Iwhowhovia

◼ Ebe nọ a ti fihọ ada evaọ January: Obe kpobi nọ a kere taure 1988 o te ti te nọ ukoko na u wo. Otẹrọnọ wha gbe wo ọvuọvo enana ha, iviena nọ mi ikoko nọ e kẹle owhai sọ a wo ebe anwae nana nọ i te kiọkọ nọ wha sai ro ruiruo. February: Si Kẹle Jihova. March: Eriariẹ Nọ I Re Su Kpohọ Uzuazọ Ebẹdẹ Bẹdẹ. Ma te daoma gaga re ma mu ebe-iwuhrẹ Ebaibol họ. Otẹrọnọ ahwo na a wo obe onana no vẹre, wha rẹ sai fi obe ọ Kezọ kẹ Eruẹaruẹ Daniẹl! na họ ada. April: Fi Emagazini Uwou-Eroro Na gbe Awake! họ ada. Okenọ who te bi zihe bru ahwo nọ a dhesẹ isiuru, ku ahwo nọ a kpohọ Ekareghẹhọ na hayo omakugbe Ileleikristi mai efa jọ rekiyọ a ri kuomagbe ukoko na ziezi hi kugbei. Tẹrovi efihada obe ọ Gọ Ọghẹnẹ Uzẹme Ọvo Na. Daoma gaga re who muọ obe-uwuhrẹ Ebaibol họ, maero otẹrọnọ ohwo na o wuhrẹ obe Eriariẹ na gbe ibroshọ Gwọlọ na no.

◼ Muhọ evaọ oka ọ March 15, 2004, ma ti wuhrẹ Si Kẹle Jihova evaọ Uwuhrẹ Obe Ukoko.

◼ Muhọ evaọ February, nọ u re lehie vrẹ March 7 he, ovuẹ ogbotu okpokpọ kẹ esẹro okogho o te jọ “Itee Ono Who Se Gboja?”

◼ Ikoko i re ru ọruẹrẹfihotọ re a ru ehaa Ekareghẹhọ enukpe ọnana eva Ẹdoka, April 4, nọ ọre o te kiediwi no. Dede nọ a sae kaki mu ẹme na họ ẹta, ẹwọ ebrẹdi gbe udi na u re muhọ họ bẹsenọ ọre o re kiediwi no. Nọ o rọnọ iwuhrẹ kẹ usiuwoma ota ọvo a re ru evaọ ẹdẹ ọyena, a re ru inwene nọ i fo re a ru Ewuhrẹ Uwou-Eroro na evaọ oke ofa. O gwọlọ nọ esẹro okogho a re nwene omaa ewuhrẹ oka yena lele uyero oborai. Dede nọ o rrọ oware isiuru re ukoko kpobi u ru ọvuọ ehaa Ekareghẹhọ riẹ na, orọnikọ ẹsikpobi onana o rẹ lọhọ họ. Oria nọ ikoko buobu e jẹ be jọ Ọgwa Uvie ọvo ru iwuhrẹ, ukoko ovo hayo bu viere a rẹ sae gwọlọ oria ofa kẹ owọwọ oyena. Oria nọ o jọ lọhọ, ma jiroro nnọ o tẹ kao u re lehie te iminiti 40 re ukoko ofa u te ti muhọ, re ahwo kpobi a sae wo erere no ehaa na ze vọvọ. Wha re roro kpahe ebẹbẹ imoto buobu nọ e rẹ jọ edhere gbe oria nọ a rẹ dhẹ imoto fihọ, kugbe ẹwọ ze gbe ẹwọ kpo ahwo. Ugboma ekpako na o rẹ jẹ iroro eruẹrẹfihotọ nọ e mai kiehọ evaọ oborai.