Nyate Udu Ọmọ-Uwuhrẹ Ra
1 Taure o te ti tovrẹ kpohọ obọ odhiwu, Jesu ọ ta kẹ ilele riẹ nọ a wuhrẹ amọfa re a “ru” eware kpobi nọ o j’uzi rai. (Mat. 28:19, 20) Otẹrọnọ ohwo o re “ru” ijaje Kristi, o gwọlọ nọ evuẹ na i re te udu riẹ. (Ol. 119:112) Ẹvẹ whọ sae rọ nyate udu ọ ohwo nọ who bi wuhrẹ Ebaibol na?
2 Lẹ kẹ Ọkpọvio Jihova: Ilele-iruo yọ iruo Ọghẹnẹ. Oghale riẹ oye o r’oja kẹ obokparọ, orọnikọ ẹgba mai hi. (Iruẹru 16:14; 1 Kọr. 3:7) Fikiere, ẹlẹ rọkẹ obufihọ Jihova evaọ uzẹme na nọ a re ro wuhrẹ amọfa o r’oja.—Aiz. 50:4.
3 Riẹ Oware nọ Ọmọ-Uwuhrẹ na Ọ Rọwo: Ẹriẹ oware nọ ahwo a rọwo gbe oware nọ a jẹ rọwo iẹe o sae kẹ omai orimuo kpahe oware nọ ma te ta ro duobọte udu rai. Fikieme ọmọ-uwuhrẹ o je wo isiuru kpahe ugogo ewuhrẹ jọ? Eme ọ kẹ riẹ imuẹro inọ a rẹ sae rọwo iẹe? Eriariẹ itieye na e sai fiobọhọ k’omai t’ẹme avọ orimuo.—Iruẹru 17:22, 23.
4 Ta Eme Iroro-Egbagba, no Ikereakere na Ze: O gwọlọ nọ uzẹme na u re wo iroro kẹ ọmọ-uwuhrẹ na. (Iruẹru 17:24-31) Ma rẹ kẹ iroro egbagba kpahe ẹruore mai. (1 Pita 3:15) Rekọ, ru ere evaọ edhere ẹwo, gbe odiri ẹsikpobi.
5 Rehọ Etadhesẹ Fiẹgbahọ Ewuhrẹ Ra: Orọnikọ etadhesẹ i re ru ei lọhọ kẹ ọmọ-uwuhrẹ na re o wo otoriẹ ọvo ho rekọ e rẹ jẹ kpare ọwhọ-eva. I re kpomahọ iroro na gbe udu na. Jesu ọ rehọ e rai ruiruo ẹsibuobu. (Mak 4:33, 34) Dede na, re u w’iruo, ọtadhesẹ na o re kiehọ ẹme nọ a be ta na, yọ o re kpomahọ uzuazọ ọmọ-uwuhrẹ na.
6 Dhesẹ Irere Ẹjẹrehọ Uzẹme Na: Ahwo a rẹ gwọlọ riẹ irere efihiruo oware nọ a bi wuhrẹ. Fiobọhọ kẹ ọmọ-uwuhrẹ ra re ọ ruẹ areghẹ eme Pọl nọ e rọ 2 Timoti 3:14-17 na.
7 Oma o rọ owhẹ hẹ otẹrọnọ ejọ a j’owọ kẹ ewuhrẹ ra ha. Orọnikọ idu kpobi họ erọ ẹmeoyo ho. (Mat. 13:15) Ghele na, ahwo jọ a re zihe ro enọ e rọwo. (Iruẹru 17:32-34) Jọ omodawọ ra re whọ rọ emamọ usi na nyate idu ahwo u fiobọhọ kẹ ibuobu viere re a jẹrehọ je “ru” eware nọ Jesu o j’uzi rai.