Iwhowhovia

◼ Ebe nọ a ti fihọ ada evaọ November: Eme Ọghẹnẹ Ọ Gwọlọ Mi Omai? hayo Eriariẹ Nọ I Re Su Kpohọ Uzuazọ Ebẹdẹ Bẹdẹ. Otẹrọnọ ohwo nọ ma be ta usiuwoma kẹ o wo ebe nana no, a rẹ sai fi obe ofa nọ u kri no họ ada kẹe. December: Ọzae nọ Ọ Mae Rro nọ Ọ Rria No. Wọhọ onọ a sai ro nwene iei, wha sai fi Obe Ikuigbe Ebaibol Mẹ, hayo Whọ Sae Ria Bẹdẹ Bẹdẹ eva Aparadase ọ Otọakpọ họ ada. Ukoko na u gbe wo enọ a sai ro nwene iei na ha, iviena wha nọ sọ ukoko jọ nọ o kẹle owhai u wo enọ i te kiọkọ nọ wha rẹ sai ro ruiruo. January: Obe kpobi nọ a kporo taure 1988 o te ti te nọ ukoko na u wo.

◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ December 1 hayo oke ofa nọ o kẹle riẹ. A te ru onana no, a ve whowho iei kẹ ukoko na nọ a te se iyẹrẹ epanọ igho e nya nọ u lele i rie na no.

◼ Ikoko i re muọ iko ọ Uwou-Eroro Na gbe Awake! erọ 2002 nọ a gba ekru họ evi evaọ ayare ebe rai n’ọtha. Iko na erọ Oyibo. Bọo oke nọ iko nọ a gba ekru na e te jariẹ re a je vi se ikoko, a te hai kere fihọ omobe nọ a ro dhesẹ unu ebe nọ a vi se ukoko na inọ “Pending” (E gbẹ rrọ emu tha). Iko nọ a gba ekru yọ ebe ayare obọdẹ.

◼ A re kere “Watch Tower Bible and Tract Society” fihọ oria ohwo nọ a rẹ hwa ugho na kẹ evaọ echẹke nọ a ro ru unevaze kẹ iruo akpọ-soso gbe Ẹkpa-Ugho Ọgwa Uvie na.

◼ Ma rẹro nọ enẹna obe ọ Wo Erere no Ewuhrẹ ọ Isukulu Odibọgba Esuo-Ọghẹnẹ Ze na u te iwhowho-uvie kpobi obọ no. Ahwo kpobi a rẹ daoma re a riẹ eware nọ e riẹ eva ziezi evaọ oma-oruẹrẹhọ kẹ eroruiruo riẹ evaọ Isukulu Odibọgba Esuo-Ọghẹnẹ na, muhọ no January 2003 vrẹ.