wuzou gaga re ẹme Jihova ọ jọ idu esẹ gbe ini? (Izie. 6:5, 6) [Isase Ebaibol ẹkpoka; rri w98-E 6/1 ẹwẹ. 20 edhe. 4.]
12. Ẹvẹ ọnọ o w’uzou uviuwou ọ sai ro fi ehri-uzi nọ o rrọ Iziewariẹ 11:18, 19 na h’iruo? [Isase Ebaibol ẹkpoka; rri fy-IS ẹwẹ. 70 edhe. 14.]
13. Didi imuẹro Ikereakere e riẹ inọ Onesimọs ọrigbo nọ ọ dhẹ na ọ jọ kugbe Pọl ukọ na omoke jọ taure Pọl o te ti kere se Filimọn? [w98-E 1/15 ẹwẹ. 30 edhe. 2]
14. Ma tẹ ruẹ oziẹbro-okienyẹ hayo nọ u te t’omai oma, eme ma re ru re ma whaha uruemu ọkora hayo orọ ababọ ẹruore? [w98-E 2/1 ẹwẹ. 6 idhe. 2-3]
15. Ẹvẹ Joshua avọ Gidiọn a ro dhesẹ uvi adhẹẹ okpehru kẹ uzi Ọghẹnẹ? (Izie. 20:8, 15-18) [si-E ẹwẹ. 41 edhe. 32]
16. Ẹvẹ eware nọ a dhesẹ eva Joshua 10:10-14 na i ro tho eware nọ ma rẹ sai rẹro rai eva Amagẹdọn? [Isase Ebaibol ẹkpoka; rri w86-E 12/15 ẹwẹ. 23 edhe. 12–ẹwẹ. 24 edhe. 14.]
17. Fodẹ irere esa nọ uvi ujiro rọkẹ emamọ uruemu o rẹ wha ze. (Wawo Itẹ 15:23.) [w98-E 2/1 ẹwẹ. 31 idhe. 5-6]
18. Rọwo kugbe Joshua 20:4, ẹvẹ ohwo ọ rẹ rọ dhẹ kpohọ orẹwho adhẹzọ ẹwoho na? [Isase Ebaibol ẹkpoka; rri w86-E 12/15 ẹwẹ. 24 edhe. 16.]
19. Ẹvẹ Ibruoziẹ 5:31 u ro dhesẹ nọ obokparọ Berak Obroziẹ na vi egbaẹmo egaga ọ Sisera evaọ ukiekpotọ Kishọn na u wo obọdẹ otofa kẹ edẹ mai na? [Isase Ebaibol ẹkpoka; rri w86-E 2/15 ẹwẹ. 21 edhe. 4.]
20. Ẹvẹ ma re ro dhesẹ adhẹẹ kẹ ehri-uzi nọ o rrọ emu ẹme na “ai kpobi ọvuọ oria riẹ a te dikihẹ,” wọhọ epanọ a kere fihọ Ibruoziẹ 7:21 na? [Isase Ebaibol ẹkpoka; rri w82-E 6/1 ẹwẹ. 25 edhe. 17.]
Fodẹ ẹme hayo eme nọ a gwọlọ re ihie-eme ovuovo obotọ na e tẹ gb’unu:
21. Re ma ruẹ eghale Jihova viere, ma rẹ ruabọhọ __________________________ jẹ lẹ Jihova re o fiobọhọ k’omai __________________________ iwuhrẹ nọ e rrọ Ẹme riẹ nọ ọ kẹ ẹgba na. (1 Tim. 4:8, 9) [w98-E 1/1 ẹwẹ 24 edhe. 6]
22. Ugbejiri o rẹ dha Jihova eva keme oware nọ o be whae ze họ __________________________ , o kare __________________________ hayo __________________________ , yọ maero, o __________________________ . [w98-E 2/1 ẹwẹ 30 idhe. 2-3]
23. Otofa odẹ na Joshua họ “ __________________________ ,” yọ o dikihẹ ẹta ọ __________________________ evaọ abọ eruẹaruẹ. [si-E ẹwẹ 42 edhe. 5]
24. Rọwo kugbe ọtadhesẹ Jesu eva Matiu 7:24-27, esẹ gbe ini areghẹ a rẹ sai fiobọhọ kẹ emọ rai thihakọ eyawọ egaga ẹkwoma __________________________ nọ a rẹ kẹ ae nọ u re fiobọhọ kẹ ae dikihẹ __________________________ . [w98-E 2/15 ẹwẹ 9 edhe. 1]
25. Okerefihotọ ikuigbe nọ e rrọ obe Ibruoziẹ na e rehọ no oke uwhu __________________________ rite oke __________________________ , nọ o rehọ ole ikpe __________________________ . [si-E ẹwẹ 47 edhe. 5]
Salọ uyo ogbagba evaọ uhie-eme ovuovo nọ e rọ obotọ na:
26. Owọ nọ a rẹ jẹ evaọ ọruẹrẹfihotọ kẹ ẹghale uku ohwo fiki ọ ariẹse uwhu hu yọ (ẹme ọ ukoko; ẹme obọ ohwo; ute kẹ Ileleikristi uzẹme). (Gal. 6:5) [w98-E 1/15 ẹwẹ 19 edhe. 6]
27. Pọl ọ tuduhọ Filimọn awọ re o dede (Onam; Onesiforọs; Onesimọs) rehọ ziezi dedena ọ rehọ udu ọ ọkwa-ukọ gbae họ nọ o ru ere hayo ru ọrigbo riẹ ọmuyẹ hẹ. (Fili. 21) [w98-E 1/15 ẹwẹ 31 edhe. 1]
28. Oruthọ ologbo jọ nọ a dhesẹ via evaọ ikuigbe emoti nọ Jesu o siwi na họ (ababọ ẹrọwọ; aghẹmeoyo; ababọ uyere) rai. (Luk 17:11-19) [w98-E 2/15 ẹwẹ 5 edhe. 1]
29. Nọ orọnọ Ọghẹnẹ ọ jẹ edhere Rehab rehọ na, eme riẹ rọkẹ ezae Jẹriko nọ i je le ekiotọ emọ Izrẹl na i dhesẹ nọ (ọrueta yọ ẹdhọ obọ ohwo; o gba ohwo họ họ re o rovie ovuẹ uzẹme kẹ enọ i fo nọ a re yoi hi; oke oyena yọ o ri nwene no idhere akpọ riẹ kpobi hi). (Jos. 2:3-5; wawo Ahwo Rom 14:4.) [Isase Ebaibol ẹkpoka; rri w93-E 12/15 ẹwẹ 25 edhe. 1.]
30. Wọhọ epanọ a kere eva Jọn 13:5, oware nọ Jesu ọ be jọ etenẹ wuhrẹ na họ (ẹwo; ohrọ; omarokpotọ), onọ o rẹ wọ ohwo ruiruo nọ e mai kpotọ kpobi kẹ amọfa. [w98-E 3/15 ẹwẹ 7 edhe. 6]
Salọ ikereakere nọ i kiehọ ihie-eme obotọ na:
Izie. 7:3, 4; 17:7; 25:11, 12; 28:3; Jeri. 15:20
31. Aghare okpehru nọ Ọnọma na o wo kẹ oma-eyẹ na u re kpomahọ ẹjiroro Oleleikristi evaọ omaa kpahe emọyẹ. [Isase Ebaibol ẹkpoka; rri w99-E 6/15 ẹwẹ 28 idhe. 1-4.]
32. Ma rẹ sai fievahọ uketha Jihova nọ ma be nya uwou nọ a vi omai orọ ewhowho emamọ usi Uvie Ọghẹnẹ gba na. [w98-E 3/1 ẹwẹ 28 edhe. 1]
33. Ẹmeoyo rọkẹ unuovẹvẹ Ebaibol na o rẹ thọ omai no iyẹrẹ edada nọ i re noi ze otẹrọnọ Oleleikristi ọ rọo ohwo nọ ọ rrọ ukoko na ha. [Isase Ebaibol ẹkpoka; rri w89-E 11/1 ẹwẹ 20 edhe. 11.]
34. Ewo eghale Ọghẹnẹ o roma hwa oria nọ ma be rria hayo jọ gọ hayo oghẹrẹ iruo nọ ma be jọ egagọ Ọghẹnẹ ru hu. [Isase Ebaibol ẹkpoka; rri w96-IS 7/1 ẹwẹ 6 edhe. 15.]
35. Wọhọ udu rọkẹ uthubro riẹ evaọ 1 Ahwo Kọrint uzou avọ 5 kpahe esino ukoko na, Pọl ọ wariẹ ẹme Uzi Jihova. [Isase Ebaibol ẹkpoka; rri si-E ẹwẹ 213 edhe. 24.]