Iwhowhovia

◼ Ebe nọ a ti fihọ ada evaọ January: Obe ewẹ-obe 192 kpobi nọ a kporo taure 1986 u te ti te nọ ukoko na u wo. February: Obe ewẹ-obe 192 kpobi nọ u lehie no nọ ukoko na u wo. March: Eriariẹ Nọ I Re Su Kpohọ Uzuazọ Ebẹdẹ Bẹdẹ. Ma te daoma gaga re ma mu iwuhrẹ Ebaibol họ. April: Emagazini ọ Uwou-Eroro gbe Awake! na. Oria nọ a jo duku isiuru evaọ ozihebro, a rẹ sae kẹ ọkparedẹ emagazini na. Fi obe Eriariẹ na hayo ibroshọ Gwọlọ na họ ada, avọ irẹro emuhọ iwuhrẹ Ebaibol.

◼ Society ọ gwọlọ ewena nọ i te, esọviọ, gbe ahwo nọ a riẹ kpahe ebabọ. Ohwo kpobi nọ o roro nọ o te yọ ọ gwọlọ ruiruo eva Ebẹtẹle, jọ o kere se Society. Enọ i bi kere ze a rẹ jọ ahwo nọ a te rọo ho hayo enọ e rọo no ababọ emọ nọ a be rẹrote, yọ a re wo uvẹ nọ a rẹ rọ jẹ uzizie kpohọ Ebẹtẹle rehọ. Enọ i wo uvẹ nọ a rẹ rọ jẹ uzizie kpohọ iruo Ebẹtẹle rehọ họ rekọ a w’unevaze re a fialoma via wọhọ ahwo unevaze ubroke jọ a kere ere se Society.

◼ Iviena muẹrohọ nọ ehaa Ekareghẹhọ ọrọ ukpe 2002 o te jọ Edene-Oka, March 28, okenọ ọre o te kiedi no orọnikọ evaọ Edisoi-oka, March 22 hẹ, wọhọ epanọ a dhesẹ evaọ obọ oka 2001 Calendar na. A kẹ ọjọriẹ ẹruoke ọnana re inievo na e sae yare hayo ru ọtamuo kẹ iwou nọ i wo uvẹ otẹrọnọ ikoko buobu e be jọ Ọgwa Uvie ọvo ru iwuhrẹ yọ u fo re a gwọlọ eria efa. Ekpako na a re ru ọtamuo kugbe enọ i wuzou iwou na a vẹ ruẹ nọ awhaha ọvuọvo o ti no eware efa nọ a rẹ jọ uwou na ru ze he re Ekareghẹhọ na e sae nya dhedhẹ kpatiẹ. Fiki epanọ ehaa na i wuzou te, nọ a tẹ be salọ ọnọ ọ te t’ẹme Ekareghẹhọ na, ugboma ekpako na a rẹ jọ usu ekpako nọ e mai te ziezi salọ omọvo jọ viukpenọ a rẹ hai ghoro iei no ohwo ro ohwo hayo viukpenọ omọvo jọ ọvo ọ rẹ hae t’ẹme na k’ukpe k’ukpe. Ohẹriẹ o sae jariẹ otẹrọnọ ọkpako nọ o te ziezi evaọ usu enọ a wholo na ọ riẹ nọ ọ rẹ sae kẹ ẹme na.

◼ Muhọ no oka February 5, 2001 vrẹ, ma ti wuhrẹ obe na Ọzae nọ Ọ Mae Rro nọ Ọ Rria No evaọ Uwuhrẹ Obe Ukoko. Ukere Odibọgba Uvie Mai ọnana o wo omaa uwuhrẹ na kpobi. Whọ sai fotokọpi riẹ, who ve fi ei họ evaọ obe ra re whọ sae rehọ iẹe ro ruiruo okekpobi. A kẹ ọkpọvio kpahe epanọ a re ro wuhrẹ ẹme-emuhọ obe na evaọ edhẹ-ẹme avọ 5 orọ uzoẹme na “Studying The Greatest Man Who Ever Lived” evaọ ẹwẹ-obe avọ 2 orọ Odibọgba Uvie Mai (ọrọ Oyibo) ọrọ December 1992.

◼ Iwhowho-uvie kpobi nọ e họ-ame no nọ e nyaze Ewuhrẹ Odibọgba ọrọ oka ọ January 8 na, a te kẹ ae ekade ọ Advance Medical Directive/Release gbe Identity Card na rọkẹ emọ rai.

◼ Muhọ evaọ February, nọ u re lehie vrẹ March 4 he, ovuẹ ogbotu okpokpọ kẹ esẹro okogho o te jọ “Ẹdẹ Ẹdhoguo—Yọ Oke Ozọ Manikọ Ẹruore?”