Ọkiẹkpemu Isukulu Odibọgba Esuo-ọghẹnẹ
A te rehọ unu kẹ iyo enọ nọ e rrọ obotọ na eva Isukulu Odibọgba Esuo-Ọghẹnẹ nọ a ti ru eva oka nọ o rehọ December 29, 2003 muhọ. Ọsẹro isukulu na ọ te rehọ iminiti 30 ru ọkiẹkpemu ọrọ eme nọ a ru eva eka ọ November 3 rite December 29, 2003. [Muẹrohọ: Nọ a gbe kere oria nọ a rehọ ẹme no ze lele onọ na ha, o gwọlọ nọ who re ru ekiakiẹ kẹ omobọ ra ro duku uyo na.—Rri obe ọ Isukulu Odibọgba, ẹwẹ. 36-37.]
EKWAKWA ẸMEỌTA
1. Fikieme u je wuzou gaga re a rehọ Ebaibol na ruiruo evaọ iruo odibọgba na? [be-IS ẹwẹ. 145 edhe. 2, ẹkpẹti]
2. Ẹvẹ eme nọ e wariẹ ikereakere họ i re ro kpomahọ oghẹrẹ nọ a re ro dhesẹ ikere na? [be-IS ẹwẹ. 149]
3. Fikieme u ro wuzou re a fi ẹgba họ eme nọ i fo okenọ a te bi se oria Ebaibol, kọ ẹvẹ a sai ro ru onana tobọ? [be-IS ẹwẹ. 151 edhe. 2, ẹkpẹti]
4. Ẹvẹ ma re ro fi ohrẹ Pọl na họ iruo inọ ma “yọrọ ẹme uzẹme na ziezi” okenọ ma te bi wuhrẹ amọfa, kọ fikieme onana u ro wuzou? (2 Tim. 2:15) [be-IS ẹwẹ. 153 edhe. 2, ẹkpẹti]
5. Ẹvẹ Pọl ọ rọ ‘rehọ Ikereakere na lele ahwo jiroro’? (Iruẹru 17:2, 3) [be-IS ẹwẹ. 155 edhe. 5, 6]
ẸME 1
6. Ma tẹ be rehọ okwakwa ekiakiẹ ulogbo mai na, Ebaibol na, rọ ruẹrẹ ẹme, fikieme o rọ rrọ erere re ma (1) kiẹ eme nọ e wariẹ awọ Ebaibol họ, (2) kiẹ ikere-akotọ na riwi, gbe (3) rehọ udhesẹ-ẹme Ebaibol ru ekiakiẹ na? [be-IS ẹwẹ. 34 edhe. 3–ẹwẹ. 35 edhe. 2]
7. Ẹvẹ a re ro dhesẹ uvi omarokpotọ, kọ ono a re dhesẹ iẹe kẹ? [w01-E 10/1 ẹwẹ. 22-23]
8. Eme họ otofa ẹme na: “Koyehọ Ọghẹnẹ ọ rehọ uwoho riẹ ma ohwo, evaọ uwoho oma Ọghẹnẹ ọ rọ ma ae; ọzae gbe aye ọ ma rae.” (Emuhọ 1:27) [w01-IS 12/1 ẹwẹ. 4 edhe. 2]
9. Eware vẹ ma re fihọ iroro ma te bi roro kpahe eme nọ ma re ro ru ẹme okenọ ma te ru ekiakiẹ kẹ ẹme mai no? [be-IS ẹwẹ. 38]
10. Fikieme eme Jesu kpahe “edẹ Noa” na i ro wuzou kpahe uyero mai nẹnẹ? (Mat. 24:37) [w01-E 11/15 ẹwẹ. 31 edhe. 3-4]
ISASE EBAIBOL Ọ ẸKPOKA
11. Ẹvẹ ileta Pọl se Filimọn i ro dhesẹ nnọ iruo Oleleikristi họ re o fi obọ họ kẹ ahwo zihe ruọ Ileleikristi, orọnikọ re a họre kẹ ẹkpọvi ebẹbẹ eyero oke nana ha? (Filim. 12)
12. Eme họ ohẹriẹ nọ o rrọ udevie ‘ereghe no,’ “oma usino,” gbe “ekie no”? (Hib. 2:1; 3:12, NW; 6:6, NW ) [w99-IS 8/1 ẹwẹ. 19 edhe. 12; w86-E 6/1 ẹwẹ. 14 edhe. 16-17; w80-E 12/1 ẹwẹ. 23 edhe. 8]
13. Eme ma re ru re ma siọ ẹme na “otẹ ruọ Ọnowo na” ba ezihe ruọ oware ugbotọ? (Jem. 4:15) [cj-E ẹwẹ. 171 edhe. 1-2]
14. Eme u dhesẹ re ma “hẹrẹ je . . . rẹro ẹtha ẹdẹ Ọghẹnẹ vẹrẹ vẹrẹ,” kọ ẹvẹ ma sai ro ru ere? (2 Pita 3:12) [w97-IS 9/1 ẹwẹ. 25-26]
15. Obọdẹ ohrẹ vẹ kẹ Ileleikristi nẹnẹ ma rẹ ruẹ evaọ evuẹ se ikoko ihrẹ nọ a fodẹ evaọ Eviavia uzou avọ 2 gbe 3 na? (Evia. 2:4, 5, 10, 14, 20; 3:3, 10, 11, 17, 19)