Isẹri-Ise—Rite Oka Akpọ Na

Ono ọ rẹ sae gwọlọ rri ividio na To the Ends of the Earth (Rite Oka Akpọ Na) ẹwẹwariẹ? Ahwo nọ a wo ute nọ a rẹ jọ imishọnare gbe ahwo nọ a wo ute orọ erukẹre odibọgba rai. Ividio na o kpokahọ ukpe avọ 50 orọ Isukulu Ebaibol ọ Giliad ọrọ Watchtower na, onọ a ruẹrẹhọ re a ro ru iruo isẹri na kẹre te ‘oka akpọ na kpobi’ na. (Ol. 22:27) Who te rri rie u ti ru ovuhumuo ra vihọ kẹ iruo nọ e mai w’uzou erọ ewhowho emamọ usi na o vẹ jẹ wọ owhẹ ru iruo bu viere. Roro: (1) Evaọ emuhọ ikpe ọ 1940, eme ọ mae jọ ọdawẹ ọ ukoko Jihova? (Iruẹru 1:8) (2) Evaọ 1942, didi eruẹaruẹ igbunu Ebaibol i je rugba, kọ oghẹrẹ vẹ oware nọ ma fi iroro mai họ u ro wo ohẹriẹ no orọ ahwo akpọ na kpobi? (Evia. 17:8; w89-E 4/15 ẹwẹ. 14 edhe. 12) (3) Didi omaa a ma re a rehọ uvẹ ọ etoke udhedhẹ nọ a je rẹro riẹ nọ u ti lele Ẹmo Akpọ II na ro ruiruo? ( jv-E ẹwẹ. 522 edhe. 1-2) (4) Didi uruemu emọ-isukulu ọ eklase ọsosuọ Isukulu Giliad na i si owhẹ urru? (5) Evaọ ikpe 50 ọsosuọ Isukulu Giliad na, bru emọ-isukulu i wuhrẹ nwrotọ, kọ bru ekwotọ a vi rai kpohọ? (6) Ẹvẹ emọ-isukulu na i ghine wuhrẹ Ebaibol na te? (7) Eme o re ru ohwo họ emamọ imishọnare gbe owuhrẹ ọ Ẹme Ọghẹnẹ? (8) Ẹvẹ uzuazọ imishọnare o rẹ jọ, kọ ise-abọ vẹ a rẹ rẹriẹ aro ku? (9) Ẹvẹ imishọnare a bi rri edhere uzuazọ rai, kọ obọdẹ oghọghọ vẹ u re no edhere ọ omolahiẹ k’amọfa rai ze? (10) Eme imishọnare idu buobu na i rugba no anwọ oke nana kpobi na? Kẹ iriruo. (11) Didiọ iroro who wo kpahe inievo nọ i kpohọ ‘oka akpọ na’ nyae ta usiuwoma na? (12) Eme oriruo nọ imishọnare i bi dhesẹ na o tuduhọ owhẹ awọ re who ru, kọ fikieme?