Ọkiẹkpemu Isukulu Odibọgba Esuo-ọghẹnẹ
A te rehọ unu kẹ iyo enọ obotọ na evaọ Isukulu Odibọgba Esuo-Ọghẹnẹ evaọ oka nọ o rọ February 24, 2003, muhọ na. Ọsẹro isukulu na o ti ru ọkiẹkpemu iminiti 30 rono eme nọ a ru evaọ eka ọ January 6 rite February 24, 2003 ze. [Mu ẹro họ: A gbẹ fodẹ oria nọ ẹme o no ze lele onọ jọ họ, o gwọlọ nnọ who ru ekiakiẹ obọra rọ gwọlọ iyo na.—Rri Isukulu Odibọgba, ẹwẹ. 36-37.]
EKWAKWA ẸMEỌTA
1. Uzẹme hayo Ọrue: Usiavẹ kẹ isase egbagba họ re ohwo ọ ruẹ nnọ ẹme nọ o bi se ọ riẹ do, o tẹ make rọnọ ẹme na ọ dina hẹriẹ oma no onọ a kere na. Ru ei vẹ. [be-IS ẹwẹ. 83]
2. Fodẹ Eme nọ I Fo Eria Ifofe Na: Re ohwo ọ ruẹsi se ẹme gbagba, o re ․․․․․․․․, ․․․․․․․․, ․․․․․․․․ o ve je wuhrẹ isase na do via. [be-IS ẹwẹ. 85]
3. Fikieme u je w’uzou re a t’ẹme vevẹ? (1 Kọr. 14:8, 9) [be-IS ẹwẹ. 86]
4. Eware vẹ jọ i re ru nọ ẹme o gbe do vevẹ hẹ, kọ eme ma rẹ sai ru re ma ruẹse ta ẹme vevẹ ziezi? [be-IS ẹwẹ. 87-88]
ẸME 1
5. Uzẹme hayo Ọrue: Ibiaro mai e sai fi obọ họ kẹ omai gaviezọ. Ru ei vẹ. [be-IS ẹwẹ. 14]
6. Fodẹ Eme nọ I Fo Eria Ifofe Na: Oware nọ o via kẹ Pọl evaọ edhere Damaskọs na u dhesẹ vevẹ inọ ․․․․․․․․ họ ․․․․․․․․ hayo ․․․․․․․․ nọ a ya-eyaa riẹ na, osu obaro ọrọ Uvie nọ a ya-eyaa riẹ na. [w01-IS 4/1 ẹwẹ. 5 edhe. 5]
7. Fodẹ Eme nọ I Fo Eria Ifofe Na: Pọl o wo erere no emamọ usi na ze keme ọ rehọ ․․․․․․․․ si obọ no eware nọ e jẹ kpọ ovao riẹ no Ọghẹnẹ ọ tẹ rọ ․․․․․․․․ le itee nọ e rọwo kugbe ẹjiroro Ọghẹnẹ. [w01-IS 4/1 ẹwẹ. 6 edhe. 4]
8. Ẹvẹ iriruo ọ Hana, Mak, gbe Elaeja i re ro fi obọ họ k’omai thihakọ eware elọhoma? Ẹvẹ ma sae rọ rehọ iriruo nana fi obọ họ kẹ amọfa? [w01-E 2/1 ẹwẹ. 20-23]
9. Ẹvẹ ewo otoriẹ aroza oke anwae u re ro fi obọ họ ru awọ Ebaibol jọ vẹ? Ẹvẹ ovuẹ nana u re kpomahọ izuazọ mai? [w01-E 1/1 ẹwẹ. 28-31]
ISASE EBAIBOL Ọ ẸKPOKA
10. Uzẹme hayo Ọrue: Nọ a rehọ Uvie Ọghẹnẹ mu evaọ obọ odhiwu evaọ 1914 no na, u gbe du fo ho re a lẹ nnọ “Uvie ra oze.” (Mat. 6:10) Ru ei vẹ. [be-IS ẹwẹ. 279; w96-E 6/1 ẹwẹ. 31]
11. Uzẹme hayo Ọrue: Eme ọ Jesu nọ a kere fihọ Matiu 11:24 i dhesẹ nnọ a te kpare ahwo nọ Jihova ọ rọ erae kpe evaọ Sọdọm gbe Gomora na ze. Ru ei vẹ.
12. Salọ Onọ O Gba: Ọrigbo nọ o wo ẹrọwọ avọ areghẹ nọ Jesu ọ fodẹ eva Matiu 24:45-47 na họ (a) Ugboma Esuo orọ Isẹri Jihova; (b) utu ọ Ileleikristi nọ a wholo na kpobi evaọ otọakpọ na evaọ etoke kpobi; (c) Jesu Kristi omariẹ. Ọrigbo nana ọ rẹ rehọ emu abọ-ẹzi evaọ ẹruoke kẹ “uwou” na, enọ i dikihẹ kẹ (a) omomọvo ọ enọ a wholo na; (b) igodẹ efa na; (c) enọ i bi se ebe Ileleikristi na kpobi. Olori na ọ rehọ ọrigbo na mu uzou ọ eyero riẹ kpobi evaọ ukpe ọ (a) 1914; (b) 33 C.E.; (c) 1919.
13. Salọ Onọ O Gba: Osakrosa nọ a ta ẹme kpahe evaọ ohare ọ Jesu nọ o rrọ Matiu 13:47-50 na o kẹre te ukoko Ileleikristi nọ a ro mu na gbe (a) Uvie Mesaya Ọghẹnẹ; (b) egbẹnyusu igodẹ efa rai; (c) Kristẹndọm.
14. Wọhọ epanọ eme Jesu nọ a kere fihọ Matiu 5:24 i dhesẹ, eme u fo nọ who re ru nọ whọ tẹ ruẹ nnọ who ru ibe ọgegagọ eva dha? [g96-E 2/8 ẹwẹ. 26-27].