Iwhowhovia
◼ Ebe nọ a ti fihọ ada evaọ April gbe May: Emagazini ọ Uwou-Eroro gbe Awake! na. Oria nọ a jo duku isiuru evaọ ozihebro, a rẹ sae kẹ ọkparedẹ emagazini na. Fi obe Eriariẹ na hayo ibroshọ Gwọlọ na họ ada, avọ irẹro emuhọ iwuhrẹ Ebaibol. June: Eme Ọghẹnẹ Ọ Gwọlọ Mi Omai? hayo Eriariẹ Nọ I Re Su Kpohọ Uzuazọ Ebẹdẹ Bẹdẹ. Tẹrovi emuhọ iwuhrẹ Ebaibol. July: A rẹ sai fi ibroshọ ewẹ-obe 32 enana jọ họ ada: Egọmeti Nọ Ọ te Rehọ Aparadase Tha, Eme Họ Ẹjiroro Uzuazọ—Ẹvẹ Whọ Sai Ro Duku Ei? Eme Ọ rẹ Via k’Omai Okenọ Ma te Whu?, Kọ Ọghẹnẹ Ọ Be Ghinẹ Daezọ Mai?, Okenọ Ohwo nọ Who You O te whu, Reawere Uzuazọ Otọakpọ Bẹdẹ Bẹdẹ!, gbe The Divine Name That Will Endure Forever. Oria nọ u je fo a rẹ sai fi ibroshọ enana họ ada: A Book for All People, Izi Ahwo nọ Ahwuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ?, Our Problems—Who Will Help Us Solve Them?, Will There Ever Be a World Without War?, gbe Whọ Rẹ Sae Jọ Ogbẹnyusu Ọghẹnẹ!
◼ U fo re Society o wo okerefihotọ ọgbagba ọrọ adrẹse gbe inọmba ifonu esẹro ukoko gbe ikere-obe kpobi. Otẹrọnọ enwene ọ riẹ, okere-obe na o re kere je vi efọmo Presiding Overseer/Secretary Change of Address (S-29) se Society ababọ oke oraha. Onana u kugbe inwene kpobi evaọ inọmba ifonu re.
◼ Ikere-obe ukoko a re wo efọmo Application for Regular Pioneer Service (S-205) gbe Application for Auxiliary Pioneer Service (S-205b) buobu evaọ obọ. A rẹ sae yare kẹ enana evaọ Literature Request Form na (S-14). Daoma wo enọ i re te ro ruiruo evaọ ukpe ovo. Kiẹ efọmo ekobaro oke-kpobi riwi re u mu owhẹ ẹro nọ a kere i rai gba. Otẹrọnọ ahwo jọ a gbẹ kareghẹhọ uzedhe ẹdẹ ame-ọhọ rai hi, a re roro ideti jọ nọ o mai kẹle iẹe a ve je kere iei fihotọ.
◼ U fo re ahwo nọ a rọ ukoko na a vi ekparedẹ Uwou-Eroro Na avọ Awake! ekpokpọ gbe erọ anwae nọ a bi ru kpokpọ kpobi ẹkwoma ukoko na.
◼ Society o re vi ebe se omomọvo ho. Jọ ọsẹro ukoko na ọ m’omaa re a hai ru owhowhovia k’amara k’amara taure ukoko na u te ti vi ayare ebe rai se Society re ahwo kpobi nọ a gwọlọ vi ebe kẹ oma rai a sai wo uvẹ rọ vuẹ oniọvo nọ ọ be sẹro ebe na. Iviena wha muẹrohọ ebe nọ e rrọ erọ ayare obọdẹ.
◼ Evaọ May 26, 2001, a ti rovie Ebẹtẹle he. Iviena whọ nya ziọ ughe hayo ebe erehọ evaọ ẹdẹ ọnana ha.
◼ Oke kpobi nọ whọ tẹ gwọlọ kpohọ erẹ k’omobọ ra nọ u kugbe ekpohọ iwuhrẹ ukoko, okokohọ okogho, hayo okokohọ ubrotọ evaọ ẹkwotọ ọfa, ayare ra kẹ evuẹ kpahe ẹdẹ, oke, gbe oria na who re vi ei bru uwou-ogha nọ o be rẹrote iruo evaọ ẹkwotọ ọyena. Adrẹse iwou-ogha e rọ ẹwẹ-obe urere ọrọ Yearbook ọkpokpọ na.