Ọkiẹkpemu Isukulu Odibọgba Ọghẹnẹ

Obe ọkiẹkpemu ọrọ eme nọ a ru eva Isukulu Odibọgba Ọghẹnẹ evaọ eka ọ September 3 rite December 24, 2001. Rehọ ẹwẹ-obe ọfa kere iyo enọ na nọ whọ sae kẹ kpobi evaọ umuo oke nọ a kẹ na.

[Muẹrohọ: Evaọ etoke ọkiẹkpemu na, Ebaibol na ọvo whọ rẹ sai rri rọ kẹ iyo onọ kpobi. Ebe nọ a fodẹ nọ i lele enọ na e rrọ kẹ ekiakiẹ omobọ ra. Inọmba ẹwẹ-obe gbe edhe-ẹme e sae te rehọ oma via evaọ idhesẹ Uwou-Eroro Na kpobi hi.]

Kẹ iyo enọ nọ e rrọ obotọ na Uzẹme hayo Ọrue:

1. Eva Olezi 51:5, Devidi o bi dhesẹ nnọ owezẹ evaọ orọo, udihọ, gbe eyẹ yọ uzioraha, hayo ọ jẹ fodẹ ugogo uzioraha oni riẹ jọ. [Isase Ebaibol ọ ẹkpoka; rri w86-E 10/15 ẹwẹ. 29 edhe. 8.]

2. Olezi 58:4 o ta gba nnọ obi o wo ‘ezọ’ nọ o re ro yoẹme he keme o diezọ. [Isase Ebaibol ọ ẹkpoka; rri Rbi8 (NW ) ẹwẹ. 1583.]

3. “Ogbaẹmo ulogbo” eyae nọ a fodẹ eva Olezi 68:11 (NW ) na yọ erigbo eyae erara nọ ezae Izrẹl a siobọno evaọ okenọ a je fi erẹwho ewegrẹ kparobọ. [Isase Ebaibol ọ ẹkpoka; rri w86-E 10/15 ẹwẹ. 30 edhe. 6.]

4. “Ikọ-odhiwu” nọ a fodẹ evaọ Olezi 78:25 na u dhesẹ nnọ enjẹle Jihova ọ jẹ rọ rehọ emana na kẹ ahwo na. [Isase Ebaibol ọ ẹkpoka; rri w99-E 8/15 ẹwẹ. 25 edhe. 4.]

5. Eme ọ Pọl na inọ “who ru re ohwo ọvo o ri owhẹ ọmaha ha” i dhesẹ nọ Timoti ọ jọ ọmaha gheghe hayo ọ vrẹ ikpe 20 obọ. (1 Tim. 4:12) [w99-E 9/15 ẹwẹ. 29 edhe. 1-3; ẹwẹ. 31 edhe. 2]

6. Wọhọ epanọ a kere fihọ Olezi 110:1 (NW ), ẹme na “Olori mẹ” o dikihẹ kẹ Jesu. [Isase Ebaibol ọ ẹkpoka; rri w94-E 6/1 ẹwẹ. 28 edhe. 5.]

7. Evaọ obe Ilezi evaọ New World Translation, odẹ na Jihova o romavia oware wọhọ asia 700, yọ orukpẹre riẹ “Jah,” o romavia asia 43, fikiere nọ a te ku ai kpobi kugbe, jẹ ghale iẹe, a jọ Olezi ọvuọvo fodẹ odẹ Ọghẹnẹ na oware wọhọ asia 5. [si-E ẹwẹ. 104 edhe. 23]

8. A se Olezi avọ 120 rite 134 inọ ile “ẹgadiẹ-kpehru” ẹsejọhọ fikinọ emọ Izrẹl e jẹ so ae evaọ okenọ a jẹ gadiẹ kpohọ orẹwho ukpehru ọ Jerusalẹm nyai ru ehaa esa ẹgbukpe rai. (Ol. 122:1) [Isase Ebaibol ọ ẹkpoka; rri w87-E 3/15 ẹwẹ. 24 edhe. 9.]

9. Evaọ uzẹme, uwuhrẹ obe Itẹ na yọ uwuhrẹ areghẹ obọ Solomọn. [si-E ẹwẹ. 106 edhe. 1]

10. Ohrẹ Ebaibol re a whaha ‘eyou enuawere,’ onọ o rọ Itẹ 21:17 na, u dhesẹ nọ o thọ re a re omawere fikinọ u re mi oke eware nọ e mai wuzou. [Isase Ebaibol ọ ẹkpoka; rri w97-E 10/1 ẹwẹ. 27 edhe. 7.]

Kẹ iyo enọ nọ e rrọ obotọ na:

11. Eme ọwhọkuo ọlọlọhọ nọ Jesu ọ kẹ Mata na o dhesẹ via? (Luk 10:40, 41) [w99-E 9/1 ẹwẹ. 30 edhe. 7]

12. Oghẹrẹ “oruaro” vẹ Jihova ọ rehọ ọso-ilezi na kpohọ? (Ol. 73:24) [Isase Ebaibol ọ ẹkpoka; rri w86-E 12/15 ẹwẹ. 28 edhe. 3.]

13. Didi eriwo kpahe uvẹ-ọghọ egagọ ọso-ilezi na o dhesẹ via eva Olezi 84:1-3? [Isase Ebaibol ọ ẹkpoka; rri w97-E 3/15 ẹwẹ. 8 edhe. 5-7.]

14. Ẹvẹ Jihova ọ rọ rrọ “Ovie ologbo nọ o vi edhọ kpobi”? (Ol. 95:3) [Isase Ebaibol ọ ẹkpoka; rri w86-E 12/15 ẹwẹ.29 edhe. 5.]

15. Nọ orọnọ Ileleikristi ọsosuọ a rọwo Esuo Odu-Ikpe Jesu wọhọ epanọ a fodẹ evaọ obe Eviavia na, didi ikpomahọ i su kpohọ ẹsiọ nọ Ileleikristi ikọ-erue a se ewuhrẹ Ọghẹnẹ ọnana? [w99-IS 12/1 ẹwẹ. 6 edhe. 3–​ẹwẹ. 7 edhe. 5]

16. Umuo vẹ Ileleikristi i re dhesẹ ‘isiuru omobọ ohwo’ kẹ amọfa te? (Fil. 2:4) [w99-E 12/1 ẹwẹ. 29 edhe. 1]

17. Didi oware a rehọ ẹme nọ a ta evaọ Olezi 128:3 inọ emọ e “wọhọ egha ure olivi” nọ e be dhẹ wariẹ emẹjẹ ọzae họ na ro dhesẹ? [Isase Ebaibol ọ ẹkpoka; rri w00-E 8/15 ẹwẹ. 30 edhe. 4.]

18. Otẹrọnọ ma vuhumu nọ iruo Ọghẹnẹ e vọ avọ idudu, ẹvẹ u re kpomahọ omai? (Ol. 139:14) [Isase Ebaibol ọ ẹkpoka; rri w93-E 10/1 ẹwẹ. 15 edhe. 18.]

19. Fikieme Itẹ 5:3, 4 o rọ ta kpahe iyẹrẹ ọfariẹ-ogbe inọ “o yare vi ure ọkrọta” jẹ “da vi ọgbọdọ akọ-ava”? [Isase Ebaibol ọ ẹkpoka; rri w00-E 7/15 ẹwẹ. 29 edhe. 2.]

20. Rọwokugbe Itẹ 14:29, ẹvẹ orimuo ọ sai ro fiobọhọ k’omai whaha iyẹrẹ ababọ-odiri gbe ofu ọkpoo? [Isase Ebaibol ọ ẹkpoka; rri w97-IS 4/1 ẹwẹ. 5 edhe. 7-8.]

Fodẹ ẹme hayo eme nọ a gwọlọ re ihie-eme ọvuọvo obotọ na e tẹ gb’unu:

21. Olezi 72:16 ọ riobọhọ ivuẹvu ibuobu oghẹrẹsa evaọ etoke esuo _________________________ na; o te je dhesẹ nnọ enọ e te jọ otọ Jesu evaọ _________________________ a te ghinẹ jọ buobu gaga. [Isase Ebaibol ọ ẹkpoka; rri w86-E 10/15 ẹwẹ. 30 edhe. 8.]

22. Obe Itẹ na u wo ẹjiroro akuava—re o kẹ _________________________ gbe _________________________ . (Itẹ 1:1-4) [w99-E 9/15 ẹwẹ. 13 edhe. 1]

23. ‘Oria idhere ọ Oride na’ yọ oria _________________________ rọkẹ ahwo nọ a rọ abọ Ọghẹnẹ evaọ ẹme _________________________ na; o rọ ‘idhere,’ hayo onọ a riẹ kpahe he, kẹ ahwo nọ a _________________________ . (Ol. 91:1) [Isase Ebaibol ọ ẹkpoka; rri w86-E 12/15 ẹwẹ. 29 edhe. 6.]

24. ‘Iruẹru Jihova kpobi nọ e rẹ thọrọ omai ẹro ho,’ u w’obọ kugbe _________________________ kpahe ‘iruẹru riẹ,’ iruẹru uyoyou-ẹwo riẹ wọhọ epanọ a dhesẹ evaọ Olezi avọ 103 na. (Ol. 103:2) [Isase Ebaibol ọ ẹkpoka; rri w99-E 5/15 ẹwẹ. 21 edhe. 5-6.]

25. Itẹ yọ ẹme ọkpẹkpẹe nọ ọ rẹ rehọ _________________________ ruiruo yọ a rẹ tae ro _________________________ . [si-E ẹwẹ. 107 edhe. 6]

Salọ uyo ogbagba evaọ uhie-eme ọvuọvo nọ e rrọ obotọ na:

26. Dede nọ o wo ẹjiroro nọ o re ro muofu fiki uye nọ ọ ruẹ evaọ obọ Sọl, Devidi o kru oma riẹ fikinọ (ọ riẹ nọ Sọl ọ gba ha gbe nọ idibo Ọghẹnẹ e rẹ rọ vrẹ; ọ kareghẹhọ usu riẹ kugbe Jihova ziezi; ọ riẹ nọ o thọ re a gu amọfa ẹdhọ). (1 Sam. 24:6, 15) [w99-E 8/15 ẹwẹ. 8 edhe. 7]

27. (Areghẹ; Ọkpọvio; Ẹrẹreokie) yọ ọgbakugbe ekwakwa buobu, te otoriẹ, orimuo, ona, gbe ẹgba iroro; (ewoma; otoriẹ; emamọ iroro) họ ẹgba nọ a rẹ rọ ruẹ ẹme lafi jẹ ruẹ uzou riẹ ẹkwoma evuhumu abọ riẹ gbe oma riẹ kpobi, rọ ere riẹ otọ riẹ. (Itẹ 1:1-4) [w99-E 9/15 ẹwẹ. 13 edhe. 2]

28. Ẹgba Josẹf nọ ọ rọ whaha owojẹ ọfariẹ-ogbe aye Pọtifa u no (eriariẹ riẹ erọ Uzi Mosis ze, onọ o ghọ igberẹ-ibro; adhẹẹ odidi rọkẹ ọkwa ologbo ọzae riẹ ze; usu riẹ kugbe Jihova nọ o rri ghaghae ze). (Emu. 39:7-9) [w99-E 10/1 ẹwẹ. 29 edhe. 3]

29. U re vevẹ nọ okere ọ Olezi avọ 119 na o wo ovuhumuo odidi kẹ (ẹme, hayo uzi Ọghẹnẹ; okẹ uzuazọ; ẹruore esiwo), onọ a fodẹ evaọ enwenọ awọ olezi na kpobi. [Isase Ebaibol ọ ẹkpoka; rri w99-IS 11/1 ẹwẹ. 22 edhe. 5; w87-E 3/15 ẹwẹ. 24 edhe. 2.]

30. Evaọ izou ivẹ ọsosuọ erọ ileta Pọl ro se (Ahwo Rom; Ahwo Galesha; Ahwo Hibru) na, ma ruẹ eme buobu nọ a wariẹ no Ilezi na ze rọ kpahe (ọkwa okpehru; ame-ọhọ; odibọgba otọakpọ) Jesu Kristi. [si-E ẹwẹ. 105 edhe. 28]

Salọ ikereakere nọ i kiehọ ihie-eme obotọ na:

Ol. 41:3; Itẹ 2:19; 14:15; 18:17; Hib. 13:18

31. Otẹrọnọ ọjọ ọ be mọ evaọ udevie egegagọ riẹ, Jihova ọ rẹ sẹro riẹ evaọ abọ-ẹzi. [w99-E 9/1 ẹwẹ. 6 edhe. 7]

32. Ileleikristi i re duomahọ eki-ọthuọ ewhariọ họ hayo onọ o rẹ ko uvi isiuru amọfa họ akotọ. [w99-E 9/15 ẹwẹ. 10 edhe. 2]

33. Ahwo nọ a be thuzi ọfariẹ-ogbe a sai te oria nọ a gbẹ sai ro zihe he, koyehọ uwhu, taure o tẹ lọhọ re a kurẹriẹ. [w99-E 11/15 ẹwẹ. 27 edhe. 4-5]

34. Ohwo nọ o wo areghẹ gbe ovuhumuo ọ rẹ wawo iyẹrẹ owojẹ riẹ yọ o re mu kie lele uruemu nọ u kie ze he fikinọ o rọ oria kpobi. [Isase Ebaibol ọ ẹkpoka; rri g94-E 12/8 ẹwẹ. 16 edhe. 1.]

35. O tẹ make wọhọ nọ ẹme ohwo o do wọhọ uzẹme gbe onọ o gba, o rrọ oware areghẹ re a yo abava ẹme na re a te ti bruoziẹ. [si-E ẹwẹ. 111 edhe. 36]