Iwhowhovia

◼ Ebe nọ a ti fihọ ada evaọ February: A ti fi obe ọ Si Kẹle Jihova họ ada. Enọ a sai ro nwene iei họ Kezọ kẹ Eruẹaruẹ Daniẹl!, gbe Whọ Sae Ria Bẹdẹ Bẹdẹ eva Aparadase ọ Otọakpọ. March: Eriariẹ Nọ I Re Su Kpohọ Uzuazọ Ebẹdẹ Bẹdẹ. April and May: Emagazini Uwou-Eroro Na gbe Awake! Okenọ who te bi zihe bru ahwo nọ a dhesẹ isiuru, gbe ahwo nọ a kpohọ Ekareghẹhọ na hayo omakugbe Ileleikristi mai efa jọ rekiyọ a ri kuomagbe ukoko na ziezi hi, tẹrovi efihada ọ Gọ Ọghẹnẹ Uzẹme Ọvo Na. Daoma gaga re who muọ obe-uwuhrẹ Ebaibol họ, maero otẹrọnọ ohwo na o wo obe Eriariẹ na gbe ibroshọ Gwọlọ na no.

◼ Ọsẹro ukoko na hayo omọfa nọ o vi ọ rẹ kiẹ igho ukoko na riwi evaọ March 1 hayo oke ofa nọ o kẹle riẹ. Otẹrọnọ wha wo ẹkpa-ugho jọ nọ a ruẹrẹ họ kẹ ẹjiroro jọ, wọhọ ẹruorote hayo ebabọ, a re ru ọruẹrẹfihotọ re a kiẹ igho nana riwi re. A te ru onana no, a ve whowho iei kẹ ukoko na nọ a te se iyẹrẹ epanọ igho e nya n’otha na no.

◼ Okere-obe gbe ọsẹro usiuwoma ota na a rẹ kiẹ iruo ekobaro oke-kpobi riwi. Otẹrọnọ ejọ i bi wo ẹbẹbẹ evaọ ẹnyate euwa nọ a gwọlọ na, jọ ekpako na a ru ọruẹrẹfihotọ re a kẹ ae obufihọ. Rọkẹ iroro-ejẹ, kiẹ ileta kukpe kukpe Society, S-201 na riwi.

◼ Uzoẹme ovuẹ ogbotu obọdẹ rọkẹ ezi Ekareghẹhọ 2005 na o te jọ “Fikieme Jesu Rọ Ruẹ Uye Je Whu?” Rri owhowhovia nọ o kie kpahe onana evaọ Odibọgba Uvie Mai ọrọ January 2005.

◼ Jọ ohwo kpobi ọ ziọ ewuhrẹ Ovuẹ Ogbotu nọ a te kẹ eva Ẹdoka, March 20 na. A ti ru owhowhovia obọdẹ jọ kpahe ọruẹrẹfihotọ nọ a bi ru kẹ iwhowho-uvie.

◼ Muhọ evaọ oka ọ May 23, 2005, ma ti wuhrẹ ibroshọ Wha Hai Rroro! na evaọ Uwuhrẹ Obe Ukoko.