Ọkiẹkpemu Isukulu Odibọgba Esuo-ọghẹnẹ

A te rehọ unu kẹ iyo enọ nọ e rrọ obotọ na eva Isukulu Odibọgba Esuo-Ọghẹnẹ nọ a ti ru eva oka nọ o rọ June 28, 2004 muhọ. Ọsẹro isukulu na ọ te rehọ iminiti 30 ru ọkiẹkpemu ọrọ eme nọ a ru eva eka ọ May 3 rite June 28, 2004. [Muẹrohọ: Nọ a gbe kere oria nọ a rehọ ẹme no ze lele onọ na ha, o gwọlọ nọ who re ru ekiakiẹ kẹ omobọ ra ro duku uyo na.—Rri obe ọ Isukulu Odibọgba, ẹwẹ. 36–37.]

EKWAKWA ẸMEỌTA

1. Eware vẹ e rẹ sae whae ze nọ ẹme ohwo o gbe ro do wọhọ ẹsenọ o bi lele ohwo gbiku hu, hayo lẹliẹ ẹme riẹ jọ dokpodokpo nọ o te bi ru ẹme no eplatfọmo ze? [be-IS ẹwẹ. 179 edhe. 4]

2. Fikieme urru mai nọ ma re ru woma o gbẹ rọ rrọ ẹwẹ nọ ma rẹ wẹ totọ je dhomamu ziezi ọvo ho? [be-IS ẹwẹ. 181 edhe. 2]

3. Nọ ma be wha uzẹme Ebaibol se amọfa na, ugogo eware vẹ ma rẹ sai ru re ma ‘zihe ruọ eware kpobi kẹ oghẹrẹ ahwo kpobi’? (1 Kọr. 9:20–23) [be-IS ẹwẹ. 186 edhe. 2–4]

4. Eme o kẹre te re ma kezọ ziezi evaọ odibọgba mai? [be-IS ẹwẹ. 187]

5. Fikieme u je wuzou re ma dhesẹ adhẹẹ kẹ ohwo kpobi nọ ma nyaku evaọ odibọgba mai? [be-IS ẹwẹ. 190]

ẸME 1

6. Eme họ ute ahwo nọ a bi wuhrẹ amọfa ithubro Ọghẹnẹ, kọ eme o ti fi obọ họ kẹ omai nyate ute nana? (Mat. 5:16; Jọn 7:16–18) [be-IS ẹwẹ. 56 edhe. 3–ẹwẹ. 57 edhe. 2]

7. Fikieme o jẹ rrọ oware erere re a dhesẹ ohẹriẹ nọ o rrọ eware ivẹ nọ ma te bi wuhrẹ, kọ ẹvẹ Jesu ọ rọ rehọ ona uwuhrẹ nana ruiruo? [be-IS ẹwẹ. 57 edhe. 3; ẹwẹ. 58 edhe. 2]

8. Wo ohẹriẹ no ahwo Farisi, ẹvẹ iwuhrẹ Jesu i ro duobọ te ibiudu ahwo? [be-IS ẹwẹ. 59 edhe. 2–3]

9. Ẹvẹ ma sai ro fi obọ họ kẹ ahwo nọ ma bi wuhrẹ re a fi eware nọ a bi wuhrẹ họ iruo, ababọ iroro nọ ma rẹ jẹ kẹ ae? [be-IS ẹwẹ. 60 edhe. 1–3]

10. Ẹvẹ ma rẹ kpahe fihọ enọ nọ amọfa a nọ kpahe eme nọ ohwo ọ rẹ jiroro rai kẹ oma riẹ? [be-IS ẹwẹ. 69 edhe. 4–5]

ISASE EBAIBOL Ọ ẸKPOKA

11. Fikieme Mosis ọ jẹ nya lele “oghẹrẹ [ona] uwou-udhu-egagọ na, gbe eware nọ a rẹ rọ ruẹ riẹ kpobi na” kpekpekpe? (Ọny. 25:9; Hib. 8:5) [w03–E 2/15 ẹwẹ. 29 edhe. 1–2]

12. Eme u dhesẹ inọ idhe uzioraha hayo idhe oruthọ e rẹ kobaro kẹ idhe emahọ? (Izerẹ 8:14, 18; 9:2, 3) [w00–IS 9/1 ẹwẹ. 8 edhe. 16; ẹwẹ. 11 edhe. 8]

13. Eme ma rẹ sai wuhrẹ no edhesẹ ẹrọwọ nọ emọ Izrẹl a ro yoẹme kẹ ujaje Jihova nọ o rrọ Ọnyano 34:23, 24 na ze?

14. Eme idhe udhedhẹ na e jọ kẹ? (Izerẹ 3:1)

15. Eme ma rẹ sai wuhrẹ no Ọnyano 30:9 ze kpahe oghẹrẹ nọ ma re ru evaọ egagọ mai nẹnẹ? [w00–IS 12/1 ẹwẹ. 12]